САБАҚ: Қазақ тілі

Мұғалімнің аты-жөні: Абишева Әлия Зулькарамовна

Сынып: 2 «Л» сынып Мектебі: №23

Бөлім атауы:

Салт-дәстүр және ауыз әдебиеті

Сабақтың тақырыбы

Менің мысығым ақ. Бөлім бойынша жиынтық бағалау.

Жүзеге асатын оқу мақсаттары

2.3.5.1. Мұғалімнің көмегімен сөздік, анықтамалардан қажетті ақпаратты табу.

2.2.5.1. Фильмдер мен тыңдалым материалындағы сөйлемдерді қолданып, сюжетті суреттеу.

2.5.1.4. Мұғалім көмегімен сөйлеу барысында есімдіктерді (сілтеу, сұрау) қолдану.

Сабақтың мақсаты

Білімділік: Тақырыпқа қатысты сөздің мағынасы мен қолданылу аясын түсіндіре келе қысқа сөйлемдер құратуға үйрету.

Дамытушылық: Жаңа тақырып аясында берілген қысқа сөйлемдер бойынша жұмыс істеу арқылы ойлауға, ізденуге жетелеу.

Тәрбиелік: Шағын мәтіндер арқылы оқушыларды жануарларға қамқор болуға, оларды қорғауға тәрбиелеу.

Сілтеме:

Оқу бағдарламасы, «Қазақ тілі» оқулығы

Жетістік критерийлері

Оқушының төмен жетістігі: тақырыпқа қатысты тыңдаған материалдың мазмұнын түсінеді, мысығы жайлы ақпарат бере алады.

Оқушының орташа жетістігі: тақырыпқа қатысты қысқа сөйлемдерді қолдану арқылы ақпарат бере алады, қазақ тілінде мысығы туралы айта алады.

Оқушының жоғарғы жетістігі: тақырыптың мазмұны бойынша жаңа атауларды қатыстырып сөйлемдер құрай алады, тақырып аясында тілдік қарым-қатынас құра алады.

Жаңа сөздер:

Қалай? Мұрт, тырнақ, тырнайды

Сабақта қолданылатын материалдар:

Слайдтар, үй жануарларының суреттері, парақшалар, смайликтер

Оқыту әдістері:

Түсіндіру, сұрақ-жауап, «Шаттық шеңбері» тренингі, кластер, «Бағдаршам» тәсілі, смайликтер, сергіту жаттығуы

Дереккөздері:

Әдістемелік құрал, дидактикалық материалдар, сөздік.

Тапсырма

Мұғалімнің іс-әрекеті

Оқушының іс-әрекеті

Оқушыларға психологиялық ахуал туғызу

Мұғалім оқушыларды «Шаттық шеңберіне» тұрғызады, сәлемдеседі, жоқ оқушыларды түгендейді.

Оқушылар «Шаттық шеңберіне» тұрып, мұғаліммен амандасады. Бір-біріне сәттілік, жақсы тілектер айтады.

Өткен сабақты тексеру

Өткен сабақтың тапсырмасын тексереді. Кемшіліктерді анықтайды, түзетеді, бағалайды.

Тапсырманы айтады, тақырып бойынша сұрақтарға жауап береді.

Бөлім бойынша жиынтық бағалауды өткізу

«Салт-дәстүр және ауыз әдебиеті» ортақ тақырыбы бойынша жиынтық бағалауды өткізеді.

Орындау уақыты: 20 минут.

Сөздердің/сөйлемдердің мағынасын ажыратады.

Тәуелдік және жіктік жалғауларын орынды пайдаланады.

І. Қызығушылықты ояту

Оқушылардың жаңа сабаққа деген қызығушылығын ояту мақсатында мысықтың суретін көрсетеді. Мұғалім:

• Балалар, сендердің үйлеріңде мысық бар ма? Оны қалай атайсыңдар? мысықтың суретін көрсетеді.

Оқушылар сұрақтарға жауап береді.

ІІ. Мағынаны тану

1.Сөздікпен жұмыс. А) Мұғалім парақшаға жазылған жаңа сөздермен таныстырады, аудармасын айтады. Оларды оқиды, оқушыларға қайталатады.

Ә) «Дұрыс айт!» айдарында берілген сөздерді дұрыс айтуға машықтандырады, бірнеше рет қайталатады.

Тыңдалым. Оқылым. Жаңа сөздерді, тыңдайды, қайталайды.

Айтылым. Дұрыс айтылуымен ауызша жаттығу жүргізеді.

2.Мәтінмен жұмыс. Тыңдалым. Оқулықтағы тыңдалымға арналған мәтінді тыңдатады, сөздердің мағынасын түсіндіреді.

Тыңдалым. Мәтінді мұқият тыңдайды, оқиды, жаңа сөздерді қайталайды.

3.Оқулықтағы тапсырмалармен жұмыс. А) Айтылым. Оқулықтағы 1,3 тапсырманы орындатады.

Ә) Оқылым. Оқулықтағы 2-тапсырманы орындатады.

Айтылым. Сұрақтарға жауап береді, өз сөзімен баяндап айтады.

Оқылым. Сөйлемдерді толықтырып оқиды.

4. Сергіту сәті. Қимылмен көрсете отырып, сергіту жаттығуын жасатады.

Тікірейіп құлағы,

Менен бұрын тұрады.

Бойын жазып, керіліп,

Беті-қолын жуады. Мяу-мяу.

Мұғалімнің қимылын қайталап, сергіту жаттығуын жасайды.

ІІІ. Ой толғаныс

«Менің мысығым» тақырында кластер құрғызады.

Кластер құрады.

ІV. Бекіту

А) Жазу дәптерімен жұмыс.

Жазу дәптерінде берілген тапсырмаларды орындайды.

V. Бағалау

Формативті бағалау

«Бағдаршам» тәсілі бойынша бағаланады.

VІ. Үйге тапсырма

Оқулықтағы 4-тапсырманы орындау.

VІІ. Рефлексия

Мұғалім оқушыларға түрлі смайликтер таратып береді.

Оқушылар сабақтан алған әсерлерін смайликтер арқылы көрсетеді.