Мен саған есірткі жайлы
айтып беремін.
Сәлем досым! Бүгін мен саған
есірткі жайлы айтып беремін.
Есірткі өте зиянды ат екенін
бәрі білсе де түсінбейтіндер баршылық. Білесің, бақытты болу үшін
әрбір адам оған қол жеткізуге асығып армандайды, оған ұмтылып
мақсат етеді. Бақытты болуды әркім әртүрлі түсінеді. Мықты,
денсаулығы бар адам шынайы бақытты деп есептеймін. Егерде сен
есірткі қолданатын болсаң бірінші денсаулығыңды, екінші ата-анаңды
есіңе алып ойлан! Есірткі саған жаңа өмір сыйламайды, керісінше
өміріңді қысқартып бұл дүниеден қалай тез өтіп кеткеніңді түсінбей
қалуың мүмкін. Ешқашан «бір рет көрші, аспанда қалықтап ұшқандай
сезімде боласың, көңіл-күйіңді әрқашан көтеріп жүресің, егер шексең
керемет зат бұл» деген сөздерге ерме. Сен өзіңді ойламасаң сені
ешкім ойламайды. Сен әлі жассың, өмірің алда. Әр адам өзін-өзі
басқаруға толық мүмкіндігі бар. Дені сау адам өмірден ләззат алады,
көңіл-күйі көтеріңкі, жүзі жылы нұрланып тұрады. Адам баласының
өзін-өзі ұстай білуі, мінезі, іс-әрекеті барлығы да сана сезімге,
ақылына байланысты.
Досым, саған осы нашақорлықтың
өзімізбен қатарлас достарымыдың арасындағы кішігірім белгілерін
айта кетейін. Нашақорлықтың белгісі ретінде киімнің олпы-солпылығы,
көбіне қара түсті заттарды киюге ұмтылуы мүмкін. Уколдың іздерін
жасыру мақсатында ұзын жеңді көйлек кию тән. Беттің түсі бозарады,
ал кейде топыраққа ұқсас болады. Шаштың қоюлығын жоғалтады және
сынғыш келеді. Мысалы, досым, сенің танысың, көршің наша тұтынуы
мүмкін. Адамға тереңірек үңілсең, оның бұрынғы дос және жолдас
еместігін аңғарасың. Ол ызақор, көңіл-күйі жиі өзгеріске ұшыраған,
көбіне аса озбыр адам. Сен онымен мұндай нәрсенің болғанын
түсінбейсің. Оның өтілі бар нашақор екендігіне сену қиын. Егер
осындай белгілерді достарыңнан байқасаң дереу сынып жетекшіге
немесе ата-анаңа, полиция қызметкерлеріне жасырмай айтуың керек.
Жалпы саған айтқым келгені есірткісіз, зиянды заттар мен зиянды
әдеттерден өзіңді аулақ ұстасаң сонда ғана өмірің ғажапқа толы
болады.
№244 Ы.Жақаев атындағы орта
мектеп 9 «Ә» сынып оқушысы Тілеубай
Мерей