Мектепалды даярлық

Музыка

Уақыты:13.03.2019 жыл

Мейрембекова Ә

Тақырыбы

Наурыз көже

ҰОҚ оқытылу мақсаты:

Музыкалық дыбыстың негізгі қасиеттерін жоғарылығына (жоғары-төмен дыбыс),ұзақтығына (ұзақ, қысқа), қаттылығына (қатты, ақырын) тембріне қарап ажырату.Музыкалық шығарманың сипатына (көңілді, салтанатты, қуанышты, ашық-жарқын, көңілсіз), қарқынының өзгеруіне сәйкес ән салу.

Күтілетін нәтиже

Барлық балалар:

Музыкалық дыбыстың негізгі қасиеттерін жоғарылығына (жоғары-төмен дыбыс), тембріне қарай ажырата алады.

Көпшілік балалар:

Музыкалық шығарманың сипатына (көңілді, салтанатты, қуанышты, ашық-жарқын, көңілсіз), қарқынына, динамикасына, ырғақтық суретіне сәйкес ән сала алады.

Кейбір балалар:

Таныс би элементтері мен қозғалыстары негізінде оларды араластыра отырып немесе өз қозғалыстарын ойдан шығарып суырыпсалма би орындай алады.

Тілдік мақсат

Балалар:

Наурыз мерекесі туралы кеңінен әңгімелей алады. Мерекеде ойналатын ұлттық ойындарды сипаттай алады. Наурызкөженің неден жасалатыны туралы жақсы біледі және айта алады.

Көптілділік: сусын – напиток – drink.

Негізгі терминдер мен сөз тіркестері:

Наурыз, наурыз тойы, наурызкөже.

Пікір алмасу сұрақтары:

Наурыз мерекесі жылдың қай мезгілінде тойланады?

Наурыз мерекесінде ойналатын қазақтың қандай ұлттық ойындарын білесің?

Наурызкөжеге неше түрлі тағам салынады және қандай?

«Қара жорға» биіне ойдан би элементтерін қолданып билеңдер.

Жоспары

Жоспарланған уақыт

Жоспарланған іс-әрекет

Ресурстар

Басталуы

0-5 минут

II. Өмірлік тəжірибені

маңыздандыру.

Мақсатты болжам.

Балалармен музыкалық сәлемдесу. Шаттық шеңберін жасау.

«Қайырлы таң, туған жерім!», «Қайырлы таң, алтын күн!», «Қайырлы таң, алтын ұям!», «Қайырлы таң, достарым!» Бір-біріне алақандарының жылуын жеткізу. Балаларға Наурыз мерекесінде қандай тағамдар болатынын,әдейі мерекеге арналған наурызкөже туралы түсініктер береді.

Музыка тыңдау: « Тойбастар» (муз. Б.Аманжолов).Балалардан музыканың көңіл күйі туралы сұрау. Шығарманы тыңдай отырып не елестеттіңдер? М узыканы тыңдата отырып көңілді музыка адам жанын жадырататынын, көңілсіз музыка жанды жабырқататынын түсіндіреді.

Дауыс жаттығулары: «Әлди-әлди» (халық әні).Ән ұйықтар алдында орындалатындықтан айқайламай, бірқалыпты байыппен айту қажет.

Әліппе-дәптер

Сабақтың ортасы

Негізгі бөлім

6-18 минут

Ән айту: «Наурызкөже»

(муз. А. Райымқұлова, сөзі А. Шаяхметов).

Ән көңілді, сергек орындалады. Ән айту кезіндегі ережелерді еске түсіру. Ән туралы балалармен әңгімелесу. Балалардың есту, есте сақтау қабілеттерін қадағалау.

Музыкалық-ырғақты қозғалыс: «Қара жорға»

Балалар жұптасып, жеке би қимылдарын жасайды. Буын биі аталатын бұл билер ерте кезден келе жатыр. Бұл бидің ерекшелігі – жас баладан еңкейген қарияларға дейін билейді. Балаларға өз беттерінше қимыл жасауға мүмкіндік беру.

Әліппе-дәптермен жұмыс:

1-сабақ. Айсұлудың сұрағы мен тапсырмасы: Наурызкөжеге қанша тағам түрлері қосылады? Наурызкөжеге салынатын тағамдарды

қазанға сызық арқылы қос. Пайдалы сусындар туралы не білесің? Олар қайдан алынады?

2-сабақ. Айсұлудың сұрағы мен тапсырмасы: Күйді тыңдағанда көз алдыңа не елестете алдың? Қандай музыкалық аспаптардың даусын естідің? Мына суреттер ішінен қайсысы осы тақырыпқа сай келеді деп ойлайсың? Күйдің мазмұнына сәйкес келетін суреттерді белгіле. Наурызкөже ішетін тостаған ағаштан жасалады. Ал торсық сусынды жолға алып жүруге арналған. Торсық теріден жасалады

IV. Сабақ

қорытындысы

Рефлексия.

Бүгінгі сабақ туралы балалардың пікірлерін тыңдау. Сабақт балалардың көмегімен қорытындылау, бағалау.

– Егер сабақ қызықты өтті деп ойласаң, әліппе-дәптердің төменгі бұрышындағы ортасында соль кілті бар шеңберді жасыл түспен, ал қызықты болмаса, қызыл түспен бояп белгіле.

Әліппе-дәптер, түрлі түсті қарындаштар