"Менің елім, менің Президентім!"

С.Сатыбалдин атындағы ЖОББМ. «Балауса» шағын орталығы.

Менің елім, менің Президентім!

(Тұңғыш Президент күніне арналған тәрбие сағаты)

Дайындаған: тәрбиеші Дангарина А.М

2018 оқу жылы

Тақырыбы: «Менің елім, менің Президентім!

Көрнекілігі: Елбасы суреттері, әнұран, т.б.

Тәрбиеші: Сәлеметсіңдер ме, балалар!

Тәрбиеші: Бүгінгі ашық сабақ Елбасымыз- Нұрсұлтан Әбішұлы Назарбаевқа арналады. Балалар, біз алғаш Елбасы күнін атап өткелі жатырмыз. 
Тәрбиеші: Нұрсұлтан Әбішұлы Назарбаев 6-шілде 1940 жылы Алматы облысы Қаскелең ауданындағы Шамалған ауылында туған. Балалық шағы кейде айта беретініміздей таршылық жағдайда өтті. Үлкендердің мал бағуына, бау-бақша өсіруіне көмек көрсету керек болды, шөпшек теріп, отын жарды. Мектепте жақсы оқып, жақсы білім алды. Ата-анасын қатты құрмет тұтты.
Тәрбиеші: Отбасылық жағдайына келетін болсақ, Нұрсұлтан Әбішұлы Назарбаевтың жұбайы – Сара Алпысқызы. Олардың 3 қызы бар: Дариға, Динара, Әлия. 
1991 жылы 1-желтоқсанда республика жұртшылығы тұңғыш рет Нұрсұлтан Әбішұлы Назарбаевты Республикамыздың Президенті етіп сайланды. 

1992 жылы 4-маусымда жаңа мемлекеттік рәміздер Елтаңба, Ту, Әнұран бекітілді.

Әнұран айтылады.

Тәрбиеші: Ал кане,енді балалар Президентімізге арналған слайд шоу көреміз.

Тәрбиеші: Елбасымызға арналған өлең жолдары:

Елбасымыз жолдайды,

Халқы оны қолдайды.

Ешқашанда орынсыз,

Шешімдері болмайды.

Елбасы елді қорғайды,

Халық қамын ойлайды.

Осындай жақсы адамның,

Жақсылығы тарайды.

Тәуелсіздікті елге сыйлады,

Бейбітшілікті қалады.

Орындалып арманы,

Халқымызда ажарлы.

Осының бәрі әрине,

Елбасының арқасы.

Елбасымыз Нұр аға

Салғызып Алтын орда

Көркейтіп елін қазақтың

Көрсетпей өмір азабын.

Қазақ елі – Қазақстан

Болашаққа үн қосқан

Жақсы күнге жетелеп

Елбасым менің – Нұрсұлтан

Жасай бер Қазағым!

Жасай бер Елбасым!

Елімнің елбасшысы

Нұрсұлтан атамыз аман болсын!

Қуат алған өзінен

Туған елдің ұлымын

Бақытты етіп өсірген

Отанымның гүлімін.

Тәрбиеші: Балалардың орындауында Вальс биі.

Тәрбиеші: Балалардың орындауында « Нұр аға» әні.

Тәрбиеші:
Қазақ елі, желбіреп көк байрағың,
Гүлге оранды ауылың мен аймағың.
Нұрсұлтаның биіктерге бастады,
Ол көрсеткен нұрлы жолдан таймағын. Деп бүгінгі тұңғыш президент күніне арналған тәрбие сағатымыз осымен аяқталды. Келесі кездескенше сау болыңыздар!