мыс және оның қосылыстары

Мектеп: «Ақалтын» ж.о.м.

Күні: 15.02.2018ж

Мұғалімнің аты-жөні: Сахова Клара Байдосовна

Сынып: 10

Қатысқандар:

Қатыспағандар:

Сабақтың тақырыбы

Мыс

Сабақ мақсаттары

Барлық оқушылар: Мыс элементін сипаттап, қосылыстарын атай алады;

Басым бөлігі: Мыс және оның қосылыстарының қасиеттерінің реакция теңдеулерін жаза алады, қолданылуы мен ағза үшін маңызын біледі;

Кейбір оқушылар: Мыс және оның қосылыстарына тән үдерісті сызып, талдап береді, маңызын дәлелдей алады.

Бағалау критерийлері

• Мыс және оның қосылыстарының маңызын біледі;

• Алынуы мен қолданылуын сипаттап, ағза үшін маңызын ажыратады;

Дағдылар

Сын тұрғысынан ойлау, жеке және топпен жұмыс істей білу қабілеті

Пәнаралық байланыс

биология, физика

Алдыңғы білім

d элементтерге жалпы сипаттама

Сабақ барысы

Сабақтың жоспарланған

кезеңдері

Сабақтағы жоспарланған жаттығу түрлері

Ресурстар

Сабақтың басы

Ұйымдастыру кезеңі. Оқушылармен сәлемдесіп, назарларын сабаққа аударамыз. «Атом және молекула» әдісі көмегімен сыныпты төрт топқа бөлеміз: Оқушыларға еркін жүруіне ыңғайлы етіп ортаға шақырамын да «Атом!» деген кезде оқушылар бір-бірден жүреді, «екі атомды молекула!» дегенде екі-екіден жұптасады, қайтадан «Атом!» деген кезде оқушылар қайта бір-бірден жүреді. «Төрт атомды молекула!» дегенде төрт-төрттен бірігіп тұрады – сол құрған топтары ары қарай сабақты жалғастыратын топтар ретінде орындарына отырады:

1-ші топ – «Атом» тобы

2-ші топ – «Молекула» тобы

3-ші топ – «Электрон» тобы

4-ші топ – «Протон» тобы

«Сұхбаттасу» әдісі. Мұғалім әр топ мүшелеріне сұрақтар қояды, әр дұрыс жауап стикермен бағаланады:

1. d-элементтеріне сипаттама бер.

2. d-элементтердің периодтық жүйеде орналасу ерекшелігі неде? (сырттан санағанда екінші деңгейде орналасады)

3. d-элементтер неліктен ауыспалы элементтер деп аталады? (s және p элементтерінің арасында орналасқандықтан)

4. d-элементтердің ең жоғарғы валенттігі қандай болады? (топ нөміріне сәйкес)

5. Д.И.Менделеев жасаған периодтық жүйеде қазір барлығы неше d-элементтері бар? (35)

6. d-элементтердің оксидтері тотығу дәрежелеріне байланысты қасиеттерінің ерекшелігі неде? (негіз- екідайлы-қышқыл болып өзгереді)

7. Хлор және марганецтің атомдарының электрондық құрылысының ұқсастығы мен айырмашылықтарын ата. (ұқсастығы-екеуінің де ж.т.д. +7, айырмашылығы – Cl – p-элементі, Mn – d-элементі)

8. d-элементтердің тотығу дәрежелерінің ерекшелігі не? (тек +)

АКТ

Стикер

Микрофон

Сабақтың ортасы

«Миға шабуыл» әдісі.  Мұнда ұжымдық талқылау, мәселенің шешімін іздеу әрекеттері қолданылады. Төменде көрсетілген проблеманы әр мүшенің пікірін еркін тыңдау арқылы шешу. Барлық оқушылар өз пікірлерін айта бастағанда, ешкім оның ойын бөліп, өз пікірін айта алмайды және бағаланбайды.

• Мыс элементі туралы не білеміз?

• Мыстың біздің өмірімізде алатын орны қандай?

Оқулықпен жұмыс. 158-161 бет.

«Кластер» әдісі. Бұл тапсырма жұппен орындалады: топ ішінде өз еріктерімен жұп құрады да кластерді оқып, түйінді сөздер арасындағы байланысты тауып, сызық арқылы байланыстыруы қажет:

1-топ. А)Мыстың табиғатта таралуы

Ә) Мыстың алынуы;

2-топ. А) Мыстың жай заттармен әрекеттесуі

Ә) Мыстың күрделі заттармен әрекеттесуі;

3- топ. А) Мыстың физикалық қасиеттері

Ә) Мыстың қосылыстары;

4-топ. А) Мыстың қолданылуы

Ә) Мыстың тірі ағза үшін маңызы;

Сарамандық жұмыс.

Оқушылар бейнебаяндағы тапсырмада көрсетілген тәжірибені түсіндіріп, тақтада берілген кестені толтырулары қажет.

«Кір жайғыш» әдісі.

1-топ. CuO →Cu → CuСІ₂ →Cu(ОН)₂

Мыстың табиғатта таралуы қандай?

Мыстың балқу температурасы қандай?

Мыстың ағза үшін маңызы неде?

2-топ. CuSO₄ → Cu(OH)₂ → CuO → CuSO₄

Мыс табиғатта қандай қосылыстар түрінде таралған?

Таза мыс қандай, сипаттап бер?

Мыс адам ағзасы үшін зиян ба?

3. Cu →CuCl₂ → Cu(OH)₂ → K₂[Cu(OH)₄]

Мыстың Қазақстандағы ең ірі кен орындарын ата

Мысты қандай әдістермен аламыз?

Мыстың қолданылуы жайлы не білесің?

4 Cu₂O → Cu → CuO → CuSO₄

Жай зат мысты қай қасиеттері үшін техникада көп қолданады?

Мыстың қорытпаларын атап бер

Мыстың өсімдік ағзасындағы ролі қандай?

плакаттар, маркер, стикер