Мұғалімнің өткізген саябағының талдауы

Мұғалімнің өткізген сабағының талдауы
Сабақты өткізуші: Күні:
Сыныбы: 6
Пәні: қазақ әдебиеті
Бағдарламада берілген оқу мақсаты:
6.1.2.1. әдеби шығармада көтерілген әлеуметтік-қоғамдық мәселені идеясы арқылы түсіндіру.
6.3.2.1 кейіпкерлер жүйесінің заманауи жаңашылдығын өзара салыстырып баға беру;
Сабақтың мақсаты: әдеби шығармада көтерілген әлеуметтік-қоғамдық мәселені идеясы арқылы
түсіндіреді; кейіпкерлер жүйесінің заманауи жаңашылдығын өзара салыстырып баға береді
Сабақтың тақырыбы: О.Бөкей "Тортай мінген ақ боз ат" әңгімесі

1) Сабақта жаңа технологиялар, нақтырақ айтқанда LearningApps платформасы тиімді
қолданылған. Оқушыларға кейіпкерлер жүйесінің заманауи жаңашылдығына баға беруге бейімдеуге
бағыттарған тапсырмалар қарастырылған.
• Мәтінмен жұмыс
• Сыни тұрғыдан ойлауды дамытуға байланысты тапсырмалар
• Деңгейлік тапсырмалар
• Тапсырмалар Блум тақсономиясына сәйкес төменгі, орта, жоғары деңгейде жасалды
2) Сабақтың үш кезеңі қамтылды:
Сабақтың басы. Қызығушылықты ояту кезеңі. Сұрақ-жауап әдісі арқылы оқушылардың
қызығушылығын арттырдым. Тақырып төңірегінде «Мозайка» әдісі арқылы суретті құрастырды.
Сабақтың ортасында оқушылардың шығарманы қаншалықты деңгейде меңгергенін анықтау үшін
«Baamboоzle» платформасы тиімді қолданылды. Оқушылар ұяшықты таңдап, сұрақтарға ұтымды жауап
берді. Мазмұнына байланысты сұрақтардан басқа оқушыларға проблемалық сұрақтар ұсынылды.
Әрбір топқа шағын мәтін ұсынылды. «Дұрыс/бұрыс» кестесі арқылы тақырыпты қалай меңгергенін
зерделедім. Тапсырмалар барысында шағын мәтін ескеріліп, «Кім? Қашан? Неліктен?» атты әдіс
қолданылды. Берілген үзінді бойынша үзіндіні кім айтты, қашан айтты, неліктен осындай жағдай
туындағанын анықтады. Сыни тұрғыдан ойлауын дамыту мақсатында «LearningApps»
платформасында жасалған «Сәйкестендіру» әдісі қамтылды. Оқушылар Ораш пен Тортай атты
кейіпкерлердің мінезін анықтап, оның іс-әрекетін бағалады. Себебін анықтады. Сабақ соңында «Маған
ұнаған кейіпкер» тапсырмасы арқылы оқушылар кейіпкердің заманауи жаңашылдығына баға берді.
Сабақ соңында «Теннис» бекіту тапсырмасы қамтылды. Оқушылар тақырып төңірегінде
сөздер мен сөз тіркестерін жазып жарысты. Постер жасады. Кері байланыста «3-2-1» әдісі арқылы
сабақ қорытындыланды. Оқушылар тақырыпты 3 сөйлеммен қорытындылап, сол 3 сөйлемнен 2 сөз не
сөз тіркесін шығарды, 1 сөзге қысқартып, қорытындылады. Барлық тапсырмалар барысында
дескрипторлар ұсынылды.
КӨРНЕКІЛІКТЕР ТИІМДІ болды деп ойлаймын. Себебі барлық тапсырмаларда карточка,
қиынды қағаздар болды, онлайн платформаларда жұмыс жасады.
Рефлексия
Сабаққа қойған мақсат нақты болды.
Бүгін оқушылар сабақты ұғыну үшін:
• Сөздермен жұмыс жасады
• Мәтінді оқыды
• Жабық тапсырма орындады
• Плафтормада мінез бен іс-әрекетті сәйкестендірді
• Диалог құрады
• Ой толғау жазып, кейіпкерлердің іс-әрекетіне баға беріп, қазіргі таңдағы маңыздылығын
анықтады.