Эссе

Мұғалім - әлемдегі ең үздік мамандық

Ең ерекше мамандықтардың бірі - мұғалім мамандығы. Мұғалім болу екінің бірінің қолынан келе бермейді. Мұғалім болу үшін адамға ең алдымен төзімділік қасиеті қажет. Себебі, көптеген жасөспірімдер бар, олардың мінездері әр түрлі .Осындай барлық жағдайға төзіммен қарап, еліміздің ертеңгі болашағы- жастар деп сеніп, өздерінің сенімдерін артып, төзімділікпен қарап отырған ол - мұғалімдер. Мұғалімнің берген тәрбиесі әр бір жанның өміріне жол сілтер, шамшырақ болары анық.

Адамдардың барлығы мұғалімнен тәлім - тәрбие, білім алып, бүгінгі күні биік-биік лауазымдарда отыр. Еліміздің бүгінгі жетістікке жетуі ол мұғалімдердің балаларға берген біліміндерінің жемісі. К.Д.Ушинский айтпақшы: "Мұғалім ісі сырттай қарапайым болғанмен – тарихтағы ең ұлы істің бірі". Мұғалім болу елімізге пайдасын тигізіп ғана қоймай, саналы ұрпақтың қалыптасуына жол ашады. Мұғалім мамандығы әрдайым қасиетті тұлға ретінде ерекшеленеді. Мұғалім мен оқушының арасындағы ерекше байланысты орнатады. Оның қандай іске қызығушылығы бар екенін байқайды. Сол іспен баланы дамытады. Бір ғана оқушыға емес барлық оқушыға бірдей қарап, оларды өз баласындай көреді. Кез-келген сәтте қолдау көрсетіп, алға қарай баланың құштарлығын ашады. Оның қандай маңызды тұлға екенің ашып көрсетеді. Мұғалім - жүректерді тербеткен ең керемет мамандық.

Жалпы айтқанда, Мұғалім – ақылдың тозбайтұғын асылы. Қасиетті мамандық иелерінің ішіндегі жауһары. Жасөспірімдерге үлгі болатын сауабы мол мамандықтардың бірі. Ислам дінінде ілім үйретуші мұғалімнің орны жоғары бағаланған. Ілім үйрету - ең сауапты әрі қадірлі іс болып есептелген. Мұғалім - бұл әлемдегі ең үздік мамандық болып әрқашан қала береді. Мұғалімнің арқасында әлемдегі үлкен жетістіктерге жетеріміз хақ. Сол мұғалімнен тәрбие алып, бүгінгі күнде сол мамандықты жалғастырушының бірі - өзім. Бүгінде әр бір адамзат осы мұғалімнің арқасында білім алып, шет елдерге өзіміздің қандай мықты ел екенімізді дәлелдеуде.Ұстаз елдің ертеңгі тізігінін ұстайтын ұрпақ. Сондықтан да, мұғалім мамандығы киелі, ерекше, үздік мамандықтардың бірі болып табылады. Мен секілді мұғалім мамандығын таңдап, өз ісінің шебері болып, оқушыларды білім нәрімен сусындатып жатқан әр бір ұстазға алғысым шексіз!

Жандарбекова Марина Торегалиевна