×
Сертификат тегін алу үшін
Материал тегін жариялау
ҚР БАҚ(СМИ) тіркеу №9512

Ең үздік ашық сабақ байқауы басталды
Алтын күз байқауы басталды
Сұрақтарды 8(771)-234-55-99 (Ватсап) осы номерге жазуға болады

"Нарықтың талабы мен сұранысына сай халықаралық деңгейдегі білікті, білімді мамандар даярлау заман талабы" мақала

Автор:Куандыкова Нурипа Таласбаевна
Бағыты: Әдістемелік бірлестік жетекшілері
Бөлімі: Мақала
Сыныбы: 12 сынып
Жарияланған уақыты: 2017-12-22

50-ден астам пәндер бойынша материалдарды тегін жүктеп, сабақ барысында қолдануға болады

Материал туралы қысқаша түсінік

Колледж туралы

Нарықтың талабы мен сұранысына сай халықаралық деңгейдегі білікті, білімді мамандар даярлау заман талабыЖамбыл экономика және ақпараттық технологиялар колледжінің экономикабөлімінің меңгерушісі Қуандыкова Нурипа Таласбаевна
Елбасының «Қазақстанның Үшінші жаңғыруы: Жаһандық бәсекеге қабілеттілік» атты биылғы Жолдауы ел экономикасын нығайтумен қатар адами капитал сапасын жақсарту бойынша жаңа міндеттерді айкындап берсе, «Болашаққа бағдар:рухани жаңғырту»атты мақаласында – табысты болудың ең іргелі, басты факторы білім екенін әркімнің терең түсіну керектігін тағы да атап өтті. Білім беру жүйесінің басты міндеті – білім беруді экономикалық өсудің жаңа моделінің орталық буынына айналдыру. Қазіргі уақытта шетел тілін білетін, компьютерді жоғары деңгейде қолданып, оның әртүрлі бағдарламаларын игерген мамандар талап етіліп отыр. Жамбыл қазақ-түрік есеп-экономикалық колледжі - сондай мамандарды даярлайтын облыстағы экономикалық білім беретін алдыңғы қатардағы оқу орнының бірі. Колледжде жалпы білім беру, әлеуметтік экономикалық және жалпы кәсіптік пен арнайы пәндердің 60 ағылшын тілінде оқытылады. Оқу процесінде жаңа инновациялық әдістер қолданып, жаңарту арқылы нарықтың талабы мен сұранысына сай халықаралық деңгейдегі білікті, білімді мамандар даярлау бүгінгі күндегі негізгі мақсатымыз. Бүгінгі таңда заман талабына сай білім саласындағы жаһандық бәсекеге неғұрлым бейімделген мамандарды даярлау мақсатында «Аударма ісі», «Ақпараттық жүйелер» -жаңа мамандықтары ашылуына байланысты колледж атауы «Жамбыл экономика және ақпараттық технологиялар колледжі» болып ауыстырылды. Білім алушылар мемлекеттік тапсырыс негізінде оқиды, қабылдау қатаң іріктеу негізінде жүргізіледі. Оқу процесі үш тілде жүргізіледі және 1 курста ағылшын тілін меңгеріп шығуға мүмкіндік қарастырылған. Колледжде жүйелі күн тәртібі енгізілген, яғни білім алушылар жатаханада жатып, үй тапсырмасын арнайы бөлінген уақытта орындайды және бірге дайындалуға мүмкіндік жасалған. Қажет болған жағдайда оқытушылармен қосымша сабақтар жүргізіледі. Сабақтан тыс әр түрлі іс-шаралар ұйымдастырылып, білім алушылардың сабаққа деген қызығушылығын арттыру мақсатында арнайы үйірмелер жұмыс жасайды. Колледжде IELTS және TOEFL халықаралық ағылшын тілі емтиханына дайындық үшін бар мүмкіндік жасалған. Талапкерлерді кешенді тестілеуге дайындық жұмыстары жүргізіледі. Колледж түлектеріне дипломмен бірге біліктілікті растайтын сертификат, ағылшын және түрік тілдерін жетік меңгергендігі жайлы халықаралық стандартқа сәйкес сертификат беріледі. Колледж түлектері «Болашақ» бағдарламасымен шет елде оқу бітіріп, бүгінгі таңда колледж оқытушылар құрамын толықтыруда. Колледж оқытушылары оқу процесінде құзырлыққа негізделген оқыту әдістемесі бойынша экономикалық пәндерді оқытуда инновациялық және ақпараттық-коммуникациялық технологияны қолдану арқылы білім