Көрнекіліктер

мұз айдыныңдағы іздер және қыс мезгілінің суреттері

Іс-әрекет кезеңдері

Мотивациялық қозғаушылық

Ұйымдастырушылық-ізденістік

Рефлексиялық-түзетушілік

Тәрбиешінің іс-әрекеті

Тәрбиеші балаларға мұз айдыны бейнеленген суреттерді көрсетіп, мұз айдыны не үшін керек екендігі туралы әңгімелейді.

-Сендер ата-аналарыңмен бірге мұз айдынына барып, конькимен сырғанағанда мұзда қандай із қалғанын көрдіңдер ме? Мұз айдынында конькимен сырғанағанда әртүрлі өрнектер, яғни іздер қалатынын айтады.

-Сендердің ойыншықтарың мұз айдынына бара алмайды. Бірақ олар мұз айдынына коньки тепкендеріңді көргісі келеді. Ендеше біз ойыншықтарға өзіміздің тепкен конькиіміздің іздерін салып берейік. Сендердің алдарыңда көкшіл қағаз,оны «мұз айдыны» деп ойлайық. Осы мұз айдыны,яғни алдарыңда тұрған көк қағаздың үстіне ақ бояуды пайдаланып жіңішке қылқаламмен конькидің іздерін түсіріп көрейік. Көк қағазда әлі іздер түспеген. Алдымен көк қағаз бетіне қылқаламның көмегімен іздерді түсіріп көрсету. Алдымен балаларға алдын-ала түзу сызықтар салу керектігін ескертеді. Балалардың жіңішке қылқаламды дұрыс пайдалануы қадағаланады.

Осындай іздерді салынған кезде қылқаламды баспай,ұшымен сүйкей жағу керек екенін естеріне түсіреді. Ұқыпты жұмыс істеулері қадағаланады.

Жұмыс соңынан жасауды балалардан конькимен сырғанаған кезде жасайтын қимылдарын жасаулары сұралады.

Балаларға жеке бағыт-бағдар беріледі.Балалар суретті жақсы салғаны үшін ойыншықтардың атынан алғысын білдіреді.

Балалардың іс-әрекеті

Балалар суретке қызығушылықпен қарап, педагогтің әңгімесін тыңдайды.

Балалар қылқаламды ақ бояуға батырып, көк қағаздың үстіне іздер түсіреді.

Балалар жұмыс соңынан коньки тепкен адамның қимылын келтіреді.

Өздерінің жұмыстарына мұқият қарайды.