Мамандық таңдау мектеп қабырғасынан басталады. Сондықтан да,мен өскенде кім боламын, қандай мамандықты таңдаймын деп ойланамын.  Мамандық таңдау - өміріңнің бір кірпішін дұрыс қалау деп түсінемін.Мамандық таңдауда қателесуге болмайды, өйткені әрбір адамның болашағы таңдаған мамандығына байланысты болмақ. Болашағымды таңдаған мамандығыммен байланыстырамын. Ол үшін мен ең алдымен сабағымды жақсы оқуым керек.

-Мен өскенде кім боламын?-қандай қызық сұрақ еді,маған салса бір емес,бірнеше мамандықтың иесі болар едім. Бірақ өзім боксшы болғым келеді.

Менің кумирім Геннадий Головкин. Мен оның тікелей эфирдегі жекпе-жектерін жібермей көремін. Біздің елімізден сондай мықты боксшы шыққанына қуанамын әрі сақтан тұтамын. Менің де Геннадий ағамыз секілді ешкімнен қорықпайтын боксшы болғым келеді. Дәл сондай күшке,дарынға ие болғым келеді

Ең бастысы, адам еңбекке қабілетті, зейінді болуы қажет және оның мамандығы өзін қоршаған ортаға маңызды, бағалы үлес қосатындай болуы шарт. Өз ісіне сенімді, мамандығын сүйіп таңдаған адам ғана жетістікке жетеді. Адам еңбегінен қуаныш таба білсе ғана, шабыты арта түседі. Зор ықылас, шабытпен істелген іс биігіне жеткізетін қанат. Мен өзімнің қалаған маман иесі боламын! Әрине, бұл жолда талай қиындықтар туындайтынын білсем де мен өз мақсатыма жететініме сенімдімін. Осы орайда ойымды жүзеге асыруда қазіргі күннен бастап алға қарай қадам басудамын. Барлық жігерімді білімге,сабаққа салу керек.