беру үдерісін жаңғыртуда. Әлемдік білім кеңестігіне ене отырып, сапалы білімге қолжетімділікті қамтамасыз ету үшін колледж білім алушыларына келесі мүмкіндіктер ұсынылған: Coursera.com сайтын қолдана отырып, Дүниежүзіндегі ең беделді университеттерінен қашықтан білім алу мүмкіндігі қолданылады. Мамандықтар бойынша оқу әдістемелік құжаттардың ортақ базасын құру мақсатында колледжде Dropbox.Com сайты қолданылады. Бұл сайт колледж оқытушыларына кезкелген уақытта қалаған пәндері бойынша оқу жұмыс бағдарламаларын, күнтізбелік тақырыптық жоспарларды, лекция материалдарын электронды түрде қолдану мүмкіндігін береді. Ол үшін әрбір оқытушыға арнайы логин мен пароль берілген. Колледж туралы толық мәліметтерді кезкелген уақытта Jameco.Kz сайтында алуға болады. Сонымен қатар колледждің тыныс-тіршілігімен толық таныстыру мақсатында Youtube видео порталында “Jameco Tvарнасы және “Jameco Times” әлеуметтік желілері ашылған.Колледждің оқу үрдісін кешенді оңтайландыру мақсатында Edupage бағдарламасы енгізілген. Бұл бағдарламада оқу кестесі, электронды журнал, білім алушылардың сабаққа қатысуын қадағалау, үй тапсырмасы, хабарландырулар, оқытушылардың бір бірін алмастыру мүмкіндіктері қарастырылады. Бүгінгі таңда колледждің шет елде оқып жатқан түлектермен халықаралық қарым қатынастар орнатып онлайн жүздесулерін өткізуде. Атап айтқанда Оңтүстік Кореяда, Ұлыбритания, АҚШта және де тағы да басқа мемлекеттер. Білім алушылардың болашақ мамандығы бойынша өмірден өз орнын тауып, қоғамға еңбек сіңіруі басты мәселе. Колледж ұжымы осы мақсатта білім алушыларға сапалы біліммен диплом беріп қана қоймай, олардың өз мамандығы бойынша жұмысқа орналасуына ат салысуда. Колледжде Jameco carrier center (Джамеко карьера орталығы)- колледжді бітіруші түлектерге болашақта өзінің карьерасын анықтауға көмек көрсететін орталық құрылған. Орталықтың мақсаты-әлеуметтік серіктестіктермен,кәсіпкерлермен және шет елде білім алып келген түлектермен тығыз қарым-қатынас орнату, кездесулер ұйымдастыру, еңбек нарығын бағалай отырып, жұмысқа орналасу үшін бос орындарға жарияланған байқауларда, интернеттің еңбекке орналастыру сайтында қандай мамандарға сұраныс бар екендігін қарап, арнайы агенттіктер жүргізген болжамдарды зерттеудің маңыздылығын айқындау, жұмысқа орналасу үшін дұрыс түйіндеме жазып, жұмыс берушінің талабына сай сұхбаттасу тәртібін үйрету. Сонымен қатар биыл Jameco Alumni Association ( Джамеко түлектерінің ассоцияциясы) алғашқы колледж түлектерінен бастап бүгінгі күнге дейінгі бітірген түлектердің басын қосатын орталық платформа құрылды. Мақсаты өз ісін өркендетіп жатқан және жоғары лауазымды қызметтерде отырған колледж түлектерінің өз тәжірибелерімен бөлісіп, түлектерді әрі қарай жұмысқа орналастыруға көмектесу, өзара кәсіби қарым-қатынастарын (Нетворкинг) нығайтып, болашақ түлектерге кәсіпкерлік және лидердік касиеттерін бойына дамыту. Елбасы бүгінде «ағылшын тілі - жаңа технология, жаңа индустрия, жаңа экономика тілі» деп атап өткендей, біздің түлектеріміз шет тілдерін меңгерген , ІТ-білімді, қаржылық сауатты, нарықтың, жұмыс берушінің сұранысына сай келетін білікті мамандар екеніне күмәніміз жоқ.

50-ден астам пәндер бойынша материалдарды тегін жүктеп, сабақ барысында қолдануға болады

Сертификатты жеке кабинеттегі жетістіктерім бөлімінен жүктеп алуға болады

Материалды сайттан тегін жүктеу

Материал ұнаса парақшаңызға сақтап қойыңыз!

Өз пікіріңізді қалдыру үшін тіркелу қажет.

Олимпиада бітуіне қалды: