Неліктен мен бұл мамандықты таңдадым?

Техникалық және кәсіптік білім беру педагогтері үшін

№1 «ЖГП» ЦӘК Саясаттану және әлеуметтану пәндерінің оқытушысы

Турлыбаева Гулнур Байзаковна

Эссе тақырыбы: Неліктен мен бұл мамандықты таңдадым?

Адам жанын түсіне білу,

оны зерттей білу- үлкен өнер.

З.Фрейд

Мамандық- бұл әрбір адамның сүйіп, әрі қуана жасайтын ісінің бірі. Әр адам мамандығын өзі таңдауы және оған құрметпен қарауы силастық танытуы керек. Себебі мамандық таңдау үлкен жауапкершілікті қажет етеді және адам өміріндегі ең маңызды қадамдардың бірі болыа саналады.

Әр адамның өз бағыты, арман қылған бағындыдар биігі болады. Ал биік шың адамға оңайлықпен беріспесі анық. Кемеңгер Абай Құнанбай атамыздың «сенде бір кірпіш дүниеге, тетігін тапта, бар қалан»,- деген қасиетті сөзі өз мақсатына жету үшін біздерге зор мүмкіндіктерге жол ашады. Болашақта үлкен мамандық иесі болатынын армандамайтын адам болмайды. Ия, неліктен мен бұл мамандықты таңдадым деп кез-келген оқытушы, ұстаз өзіне сұрақ қояды. Осы сұрақ өмірге келіп, сана-сезімі жетілген адамды толғандырары сөзссіз. Бір кездері мен де осы бір сұрақтың жетегінде көп ойланып, қиялдап, өзім қалайтын, өзім сүйіп айналысатын істі таңдау қажет екенін біліп таңдау жасадым. Ақырында осы бір сұрақтың жауабын таптым.

Мен жас ұрпақтың бойына білім нәрімен қатар, адамгершілікті, икемділікті, өз Отанын сүюге, өз елінің патриоты болып өсуіне өз күш жігерімді аямай жұмыс істеп жүрмін. Өзімнің алдымда отырған шәкірттеріммен жақсы қарым қатынаста болып, үйренсем, білсем, көрсем деген бала армандарын жүзеге асырып отырған, өз пәнін, өз мамандығын, алдында отырған барлық шәкірттерін өз баласындай жақсы көретін педагог маманмын. Өзінің мамандығына деген қызығушылық пен сүйіспеншілік, сондай ақ жауапкершілік оны небір қиын әрекеттерге жетелейді, іске батыл кірісуге септігін тигізеді. Нәтижесінде, ұстаздың үлкен сый құрметке бөленуі әрбір шәкіртіне асқан сезімталдықпен, шынайы сүйіспеншілікпен және жауапкершілікпен қарым қатынас жасауымен тікелей байланысты деп есептеймін. Сабақ берген әр күнімнен өзім де тәжірибе жинай бастадым. Әрбір білім алушыға жеке тұлға ретінде қараймын. Күнделікті сабағыма өте мұқият дайындықпен барамын. Оқушылардың сабаққа ынтасын, қызығушылықтарын арттыру мақсатында үнемі ізденісте болып, әртүрлі жаңа ақпараттық технологияларды сабақ барысында жиі пайдаланамын. Өзімнің біліктілігімді жыл сайын арттырып отыруға тырысамын. Ол үшін арнайы педагогикалық курстарға қатысып, білімімді шыңдап отырамын. Әртүрлі әдіс тәсілдерді, түрлендірілген тапсырмаларды сабағымда пайдалану арқылы оқушылардың сабаққа белсенді қатысуына, зерікпеуіне, өз ойларын нақты ашық айтуына көңіл аударамын. Оқытушының алдына қойған мақсаты шәкірттерінің білімді, ойы ұшқыр болып шығуына, болашақта нағыз азамат жеке тұлға болып қалыптасуына өзінің тамшыдай болса да үлесін қосуы деп білемін. Сондықтан мен оқытушы болуды таңдадым.

№1 «ЖГП» ЦӘК оқытушысы______________Г.Б.Турлыбаева