Кештің тақырыбы: «Мерейлі отбасы» тақырыбындағы ауылымыздың үлгілі отбасымен кездесу кеші.

Мақсаты:

«Отан – отбасынан басталады» деп халқымыз айтқандай, Отан мен отбасы кең мағыналы қасиетті ұғымдар. Әрбір адамның отбасы, тұрған мекені, өскен ортасы, аймағы, мемлекеті – оның жарық дүниедегі жан саясы, өмір өрісі, оттай жандырған Отаны.

Отбасы күніне орай «Мерейлі отбасы» тақырыбында ардагер ата-аналармен кездесу кеші өткізілді.

Қатысушылар: 4-7 сынып оқушылары

Жүргізуші:

Қайырлы күн құрметті ұстаздар , ата-аналар,оқушылар!

Отбасы күніне арналған «Мерейлі отбасы» атты кешімізге қош келдіңіздер! Ауылымыздың құрметті  ардагерлері көп бала тәрбиелеп өсірген,ардақты әке Шәмжан ата, ардақты әжелеріміз Шатлан апа,Қанымкүл апай мектебімізге қош келдіңіздер!

«Жақсыдан жаман туады,

Бір аяқ асқа алғысыз

Жаманнан жақсы туады

Адам айтса наңғысыз.

Отбасы – адамзат бесігін тербеткен баланың бас ұстазы – ата-ана. Ұлтымызда «ұяда не көрсең, ұшқанда соны ілерсің» деген дана сөз бар. «Бала қыран болу үшін соны самғатып ұшыратын ата немесе әке де қыран болу керек» деп отбасылық тәрбиеге ерекше тоқталған. Әр отбасында ата-ананың орны бөлек.

Бала әкеден – ақыл, анадан – мейірім алады. Әке – отбасының асыраушысы, қамқоршысы, тірегі деп білесің, ана отанасының ұйтқысы, жылуы, шуағы, жақсы ана отбасына береке әкеліп, жанұясын бақытқа бөлейді.

Бүгінгі кешімізді ашып беру алғы сөзін мектебіміздің директоры Таласбаев Бектұрған Аққозыұлына береміз.

Ән: «Алғыс»  

Орындайтын: Марат Жанарым

Жүргізуші:

Отбасы -  бір түбірден тараған. Адамзат баласы шыр етіп дүние есігін ашқан күннен бастап сол ортаға бейімделіп ықпалына көніп ер жетеді. Бала бақыт, бала қуаныш, өмірді жалғастырушы демеуші ата-ана  тәрбиелеуші.

«Әке- асқар тау, ана -  мөлдір бұлақ»

«бала жағасындағы құрақ», «тәрбие – тал бесіктен басталады» әке мейірімімен құрышын қандырып, ана сүтінен нәр алып, әке ұлағатымен, ана тағылымын көріп өскен ұрпақ елін, жерін, халқын сүйетін ұлтжанды тұлға болып қалыптасады. Баланың болашақта жақсы азамат болып өсуі үшін, жан-жақты тәрбиелі болуы отбасында берілетін тәрбиеге тікелей байланысты.

1.Сіздер өз отбасыларыңыздың ұйытқысысыздар.

Өнегелі отбасы дегенді қалай түсінесіздер? Осындай дәрежеге қалай жеттіңіздер?

2. Жалпы отбасындағы әкенің,ананың рөлі қандай? Қазіргі әкелерге,аналарға көңілдеріңіз тола ма? Өз ойларыңызды айта кетсеңіздер?

Жүргізуші:

Келесі кезекті «Таңшолпан» театр үйірмесінің «Әке қадірі» қойылымын тамашалаңыздар!

Жүргізуші:

Оқушыларымыздың сіздерге дайындап келген сұрақтары бар екен,келесі кезекті оқушыларымызға берейік.

1.  Отбасының беріктігіне әкеңіздің,анаңыздың ықпалы қандай болды?

2.  Әкеңіздің,анаңыздың қандай қасиеттерін өзіңізге үлгі тұтасыз?

3. Жалпы отбасы туралы, отбасының берекесі,ұйытқысы, бала тәрбиесі   туралы  өз ой-пікіріңізді  ортаға сала кетсеңіздер.

Жүргізуші:

Бүгінгі таңда ұл-қыз өсіріп, бақытты атамыздың немересін – өлең оқуға ортаға шақырамыз.

Жүргізуші:

Ән: «Әжетай»

Орындайтын: кешіміздің қонағы Қанымкүл апай немересі Раянамен

Қарсы алыңыздар!

Жүргізуші:

Бүгінгі кешке алтын уақыттарыңызды бөліп, келгендеріңізге көптен-көп рақмет! Дендеріңіз сау болып, ұзақ ғұмыр кешіңіздер! Естелік  сыйлығымызды қабыл алыңыздар!

Құрметті қонақтар, оқушылар бүгінгі «Мерейлі отбасы» атты кешіміз аяқталды! Барлық жанұяға береке, ынтымақ, бірлік татулықты тілейміз!

№87 орта мектеп

Тақырыбы: «Мерейлі отбасы»

(ардагерлермен кездесу кеші)

Орындаған: П.Пазылбекова

Уақыты: 28.01.2025ж

2024-2025 оқу жылы

Анықтама

№87 орта мектебінде қыркүйек айының алтысы күні Отбасы күніне орай «Мерейлі отбасы» тақырыбында ардагер ата-аналармен кездесу кеші өткізілді.

Мақсаты:«Отан – отбасынан басталады» деп халқымыз айтқандай, Отан мен отбасы кең мағыналы қасиетті ұғымдар. Әрбір адамның отбасы, тұрған мекені, өскен ортасы, аймағы, мемлекеті – оның жарық дүниедегі жан саясы, өмір өрісі, оттай жандырған Отаны.