М.Мақатаев «Аққулар ұйықтағанда» поэмасы

Сабақ тақырыбы

М.Мақатаев «Аққулар ұйықтағанда» поэмасы

Осы сабақ арқылы жүзеге асатын оқу мақсаттары

8.Б/С4 - шығарма бойынша жазылған әдеби сын-пікірлерге сүйене отырып, өзіндік сыни пікір жазу.

Сабақтың

мақсаттары

Оқушылардың барлығы орындай алады:

Шығарма бойынша өзіндік сыни пікір жазады.

Оқушылардың көпшілігі орындай алады:

Шығарма бойынша жазылған әдеби сын-пікірлерге сүйене отырып, өзіндік сыни пікір жазады.

Оқушылардың кейбіреуі орындай алады:

шығарма бойынша жазылған әдеби сын-пікірлерге талдау жасай отырып, өзіндік сыни пікірін нақты мысалдармен жазады.

Тілдік

мақсат

Пәнге қатысты сөздік қор мен терминдер:

эпилог – автордың шығарма соңында жазған қорытынды сөзі

тәуіп – ел арасында әр алуан ем-дом жасайтын емші, бақсы-балгер

аракідік –ара-арасында, анда-санда

адуынды –азулы, өжет, өткір

сарқыт – бұл жерде жалғыз деген мағынада

кәззап – оңбаған, сұрқия, жексұрын, алаяқ

байыз – сабыр, дегбір

сүле-сопа – селқос бей-жай, еш нәрсеге көңілі жоқ

Диалог құруға/шығарма жазуға арналған пайдалы тіркестер: егер мен автор болсам..., ойымды қорыта келе..., т.б.

Құндылықтарды

игерту

Мәңгілік Ел стратегиясындағы жалпыға бірдей еңбек қоғамы құндылығын білім берудің еңбек және шығармашылық,ынтымақтастық, өмір бойы білім алу құндылықтарымен ұштастыру.

Пәнаралық байланыс

Бейнелеу өнері, қоғам, география

Бағалау критерийі

• шығарма бойынша жазылған әдеби сын –пікірлерге сүйене отырып, өзіндік сыни пікір жазады.

• Пікірін дәйектеме арқылы білдіреді.

Ойлау дағдыларының деңгейі

Жоғары деңгей дағдылары

Алдыңғы білім

Поэманың мазмұнын толық меңгерген. Кейіпкерлерге мінездеме берілген.

Сабақ барысы

Сабақтың жоспарланған кезеңдері

Уақыты

Сабақтағы жоспарланған жаттығу

Ресурс

Сабақтың басы

1. Ұйымдастыру кезеңі. Сәлемдесу

2. Психологиялық ахуал: «Сатамын, сатып аламын»

3.Оқушылар пазл әдісі бойынша топқа бөлінеді (пазлдағы суреттер: ана, Жетімкөл, аққу)

https://bilimland

kz/kk#lesson=7955

Сабақтың ортасы

Жеке жұмыс

М.Мақатаевтың өмірі мен шығармашылығы туралы «БББ»кестесін толтыру.

Жұппен жұмыс. «Ойлан–жұптас–бөліс» тәсілі

1. Бала өліміне не себеп болды деп ойлайсыңдар? Баланы емдеуге болар ма еді?

2. Ананың орнында қандай шешім қабылдар едіңдер?

3. Ақын орнында поэманы қалай аяқтар едіңдер?

4. Өмірдегі қасиет пен қасірет туралы не білесіңдер?

5. Қазіргі заманда жылқышы қарт сияқты табиғат жанашырлары бар ма? Поэмада көтерілген экологиялық мәселе туралы не айтасыңдар?

Берілген сұрақтар бойынша әрбір оқушы жеке жұмыс жасау арқылы өз ойын қорытып, жұп болып пікірлерімен бөліседі; бүкіл топтық талқылауға ұласады.

Жеке жұмыс. Графикалық органайзер

«Сөздіктің көмегімен сөздік қорды байыту».

Жұптық жұмыс

«Ашық хат» тәсілі арқылы жазылған әдеби сын –пікірлерге сүйене отырып, өзіндік сыни пікір жазу.

1-топ. «Мұқағали поэзиясы – таңғы шықтай мөлдір, сырлы,мұңлы поэзия» – дейді Ф.Оңғарсынова.

2-топ. «Ойын сиқырлы сөзбен айта білу, тапқыр ойды өрнекті тілмен жеткізе білу – Мұқағали өлеңдерінің негізгі құдіреті» (Бексұлтан Нұжекеұлы).

3-топ. «...Тіршіліктің тәттілігі мен ақиқаттың ащылығынан мейірі қанғанша дәм татқан қауымның өскелеңдігі мен өміршеңдігі де осында. Мұқағали халқымен бірге мәңгі өмір сүреді» (Әбіш Кекілбаев).

Дескриптор:

-Туындыға жалпы сипаттама жазады.

- Ұсынылған пікірді өз сөзімен өрбітеді

- Пікірді мысалмен дәлелдейді.

- Қорытынды жасайды.

Жұптық жұмысқа. «Шапалақ» әдісі арқылы кері байланыс жүргізу.

Сабақтың соңы

Кері байланыс

«БББ» кестесіне қайта оралу, толықтыру