Атырау облысы

Құрманғазы ауданы

Құрманғазы ауылы

«Балауса» санаторлық бөбекжай балабақшасы

Бекітемін______________

09.09.2021 ж

Ересек топта ұйымдастырылған оқу қызметінің технологиялық картасы

Өтпелі тақырып «Бәрі мен жайлы»

Ай апта	Қыркүек II-апта	Мақсаты
Білім саласы	«Таным»	Отбасы туралы, отбасының ересек мүшелерінің еңбегі туралы білімдерін жетілдіру. Отбасының ересек және кіші мүшелеріне сыйластықпен және қамқорлықпен қарым-қатынас жасауға тәрбиелеу.
Ұйымдастырылған оқу қызметі	Қоршаған ортамен таныстыру
Тақырыбы	«Менің сүйікті отбасым»
Әдістер	Көрсету, түсіндіру, әңгімелеу, сергіту, ойын,сұрақ-жауап.
Көрнекіліктер	Тақырыптық суреттер,ойын материалдары
Әрекет кезеңдері	Тәрбиешінің іс-әрекеті	Балалардың іс-әрекеті
Мотивациялық қозғаушылық	Тыныштық сәті: -Балалар, қане барлығымыз көзімізді жұмайықшы. (Сол кезде балалардың сыңғырлаған күлкісі естіледі) -Балалар, жаңа біз кімдердің дауыстарын естідік?	Сыңғырлаған дыбысты тыңдайды
Ұйымдастырушы лық-ізденістік	Ой қозғау: -Балалар,біз отбасы мүшесінің бірі балалардың дауысын естідік. сондықтан бүгінгі оқу қызметінде осы өзіміздің сүйікті отбасы жайлы әңгімелейтін боламыз. Тәрбиеші балаларға отбасы суреттерін көрсетеді. -Балалар,қараңдаршы кімдердің суреттерін көріп тұрсыңдар? -Әрине отбасы. -Отбасында кімдер бар? -Әже не істеп отыр? -Әженің қасында кім отыр? Келесі суретке назар аударайық. -Суретте ата кіммен отыр? -Мына суретте отбасы нешеу және үстел басында кімдер отыр? «Менің сүйікті отбасым» тақырыбында әңгімелесу. -Балалар біз отбасындаата,әже,ана,әке,әпке, аға,іні,сіңлі жайлы әңгімелеп отырмыз. -Ал сендердің де отбасыларында осы ата,әже,аға,әпке,сіңлі,іні бар солай ма? -Айзере сенің үйінде әже бар ма? -Сен әжене қалай көмектесесің? Сергіту сәті: Бір үйде біз нешеуміх? Бір үйде біз бесеуміз Бас бармағым-атам, Балан үйрек-әжем, Ортаң терек-ағам, Шылдыр шүмек –мен, Кішкентай бөбек-сен! Дидактикалық ойын: «.«Жақсы әдет» «Жаман әдет» Мақсаты: Балаларды «жақсы» «жаман» сөздерінің мағынасы мен оларды орынды қолдануға үйрету. Бала бойына мейірімділік, қайырымдылық, адамгершілік және де басқа жақсы әдеттердің орнығуына барынша мүмкіндік жасау. Ойын шарты: Столдың үстінде бірнеше суреттер жатыр. Сол суретті алып, суреттегі іс - әрекетің не туралы екенін айтып «жақсы» немесе «жаман» іс - әрекетін ажыратып айтады. Қорытынды: -Балалар кімдер туралы әңгімеледік? -Отбасында кімдер тұрады?	Тәрбиешінің әңгімесін тыңдайды. Суретке назар аударады, суретте бейнеленген отбасын әңгімелейді. Тәрбиешінің әңгімесін тыңдайды. -Сұрақтарға жауап беруді өз ойларын айта алады Қимылмен орындайды Жақсы мен жаман әдеттер туралы суретке қарап әңгіме құрады. -Отбасы мүшелері -Ата,әже,әке,ана, әпке, аға,сіңлі, арындас,іні
Рефлексивтік жинақтаушы	Тәрбиеші балалардың жауаптарын тыңдайды, Оқу қызметін қорытындылап, бекітеді. Оқу қызметне қатысқан балаларды мадақтайды.
Күтілетін нәтиже
Білуі керек	Өз отбасының мүщелерін,олардың атауларын;
Түсінеді	Отбасында кімдер тұратының, отбасы мүшелерін;
Қолдана біледі	Берілген сұрақтарға жауап беруді, ауыекі сөйлеуді.