2024 жылдың 05 сәуірі күні Шиелі ауданы «Ziyatker School» ЖШС мектебі базасында «Бастауыш сынып оқушыларының танымдық қабілетін жаңа ақпараттық технология арқылы дамыту» тақырыбында облыстық семинар өтті.
Семинарға облыстық оқу орталығының бөлім меңгерушісі Гүлшат Амантайқызы, аудандық білім бөлімінің әдіскері Дәурен Аманжолұлы және бастауыш сынып мұғалімдері қатысты. Семинарды мектеп құрылтайшысы Қанат Абдулхайсұлы мен мектеп директоры Шахархан Бектұрғанқызы ашып, бүгінгі күнге сәттілік тіледі.
Семинардың мақсаты: Бастауыш сынып мұғалімдерінің инновациялық әдістер мен озық тәжірибелерді пайдалану.
Семинар барысында 4 «Б» сыныпта жараталыстану пәні бойынша Гүлзат Жаңабекқызы «Ғарышта не бар?» , 2 «Г» сыныбында Айсанат Нұрбекқызы «Туған күн» , 2 «Б» сыныбында қазақ тілі пәні бойынша Сугурбаева Жанар «Дара және күрделі етістік» , 3 «А» сыныбында Шынар Серікқызы «Судың қасиеті», 4 «А» сыныбында орыс тілі пәнінен Шынар Қыдырбайқызы «Звездное небо» , 4 «Ә» сыныбында шетел тілі пәнінен Перизат Маратқызы «Into space» тақырыптарында сабақ көрсетті.
«Тәрбие Time» бөлімінде мектептің үйірме жұмыстары көрсетілді. Атап айтсақ «Қыш құмыра»үйірмесі жетекшісі Айсұлу Рахманбердіқызы мен «Актерлік шеберлік» үйірмесі жетекшісі Рамазан Бақытжанұлы шеберлік сағаттарын көрсетті.
Мектеп директорының тәрбие ісі жөніндегі орынбасары Айнакүл Дүйсенбекқызы мен мектеп психологы Жансая Бейбітқызы «Даналық мектебі» жобасының аясында «Әкелер отырысын» өткізді.
«Ұстаздарға лайфхак» бөлімінде мектеп директорының оқу ісі жөніндегі орынбасары Айгүл Жалғасбекқызы «Mozaik», «Canva» поатформасы арқылы оқушыларға қызықты тапсырмалар жасау жолдарымен бөлісті.
Қорытынды бөлімінде оқу орталығының бөлім меңгерушісі Гүлшат Амантайқызы, аудандық білім бөлімінің әдіскері Дәурен Аманжолұлы семинарды қорытындылап, семинар қатысушылары бүгінгі семинарға оң бағаларын берді.