Тақырыбы: «МЕНІҢ    СҮЙІКТІ    ОЙЫНШЫҒЫМ»

Білім беру саласы: Комуникация

Бөлімі: сөйлемді дамыту

Білімділігі:  Өздеріне ұнаған ойыншыққа зеріттеу жүргізіп ( түсі, көлемі, материалы, жасалуына қарай алуан  түрлі болатыны ) , әңгімелеп айтып беруге , ойыншықтардың жекеше , көпше атауларын айтуға  үйрету .

Дамытушылық :Балаларды сөзді анық айтып , дұрыс сөйлей білуге баулу , сөздік  қорларын  дамыту .

Тәрбиелік : Олармен қалай ойнау керектігін түсіндіріп , ұқыптылыққа , эстетикалық талғамдарын кеңейту , ойын барысында ойыншықтарға ұқыптылықпен , жанашырлықпен қарап әрекет етуге тәрбиелеу .

Әдіс тәсілі : ойын ,сұрақ – жауап , жұмбақ .

Пән аралық байланыс : Қоршаған орта , көркем әдебиет .

Көрнекіліктер : Ойыншықтардың суреттері , машина,доп,бүктеме, қуыршақ ,слайт.

Балаларды  ұйымдастыру .                                           

Тәрбиеші; Қайырлы таң балалар !

  -Балалар , бүгін ерекше күн  .

  -Балалар бүгін бізге қонақтар келіп отыр,қонақтармен амандасайық .

Балалар;       Үлкенгеде сіз,

                        Кішіге де сіз.

                        Үлкендерді  құрметтеп ,

                        Бас  иеміз  біз!

Тәрбиеші;  Балалар ,  қане ,  бәріміз шеңбер құрып, қол ұстасып тұрайықшы.

Балалар;   шаттық  шеңберге   тұрады .

                     Бәрі бірге қосылып айтады .

                           Шаттық     шеңбері;

                           Біз      ұқыпты     баламыз ,

                           Айтқан   тілді       аламыз.   

                           Ойыншықтарды   жинаймыз,       

                           Үлкендерді    сыйлаймыз.   

Тәрбиеші;  -  Балалар   өткен   оқу  іс- әрекетті   еске түсірейікші   . 

Өткен  оқу іс- әрекетте   біз   « Қысқы киімдер  »   тақырыбын   өткенбіз.

Қысқы  киімдерге   тоқталып   ,балалардан сұрау  .

Балалар  бүгінгі    жаңа  оқу іс- әрекетіміз  «Қатынас» білім  саласы ,  тіл    

дамытудан  «Менің сүйікті  ойыншығым »  тақырыбын  өтеміз.

-Балалар қазір  қандай   мезгіл ?

Балалар;  қыс мезгілі.

Тәрбиеші ;    дұрыс  айтасыңдар !

 қыс  мезгілінде   неше  ай  бар?

Балалар :  үш   ай  бар .  желтоқсан,қаңтар,ақпан.

Тәрбиеші  ; жарайсыңдар   балалар !

Өтілген сабақты еске тусіру,Балалар өтілген сабақта қандай тақырып өттік?

Балалар;Қыстық киімдер туралы.

Қонақ кіреді;Машина мен қуыршақ,

Балалар бізге ойыншықтар қонаққа келіпті.

Біз олай болса ойыншықтар әлеміне саяхатқа аттанайық. (Балалар көздерін жұмып армандайды)

Міне балалар біз ойыншықтар әлеміне саяхатқа келдік.

Сұрақ  -  жауап ;  Сүйікті  ойыншықтарың  бар  ма ?    

-Қандай ойыншықтарың бар ?                                                                 

  --Қандай   ойыншықты  жақсы   көресіңдер ?

- Ойыншықтарды  қалай   ұстау   керек?                           

Балалар;   жауап   береді.  

Тәрбиеші ;    Балалар , мына үстел   үстінде  жатқан  заттар  не?

Балалар ;   Олар   -    ойыншықтар  .

