«Менің әлемім – сұлулық пен мейірімділік әлемі»

Сабақ: Тәрбие сағаты

Мұғалімнің аты-жөні:

Күні:

Сынып:

Оқушы саны:

Қатысым саны

Қатысқандар саны:

Қатыспағандар саны:

Сабақтың тақырыбы

«Менің әлемім – сұлулық пен мейірімділік әлемі»

Сабақтың мақсаты

1. балалардың «мейірімділік», «қайырымдылық» қасиеттері туралы түсініктерін кеңейту

2. -өзара сыйластық, достық, сүйіспеншілік туралы түсінік беру;

3. - өзін және айналасын сүюге, жақсы көруге деген ниеттерін ояту;

4. -қоршаған ортаға жақсылық жасай білуге тәрбиелеу;

Сабақтың түрі

Жаңа сабақ

Сабақтың көрнекілігі

Мақал-мәтелдер, дәйексөздер, презентация, бейнежазба

Әдіс-тәсілдер

жеке жұмыс, талқылау, жұптық жұмыс

Дәйексөз

Пәнаралық байланыс

Әдебиет, өзін-өзі тану, Қ.тарихы

Сабақтың техникалық құрал-жабдықтары

Ноутбук, компьютер, планшет

Сабақтың барысы

Сабақтың жоспарланған кезеңдері

Сабақтағы жоспарланған іс-әрекет

І. Ұйымдастыру кезеңі

1. Оқушылармен сәлемдесу.

2. Оқушылардың сабаққа қатысымын тексеру.

Біз бүгін тәрбие сағатында адамның жақсы қасиеттерінің бірі мейірімділік жайлы әңгімелесеміз. Адамдардың бір-біріне деген мейірімділігі – әдептілік белгісі. Бәріміз шаттық шеңберіне жиналып, бір-бірімізге жақсы тілектер тілейік, жылы лебіздер білдірудің өзі жақсы қасиеттерге жатады (Балалар бір-бір тілек айтады)

(Сары лентаны айналдыра отырып, күннің бейнесін шығару)

Аспанымыз ашық болсын!

Денсаулығымыз мықты болсын!

Мейірімді болайық!

Бәріміз дос болайық!

Ата-анамызды ренжітпейік!

Ұстаздарды ренжітпейік!

Бақытты болайық! (жалғаса береді)

Мұғалім:

Лентаны айналдырғанда ненің бейнесі шықты?(Күн)

Табиғатта жылу күннен тараса, жердегі жылулық, мейірім кімнен тарайды?(Ана)

Балалар, бүгін біздің тәрбие сағатымыз мейірімділіктің көзі күн, ана сияқты қасиетті ұғымдарға арналады.

Мейірімділік — адамның өзге біреуге жылылығын, ізгі ниеті мен лебізін білдіру көрінісі. Мейірімділік адамдар арасындағы сыйластық, кең пейілділік, жанашырлық, ізгі ниет секілді қасиеттерге негізделеді.

Тақтада ілінген суреттерге қарап тақырыппен байланыстыру. Видеоматериалға назар аудару.

Ресурстар

Ғаламтор көзі

https://www.youtube.com/watch?v=uo4RZeHvaHU

Сабақтың басы

5-минут

Сабақтың ортасы

15 минут

Мәтінмен жұмыс/1-қатар оқушыларына тапсырма

Мейірімділік туралы аяқталмаған мәтін беріледі.

Мейірімділік

Бір мазасыз балапан өмір сүріпті. Күндердің күнінде ол анасынан «Мейірімділік деген не?» - деп сұрайды.

- «Сен әлі кішкентайсың. Өскеннен соң түсінесің» - деді анасы. Бірақ, балапан шыдамсыз еді. Ол жауапты тезірек білгісі келіп, жолға шығады. Жолда жылап жүрген ешкіні кездестіреді, ол балапаннан лағын табуға көмектесуін сұрайды.

- «Менде уақыт жоқ, мен мейірімділікті білуім керек» - дейді балапан.

Шалғайдан қыз баланы кездестіреді. Ол ағашқа ілініп қалған шарды алып беруіне көмек сұрайы.

- «Менде уақыт жоқ, мен мейіріміділіктің не екенін білгім келеді» дейді.

Сонда қыз:

- Ал мен білемін. Менің анам үнемі қайырымды адамдар туралы айтады.

- Маған да айтшы, - деді балапан.

Мәтінді аяқтау тапсырылады.

Бірінші сен шарды алып бер, - деді қыз. Балапан ұшып барып шарды әперді.

- Мінекей, сен қайырымды іс істедің. Мейірімділік деген осы – дейді қыз.

- Қандай оңай, - деп таң қалады балапан.

2-қатар. Жағдаятқа сай жұбыңмен сурет салу. Жұптаса түсіндіру.

Сен мектептен келе жаттың кенет көшеде бір топ баланы көрдің.Олар суға түсіп кеткен кішкентай күшікке тас лақтырып жатыр екен.Сен не істер едің?

Досыңмен келе жаттың. Кенет сендердің қасыңнан өте бергенде бір қыз бала аяғы тайғанап құлап қалды. Сен не істер едің?

Сен сабақтан келе жатқанда бір топ оқушылардың талдардың бұтақтарын жұлып, жапырақтарымен ойнап, өсіп тұрған гүлдерді жұлып тастағанын көрдің. Сенің әрекетің?

3-қатар тапсырмасы.

«Мен мейірімді баламын» тақырыбына өздерің жасаған істерің туралы шағын әңгіме жазыңдар

Ауызша мадақтаулар

Қорытынды

3 минут

Қорытындылау

Мұғалім: 

Жақсы болу өзіңнен,

Жаман болу өзіңнен.

Өзіңді өзің ая да ,

Өзіңнен үйрен өзіңнен.

Жақсылық көрсең біреуден,

Мен қандаймын деп ойла,

Жамандық көрсең біреуден,

Мен қандаймын деп ойла,-дегендей,

кішіге, табиғатқа, қоршаған ортаға мейірімді, досыңа қайырымды, еңбексүйгіш, шыншыл да қамқор болсаң, өсе келе ата- анаңның, Отаныңның мақтаны боласың.

Сау болыңыздар!!! Өз денсаулықтарыңызды күтіңіз! Жақындарыңызға қамқор болыңыз! Оқу жылын сәтті бастап, ойдағыдай аяқтауыңызға тілектеспін!