Металдарды қайшымен кесу (тілу)

Өндірістік сабақ жоспары

Сабақтың тақырыбы: Металдарды қайшымен кесу (тілу)

Сабақтың білімділік мақсаты: Білім алушыларға қаңылтыр, түрлі-түсті металдарды қайшымен кесу тәсілдерін көрсету.

Сабақтың дамытушылық мақсаты: Білім алушылардың іскерлік дағды-қабілеттерін қалыптастыру, мамандықтың қыр- сырын жетік игеруге ұмтылдыру.

Сабақтың тәрбиелік мақсаты: Білім алушыларды шеберханаларда техника және еңбек қауіпсіздігі ережелерін сақтауға тәрбиелеу, еңбекке баулу.

Сабақтың материалдық- техникалық жабдықталуы: Техника қауіпсіздігі туралы плакаттар, «Слесарь құрал-саймандары» плакаты, технологиялық нұсқау карталары, металл дайындамалар,металл кескіш аралар, пышақтары, әртүрлі қайшылар,әртүрлі сызғыштар,т.б.

Сабақ барысы:

І. Ұйымдастыру кезеңі: 8.30- 8.35

1. Білім алушылардың сабаққа қатысуы мен дайындығын тексеру.

2. Білім алушылардың арнаулы киімдерін тексеру.

3. Құрал – жабдықтардың сабаққа жарамдылығын тексеру.

ІІ. Кіріспе нұсқау кезеңі: 8.35- 9.25

1.Білім алушыларға сабақтың тақырыбы мен мақсатын хабарлау.

2.Білім алушылардың білім деңгейлерін пысықтау:

- Металл кесу процесін қалай түсіндіреміз?

- Металл кесу жұмысы қай кездерде орындалады?

- Металл кесудің қандай әдістері бар?

- Металл кесудің ережелері қандай?

- Металл кесуде ақау бола ма? Неліктен пайда болуы мүмкін?

- Қол араның негізгі типтері

- Арамен металл кесудің негізгі ережелері

3. Білім алушыларға жаңа тақырып бойынша нұсқау беру:

* Металды қайшымен кесу.

* Қолқайшылардың құрылысының өзгешелігі, оларды қолдану

* Механикалық қайшылардың негізгі типтері. Электр қайшылардың, гильотиналық және ролик жүзді қайшылардың жұмыс принциптері.

4. Кіріспе нұсқауды пысықтау:

• Металл кесу процесін қалай түсіндіреміз?

• Қайшы жүздерінің арасындағы саңлау қанша болу керек?

• Механикалық қайшылардың негізгі типтері?

• Ролик жүзді қайшыға сипаттама бер

• Вибрациялық пресс-қайшы?

ІІІ. Құрал-жабдықтарды пайдаланып, жаттығу жұмыстарын көрсету: 9.30-9.50

1. Құрал –жабдықтарды дайындау.

2. Қалыңдығы 0,5-0,7мм болат темірлерді, 1,5мм-лік үй төбесіне жабатын қаңылтыр темірді кесу.

3. Технологиялық нұсқау карталарын тарату.

ІҮ.Ағымдық нұсқау: 9.55 - 13.10

1. Білім алушыларды жұмыс орындарына бөлу.

2. Білім алушыларды тексеру мақсатында жұмыс орындарын аралау.

3. Білім алушыларға тапсырмалар бөліп беру.

1-аралау: Жұмыс орнының дұрыс ұйымдастырылуын,тазалығын және жұмыстың

уақытылы басталуын қадағалау.

2-аралау: Технологиялық жұмыс карталары бойынша жұмыс жүргізулерін бақылау.

3-аралау: Жұмыс процесінің жүруін, құралдарды дұрыс, ережеге сай ұстай білулерін, білім алушылардың іс –қимылдарын тексеру.

4-аралау: Жұмыс барысында техника қауіпсіздігі ережелерінің сақталуын бақылау.

5-аралау: Қателіктер жіберген білім алушыларға ескертулер жасап, қосымша нұсқаулар беру.

6-аралау: Орындалған жұмыстарды тексеру, қабылдау, бағалау.

7-аралау: Жұмысты аяқтау, жұмыс орнын жинастыру, құрал –саймандарды тазалап, орындарына салу. Шеберхана ішін тазалау, верстактарды сүрту.

Ү. Қорытынды нұсқау: 13.10-13.35

1.Сабақты қорытындылау: Білім алушылардың жаттығу орындауларын сараптап, қорытындылау.

2. Тапсырманы орындау және сабаққа қатысу белсенділігіне қарай білім алушылардың еңбектерін,білімдерін бағалау.

3. Үйге тапсырма беру: Металдарды қайшымен кесу кезіндегі техника қауіпсіздігі ережелерін пысықтау.