Батыс Қазақстан облысы

Жаңақала ауданы

Х.Нұрымғалиев атындағы жалпы орта білім беретін мектебі

«Өзін − өзі тану» пәні мұғалімі

Тауманова Қарылғаш Сансызбайқызы

«Мен балаларға не бере аламын?» (эссе)

«Ұстазы жақсының, ұстамы жақсы» - деген даналыққа толы көзқарасты ойдың астарына үңілсек, шәкірт тәрбиелеу ұлт болашағының негізін қалағанмен бірдей. Соның ішінде «Өзін – өзі тану» пәні өскелең ұрпақты рухани тұрғыдан тәрбиелеп, адалдыққа, адамгершілікке, парасаттылыққа жетелейді. Біреудің ала жібін аттамауға, кесірін тигізіп қиянат жасамауға баулиды. Ұстаз ретінде шәкірттеріме жандарын жақсылыққа ұмтылдырып, өмірде жақсы адам атануына, үнемі ақыл кеңесімді айтып, тәрбиелік шараларды насихаттап, өзіне қуаныш, өзгеге жұбаныш болуды дәріптеп ішкі жан дүниесінің тыныштығының күтушісі болуға тырысамын. Өз сүйіспеншілігімен қоса ата – ана, Отан анасының ұлы махаббаты балаларына шынайы екенін түсіндіремін. Тура жолды көрсетіп, ақиқаттың жеңетінін, өмірде дұрыс әрекет жасау өзінің бақытқа барар баспалдағы екенін әсте түсінетіні анық. Осындай кішкене ғана рухани байлық тізбегі өмір ұғымының маңызын арттырмаса, кемітпейтіні ақиқат.

Түйіндей келе, балаға ата – анадан кейін тәлім – тәрбие, дүниенің жарығын, кемел елдің рухани тұлғасына сай, ең бастысы жақсы адамға лайық қасиеттерді дәріптеп өмірлік азық беремін.