Тәрбиеші ;  Ойыншықтармен    не    істейді?                                                      

Балалар ;    Ойыншықтармен  ойнайды .                                            

Тәрбиеші ;          Балалар қараңдаршы  біздің  тобымызда  ойыншықтар  өте  көп,олар   қандай  әсем , әдемі ойыншықтар.Балалар мынау қандай ойыншық?                                                                                                                                                                                                                  

Балалар;  доп.                                                                                                                                                                                    Тәрбиеші;   доптың  пішіні  , түсі   қандай ?                  

Балалар ;  жауап  береді .                                                                                                        

Тәрбиеші;  Доптың қимылы қандай?                                                                            

-Қане бәріміз  допша  секірейікші ?                                                                     

Балалар;  Топ –топ добым  домалақ ,

                    Қайда  кеттің   домалап .

                    Бір ,екі  деп екі  ұрдым ,                                                                              

    Шатырға  сен  секірдің .      

Тәрбиеші;   Қыз  балалар  көбіне қандай  ойыншықпен  ойнайды ?

Балалар ;    қуыршақпен .

Тәрбиеші;    -Дұрыс   айтасыңдар Қуыршақпен. Балалар қуыршақтың   әдемі   шашы  ,   әдемі   көйлегі   бар  екен .  Қуыршақтың   көйлегінің     түсі   қандай ?  

-Кім  қуыршақты  қалай  ұйықтататынын    көрсетеді ?

-Ал , ұлдар көбінесе  қандай ойыншықпен   ойнайды ?

Балалар ;   машинамен  ойнайды .        

Тәрбиеші ;   Ал,  машинаның   түсі   қандай?

-Кім   машина   туралы  тақпақ  біледі ?

Балалар ;        Үлкенмін  ғой  міне  мен ,

                      Ойыншықтарды  жинаймын  .

                      Машинаға  мінер  ем  ,

                      Кабинаға     сыймаймын .

Тәрбиеші ;   Балалар  ойыншықтар  жасалуына  байланысты  бірнеше  түрге   бөлінеді .

• Матадан жасалған .

• Пластмассадан .

• Резинадан жасалған ойыншықтар . Сипаттама  беру .

Балалар қуыршақ өзінің тосын сыйын алып келіпті, егер біз жұмбақты шеше алсақ бізге сол сыйды тарту етеді.

ЖҰМБАҚТАР  ШЕШУ ;

• Аяғы бар ,  жүрмейді ,

Аузы   бар  ,  күлмейді .

Айнымайды  бөпемнен ,

Тек   сөйлеуді   білмейді  .            ( қуыршақ   )

• Суға салсаң    батпайды ,

Түскен   жерге  жатпайды .            (   доп   )       

Слайд :ойыншықтар әлемі.

 Дидактикалық    ойын  ;   «  Жалғасын  тап  » .   

Ойын шарты  ;   Бастаушы  бала  сөйлемді  бастап  береді,  балалараяқтайды .

-Менің    ойыншығым    ............. / әдемі  /.

-Мен      қуыршақпен  ................/  ойнаймын/ .

-Допты   жоғары     .................... / лақтырдым / .

Р . Тышқанбаевтың  «Қуыршақ »   өлеңін    оқып    беру .Қане балалар көзімізді жұмып ойыншықтар әлеміне саяхатка шығайықшы.

                   Сөйлемейсің    сен  неге ,

                   Тілің   жоқ   па  ,  қуыршақ ?

                   Жуынбайсың    сен   неге ,

                   Кірің   жоқ  па  , қуыршақ ?

                   Аяғың   бар  ,  сен неге ,

                   Жүре  алмайсың ,  қуыршақ ?

                   Жұмсағанда  сен неге ,

                    Тіл  алмайсың ,  қуыршақ?

                    Біз  күлгенде  күлмейсің ,

                    Аңқаусың  ба ,  қуыршақ  ?

                    Бізбен  бірге  жүрмейсің,

                    Жалқаусың  ба  ,қуыршақ  ?

Сергіту   сәті.

Біздерде бар құлыншақ,

Бұзау ,қозы ,қуыршақ

Ойыншыктар ойнайды.

Айқаныңнан шықпайды.

Шығармашылық  жұмыс.       

Қорытындылау .