ШҚО, Көкпекті ауданы, Самар ауылы
«Ж. Болғанбаев атындағы Самар орта мектеп-лицейі» КММ
Қадыр Шернияз 5-сынып.
« Менің сүйікті сынып жетекшім» номинациясына

Жетекші: Кусаинова Саягуль Тлеугазиновна

«Ұстазым»

«Ұстаз деген –ұлы сөз» деп бекер айтпаған болар дана халқым. Сөзі қысқа болса да мағынасы тереңде жатыр. Осы сөзді естегенде алдымен ойға мейірімді де абзал, парасатымен еске түсетін әрине ол біздің сынып жетекшім.
Сынып жетекші- жас ұрпақтың бойына ақыл, ғылымды, тәрбие мен адами құндылықтарын дарытады. Әр шәкіртіне жылы шыраймен қарап, өмірде өз орнын табуға көмектеседі. Мектеп табалдырығын аттағаннан кейін ана орнына- ана, ұстаз орнына -ұстаз болатын сынып жетекшім- Татманова Асиға Ақашқызы туралы айпай кету мүмкін емес. Ол кісі маған бейне бір арайлаған күн сияқты. Қараңғылықта жарыққа жол көрсеткен мейірімді жан. Біз сыныпта жиырма оқушымыз. Асиға Ақашқызы біздің әрбірімізге ерекше көңіл бөліп, әр қайсымыздың жүрегімізге жол таба білді. Ол еркелететін тұста еркелетіп, қатал болатын тұста қатал да болады. Баламен жұмыс жасауда өте төзімді, Біз әрқайсысымыз апайымызды бір күн көрмей үйге қайтпаймыз. Кез-келген сырымызды айтып бөлісеміз.
Білім мен тәрбиені қатар ұстатқан апайым менің бойыма ұлтымды, жерімді сүюге, отаншылдыққа, салауатты өмір салтын ұстауға, патриоттық тәрбие менадамгершілік тәрбиені бойыма сусындатып жатыр.
Жас ұрпақ-ел тірегі, ертеңіміздің кепілі. Сондықтан осындай жақсы адамдардың берген тәрбиесін өмірде қолданып, саналы қазағымның тәрбиелі азаматы болғым келеді.