Өзін-өзі тану сабақ жоспарлары

Сабақтың тақырыбы: Менің сүйікті ісім

Құндылық: дұрыс іс-әрекет 

Қасиеттер: еңбексүйгіштік 

Мұғалім:  Сарыбай Ақмоншақ

Сабақтың мақсаты: Балалардың "еңбек" құндылығы мен еңбексүйгіштік адами қасиеттер туралы түсініктерін кеңейту;

Міндеттері:

- сүйікті іс туралы түсініктерін қалыптастыру .

- еңбек ету іскерліктерін дамыту.

- еңбексүйгіштікке тәрбиелеу.

Ресурстар: дәйексөз, суреттер, өлең сөзі, оқулық, дәптер

Сабақтың барысы: 1. Ұйымдастыру кезеңі 5Т - тәртіп, талап, тыныштық, тазалық, татулық» ережесін еске түсіру. 2.Тыныштық сәті Нұрға бөлену -Балалар ыңғайланып отырып алыңдар да, терең дем алыңдар.Көздеріңді жұмыңдар.Өз денелеріңізді сезініңіздер және бос ұстаңыздар. Дене демалады,сана сезім сергиді.Өз денелеріңізді көз алдыңызға елестетіңіз...Басыңыздан бастап,аяғыңыздың ұшына дейін...Біз жақсы мен жаманның не екенін ажыратып,бойымыз жеңілдеп қалғандай.Бейне бір ақ түсті көбелекке ұқсап, ұшатын қанат пайда болғандай. Айналаға көз салсақ,тек қана әдемі, жақсы заттарға көзіміз түседі.Құлпырған гүлдер, оның маңында жақсы балалар...Олардың әрқайсысының жүзінде күлкі ойнайды. Жер бетіндегі барлық тірі зат біздерге:«Жақсы бала бол!» деп сыбырлағандай болады.Ал төбемізден нұр шашқан алтын күн бізге:«Жақсы болу өзіңнен»,деп қарайды.Ия,ия шынында да,көбелектер секілді әдемі болып,тек қана әдемі жерде жүру керек екен-ау!Біз барлығымыз да жақсы екенбіз ғой!Жақсы болу өзімізден екенін біз де сезінгендейміз.Ал,енді «бір,екі,үш»деп,бұрынғы қалпымызға келейік. 3. Үй тапсырмасы: Білім туралы мақал-мәтел жазу автор орындығына отырып оқиды. Оқушы дәптерін тексеру.

Оқушылар көңіл күйін көтеру мақсатында

4.Әңгімелесу Сүйікті іс дегенді қалай түсінесіңдер? Сендердің сүйікті істерің бар ма? Сүйікті іспен шұғылдану өздеріңе не үшін қажет деп ойлайсыңдар? Сенің сүйікті ісіңе ата-анаң қалай қарайды?

Оқушылар сұрақтарға жауап береді.

5.Мәтінмен жұмыс «Өнерлі балалар» әңгімесін оқу.

Оқушылардың пікірін тыңдау үшін сұрақтар қою: Балалар үлкендерді қандай істерімен қуантты? «Өнерлінің қолы алтын» дегенді қалай түсінесіңдер?

Оқушылар әңгімелеп, жаңа тақырыптың мазмұнын талдайды.

6. Дәйексөз Сүйіп істеген іс шаршатпайды. Халық мақалы Ұлдар 1 рет оқиды. Қыздар 1 рет оқиды.Барлығы хормен оқиды. Дәйексөздің мағынасын қалай түсінесіңдер? Қорыту: Сүйікті ісімен айналысу адамның өзіне деген сенімін арттырып, шығармашылықпен еңбек етуіне ықпал етеді. Адам табиғатынан бір іске қабілетті, дарынды болады. Өз мүмкіндіктерін орынды қолдана білген адам айналасындағылардың құрметіне ие болады.

Мағынасын түсіндіру

7.Шығармашылық жұмыс Сурет бойынша әңгіме құрастырыңдар. Өздеріңнің сүйікті істерің туралы айтып беріңдер.

Оқушылар тапсырмаларды орындайды

8.Топпен ән айту «Кім немен ойнайды?» Ө. Тұрманжанов Теңізші болатын бала – Бұлақпен ойнайды. Батыр болатын бала – Қынаппен ойнайды. Жарықты жағатын бала – Шырақпен ойнайды. Диқан болатын бала – Топырақпен ойнайды. Ғалым болатын бала – Кітаппен ойнайды.

Әнді ерекше көңілмен айтып,сергиді

9.Үй тапсырмасы: дәптермен жұмыс жасау

Күнделіктеріне жазады.

10.Соңғы тыныштық сәті: Бүгінгі өткен сабағымызды тағы да ой елегінен өткізіп,тыныштықта баяу әуенмен ойымызды жинақтаймыз. - Балалар, бүгінгі сабақта сүйікті іс жайында әңгімілестік. Сүйікті іс адамды көптеген жақсы қасиеттерге баулитынын білдік. Сүйікті іс адамды ұлы мақсаттарға жетелейді. Сондықтан да айналаңды сүйсінтер, өзіңе бақыт сыйлар сүйікті ісің болсын. Ол еңбекпен келеді.

Оқушылар көздерін жұмып демалады.