Мойын ойындысы және өңірді өңдеу

Сабақтың тақырыбы: Мойын ойындысы және өңірді өңдеу

Сабақтың мақсаты: Оқушыларға мойын өңделу әдістеріне үйрету.Шығармашылық ойларын дамыту, теориядан алған білімдерін сарамандық жұмыспен ұштастыру.

Сабақ барысы:

I Ұйымдастыру.

II Үй тапсырмасын сұрау.

III. Өткен тақырыпты қайталау:

1. Мойын ойындысына тіркеліп тігілетін бөліктің бір түрі.

2. Жағалардың түрлері

3. Тұтас пішілген жағаларға қандай жағалар жатады

4. Алдыңғы боймен тұтас пішілетін жағаның атауы

5. Бүкпелердің түрлері

6. Мойын ойындысын басқа қандай тәсілдермен өңдеуге болады

 Жакеттің астарын қалай өңдейді

 Тілік дегеніміз не

IV. Жаңа тақырыпты түсіндіру: Мойын және жең ойындысын көптеген әдістермен өңдеуге болады. Тақтада ілініп тұрған үлгілерге қарап түсіндіру. Әдіптің пішілу әдісін DVD арқылы көрсету

V. Жаңа тақырыпты бекіту. Сабақ ойын,сайыс түрінде өтеді.2 командаға бөлінеді, әр команданың өз атауы болады. Ойын арқылы әр оқушының білімін тексеріп, оның қай мамандықтың иесі болатынына көз жеткіземін.Әр тігінші тігіп қоймай,сол киімді жөндей де білуі керек.Бұл ойында ателье меңгерушілері болады.Әр команда меңгерушілер таңдайды.

1-ші команда. «Бикеш»ательесінің менгерушісі Лакова Ж.

2-ші команда. «Ретро» ательесінің меңгерушісі Мукашева Г.

Ателье меңгерушісіне тапсырма беріледі:Мойын ойындысын әр түрлі формада пішілген екі бұйым әр ательеге беріледі. Сол бұйымды мойын және жең оймасын ұқыпты тігіп түрлі сәндік маталарымен әсемдеу керек.

Мұғалім нұсқау картасын таратып береді.Нұсқау картасына қарап бұйымды өңдей бастайды.Орындалған жұмыстар 2 балмен бағаланады. (сапалылығы, көркемдігі)

Ал қалған ателье тігіншілеріне сұрақтар қойылады.Дұрыс жауап берген командасына 1 ұпайдан беріледі.(фишка таратылады ),тақтаға сұрақтар ілінеді.

Погон қай жерге ілінеді; жағаның түрлері; манжет дегеніміз не? бүкпе не үшін қолданылады?алдыңғы бөлікпен пішілген жағаның түрі; манжеттің неше түрі бар? бүкпенің неше түрі бар? мойын ойындысын басқа қандай тәсілдермен өңдеуге болады? кант дегеніміз не,пішілу әдісі? қалта неше түрге бөлінеді? клапонды не үшін қолданады? қол тігістерін орындағанда тігінші алдымен не білуі керек? ұйымның қиықтарын қандай жабдықпен торлайды? иықтан,жең оймасынан түсетін тігісті қалай айтады?

Оқушылар сұрақтарға жауап бергенше ателье меңгерушілері бұйымды дайындап болады.Дайын бұйымды тапсырады.

VI. Қорытынды. Ателье жеңімпаздарын хабарлау .

VII.Үй тапсырмасы.