Менің Қазақстаным

Білім беру саласы: Шығармашылық

Бөлімі: Музыка

Тақырыбы: « Менің Қазақстаным »

Мақсаты: Әнді тындап, сезіне білуге, ән мазмұнын әңгімелеп айтуға дағдыландыру, дыбыс биіктігі, тембрі туралы ұғымын қалыптастыру. Еліне, туған жеріне деген сүйіспеншілігін арттыру.

Әдіс-тәсілдер:Миға шабуыл, дауыс жаттығуы, ғажайып сәт, от шашу әдісі (мадақтау), ашық микрофон, мозайка әдісі, 4 сурет 1 сөз.

Қолданылған ресурстар: интербелсенді тақта, микрофон, ту,елтаңба, гүлдер.

Қолданылған технология: ТРИЗ, 4К, АКТ

Қостілдік компонент: Қазақстан, елтанба-герб, ту-флаг, ән-ұран, рәміз-символ.

Қөрнекі құралдар: Қазақстан рәміздерінің суреті, сәулетті қалалар суреттері,макеттер, слайд.

Кіріспе: Қыздар гүлдермен, ұлдар жалаушамен «Атамекен» Е.Хасанғалиев әнімен музыка залына кіреді.

-Сә –ле- мет-сіз-дер ме, ба-ла-лар! (үш тілде амандасу) (Музыкалық сәлемдесу)

До-ре-ми-фа- соль- соль ля-ля-соль-ля

Соль-фа-ми-ре-до

Балалар: Сәлеметсіз бе?

- Көңіл күйлерің қалай?

Балалар: Өте жақсы.

- Балалар, бүгін біздің оқу қызметіміз өте ерекше болмақ, себебі бізде алда керемет мереке келе жатыр,соған орай жаңа әндер айтамыз,жаттаймыз..

Қане, енді өздеріңнің тәртіпті,ақылды, білімді балалар екендеріңді көрсетіңдерші.

-Балалар қазір жылдың қай мезгілі?( балалар жауабы)

-Қыс мезгілінде неше ай бар?

-Қыс мезгілінде қандай мейрамдарды тойлаймыз?( 4К комуникативтілік тілдік қатынас.)

-Балалар, менің қолымдағы суретті таңдау арқылы үш топқа бөлініп отырамыз. ( топқа бөлу)

Негізгі бөлім:

-Балалар, зейінімізді ашып, көңілімізді экранға бұрайық. Ал ендеше балалар мен сендерге сұрақ қоямын.Сұраққа дұрыс жауап беруге тырысамыз.

Дұрыс жауап бермесек суретіміз ашылмайды.

1. - біз қай Республикада тұрамыз?

2. -біздің ауылымыз  қалай  аталады?

3. -Қазақстан Республикасының Елбасы кім?

4. -Қазақстан Республикасының Туының түсі қандай?

4 сурет 1 сөз (әдісі)

Ендеше , балалар бүгінгі оқу қызметіміз «Менің Қазазақстаным» екен

- Балалар алыстан бір дыбыс естіледі, қане бәріміз құлақ түріп көрейікші.

( экраннан бұлбұлдың дауысы естіледі).

Ғажайып сәт: «Бұлбұл»

Ой бұл біздің досымыз, әнші құс бұлбұл ғой. Бұлбұл бізге бірдеңе айтқысы келіп тұрған сияқты.

-Балалар, менің ән айтайын десем дауысым шықпай қалды.Мен ән айтпасын деп,- мыстан кемпір менің дауысымды сыйқырлап тастады. Маған көмектесесіңде ме? Сендерге мыстан кемпір хат беріп жіберді.

-Балалар , мыстан кемпірдің хатында былай жазылған екен. Егер менің тапсырмаларымды орындасаңдар, бұлбұлдың дауысы қалпына келеді-деп, жазылған екен. Көмектесеміз бе, балалар.(балалардың жауабы)

Бірінші тапсырма:

Музыка тыңдау: «Әнұран мен елтаңба» . Балаларға әнді айтып беремін.

- Әнін ырғағы қандай?

-Бұл әнде жоғары дыбыс бар ма?

-Қысқа және ұзақ дыбыс бар ма? ( командамен жұмыс, коммуникативтілік тілдік қатынас )

Балалар мыстан кемпірдің тапсырмасын орындамас бұрын дауыс жаттығуын жасап алайық.

Дауыс жаттығуы

Екінші тапсырма: Ән айту: «Тәуелсіз ел ұланы ».

Қане шаршап қалған шығармыз бір сергіп алайық.

Әуенді ырғақты қимыл : «Жалаушалармен»

Үшінші тапсырма: Мозайка әдісі арқылы алдарына берілген құралдан Астананы құрастырады. (командамен жұмыс,коммуникативтілік тілдік қатынас,)

(экраннан бұлбұлдың дауысы естіледі)

:-Жарайсыңдар! мыстан кемпірдің сыйқыры кетіп, бұлбұлдың дауысы қалпына келген сияқты. От шашу әдісі арқылы бір-бірімізді мадақтайық.

( от шашу әдісі)

Бұлбұл: -Рақмет, сендерге балалар .Мені мыстан кемпірден құтқарғандарың үшін. Сендер өте білімді,әнші екенсіңдер. Мен сендерге ризамын. Сау болыңдар.

Қорытынды бөлім:

Рефлексия: «Ашық микрофон» әдісі.

-Бүгінгі оқу қызметі сізге ұнады ма?

-Бүгін біз кімге көмектестік?

- Оқу қызметі несімен ұнады?

Мадақтау: Жарайсыңдар! Бүгінгі оқу қызметіне белсенді қатысқандарың үшін мен сендерді жұлдызшамен мадақтаймын.