«МИКРОБИОЛОГИЯ ЖӘНЕ ВИРУСОЛОГИЯ» ПӘНІН ОҚЫТУ ЕРЕКШЕЛІКТЕРІ

АРАЛБЕК АЛҒЫС ЕРБОЛҚЫЗЫ

«Болашақ» жоғары медициналық колледжі

«Микробиология және вирусология» пәнінің оқытушысы

\

Аннотация

1. Мақалада білім алушылардың аудиториялық және өзіндік жұмыс түрлерінің сипаттамасы келтірілген, сонымен қатар «Микробиология және вирусология» пәнін оқыту барысында электрондық білім беру ортасын және студенттің жеке кабинетін пайдалану мәселелері қарастырылады.

2. Білім алушыларды ғылыми-зерттеу және топтық жұмысқа тарту аса маңызды болып табылады. Ғылыми зерттеуге белсенді қатысып, уақыт тапшылығы мен ақпараттық жүктеме жағдайында бірлесіп жұмыс істей білетін студенттер кәсіби бейімделу тұрғысынан жақсы нәтижелер көрсетеді.

3. Мақалада осы пәнді оқытуда қолдануға болатын әртүрлі әдістер талқыланады. Бұл әдістер адамның қолындағы техникалық құралдармен ғана емес, сонымен қатар оның шығармашылық әлеуетімен де шектеледі.

4. «Болашақ» жоғары медициналық колледжінде оқыту барысында туындайтын қиындықтар атап өтіледі. Ең өзектілері — заманауи технологиялық үрдістерді пайдалану және плагиатты болдырмау мәселелері.

Микробиология академиялық пән ретінде ұзақ тарихқа ие емес — алғашқы университет кафедрасы 1918 жылы Петроград университетінде құрылған. Соған қарамастан, соңғы үш ғасырда бұл салада жиналған білім айтарлықтай мол, ал микробиология курстары әлемнің барлық колледждері мен университеттерінде оқытылады.
Медициналық мамандардың дайындық деңгейі, алынған білімнің өзектілігі және оны тәжірибеде қолдану қабілеті медициналық көмектің сапасына тікелей әсер етеді. Сондықтан білім беру үдерісіне жаңа ақпараттық технологияларды енгізу студенттердің дайындық сапасы мен тиімділігін арттырудың маңызды құралы болып саналады.

Білім беру процесін жетілдіру мен студенттердің ғылыми-зерттеу белсенділігін арттыруға белсенді оқыту әдістері ықпал етеді. Белсенді әдістердің негізгі қағидасы — оқыту процесіне оқытушы мен білім алушының тең дәрежеде қатысуы. Бұл қағида студенттің ойлау белсенділігін оқу бойы тұрақты түрде ынталандырады.
Белсенді технологиялар білім алушының тапсырмаларды өз бетінше шешу қабілетін дамытады және пәнді оқуға деген ішкі уәжін қалыптастырады. Мұндай әдістерге зерттеу, проблемалық, диалогтық және ойындық (соның ішінде имитациялық) тәсілдер жатады.

Зерттеу әдістері мен қағидаттары

Бұл зерттеудің мақсаты білім алушыларды оқытуда қолданылатын әдістер мен формаларды сипаттау. Мақалада білім алушылардың аудиториялық және өздік жұмысы талданады.

Негізгі нәтижелер

Қазіргі уақытта микробиология пәнін оқытудың ең кең тараған түрі – дәріс оқу. Дәріс білім алушыларға қазіргі ғылыми білімді жүйелеуге, пәннің даму перспективаларын түсінуге, маңызды тұстарға назар аударуға және шығармашылық әлеуетін арттыруға мүмкіндік береді.

Болашақ жоғары медициналық колледжінің білім алушыларына арналған дәрістер курсына білім алушылардың назарын арттыратын және оқытушы мен білім алушы арасындағы өзара әрекеттесуді жеңілдететін бірқатар құралдар енгізілген. Бұған сұрақтар, викториналар және мобильді қосымшалар арқылы QR-код арқылы қолжетімді тесттер кіреді.

Практикалық сабақтарда білім алушылар дәріс барысында алған ғылыми білім мен деректерді электрондық білім беру ортасы арқылы пайдаланады. Негізгі бақылау формасы – жағдайлық практикум (кейс) орындау. Білім алушылар топтарға бөлініп, нақты клиникалық жағдайлар негізінде тапсырма алады. Бұл әдіс білім алушыларға топта жұмыс істеуді, коммуникациялық және шығармашылық қабілеттерін дамытуға мүмкіндік береді

Сонымен қатар, пән бойынша тестілер және ауызша сұхбат жүргізіледі. Тест тапсырмалары арқылы білім алушылар өз білімін талдап, күшті және әлсіз тұстарын анықтай алады. Ауызша сұхбаттар білім алушылардың сөйлеу, талдау және пікірталас жүргізу дағдыларын дамытады.

Плагиат пен адалдық мәселелері

Білім алушылардың өзіндік жұмыстарының дәстүрлі түрлерінің бірі — эссе және реферат жазу. Бұл жұмыстар көлемі бойынша әртүрлі болуы мүмкін: 10 бетке дейінгі жоба немесе 500 сөзден аспайтын қысқаша есеп.

Барлық жағдайда білім алушылар пайдаланған дереккөздерді міндетті түрде дұрыс көрсетуі тиіс. Плагиат — бүкіл әлемдегі оқытудың өзекті мәселелерінің бірі. Сондықтан жоғары білімнің бастапқы кезеңінен бастап дәйексөз келтіру ережелерін үйрету және «Антиплагиат» жүйесін пайдалану қажет. Бұл білім алушылардың адалдық қағидаттарын сақтауға және ғылыми мәдениетті қалыптастыруға көмектеседі.

Цифрлық білім беру ортасы мен білім алушыының кабинеті

Пән бойынша қажетті барлық ақпаратты цифрлық білім беру ортасы арқылы алуға болады. Білім алушының жеке кабинетінде сабақ кестесі, оқу жоспары, университет жаңалықтары мен іс-шаралары, бағалау критерийлері және оқу материалдары орналастырылады.

Бұл жүйе білім алушыларға өздеріне ыңғайлы уақытта және қарқында сабаққа дайындалуға мүмкіндік береді.

Қорытынды

Медицина факультетінде оқытудың тиімділігінің негізгі көрсеткіші тек пәндік білім жиынтығы ғана емес, сонымен қатар оны практикалық денсаулық сақтау жүйесінде қолдана білу қабілеті болып табылады. Медициналық пәндерді терең меңгеру үшін оқу үдерісінде заманауи ақпараттық және білім беру технологияларын пайдалану маңызды. Бұл технологиялар оқу мотивациясын арттырып қана қоймай, студенттердің кәсіби құзыреттілігін қалыптастыруға ықпал етеді.