Сабақ мақсаты: ізгілік бастауы ар-ұжданнан бастау алатындығын әңгімелей отырып, ақиқат құндылығының мәнін ашу.

Сабақтың міндеттері:

-оқушыларды өз бойларынан ақиқатты іздей білуге үйрету;

- ар –ұждан даусын есту, жауапкершілікті сезіну дағдысын дамыту;

- өз іс-әрекетіне талдау жасауға тәрбиелеу.

Ресурстар:

(құралдар, мәлiметтер)

Сабақбарысы:

Ұйымдастырукезеңi.5Т. Жұмысқұралын түгендеу.

Тыныштық сәті. «Нұрға бөлену»

Үй тапсырмасын тексеру:5 сабақ «Болады деп арманда» М.Мақатаев. 21-22бет.

• Адам қай уақытта арманына жетеді деп ойлайсыз?

• Ниетіміздің тазалығы іс- әрекетімізге қалай әсер етеді?

• Адам ар- ұжданның дауысын қалай естиалады?

Сабақ барысын талқылау:

Дәйек сөз.

Ақылды болсаң, арыңды сақта, 
Ар-ұждан керек әр уақытта 

Нақыл сөз 
- Бізге әр уақытта Ар-ұждан керек пе?

ӘңгiмелеуАқиқат туралы аңыз

Шығыстың бір аңызы бойынша, бір күні жаратушылыр әлем құру туралы шешім қабылдады . Олар жер, күн, жұлдыз, ай, теңіздер, таулар, гүлдер, бұлттарды, жаратыпты. Содан кейін адамды жасап оны жер бетіне жібереді.

Содан соң, олар адамға жер бетінде мәнді өмір сүру үшін не керек деген сұрақты талқылауға кіріседі. Бір данышпан адамға бақыт жіберейік дейді, екіншісі ақыл жіберейік дейді. Сөйтіп адамның жер бетінде мәнді де сәнді өмір сүру үшін керек жақсы қасиеттерді жіберіп жатады. Сол кезде бір данышпан ойланып отырып, ақиқатты жіберейік дейді.

Ал екіншісі болса ақиқатты адамға жайдан-жай жібере салмайық, олар оны өздері іздеп тапсын, сонда ғана адам үшін ақиқаттың мәні болады, -дейді.

«Ақиқатты қайда жасырамыз?» -деп біраз ойланады.

- Ақиқатты таудың ең шыңына жасырайық-, депті біріншісі.

-Жоқ, оны ең биік жұлдыздың ішіне салайық ,- депті екіншісі.

-Одан тауып алуы мүмкін, одан да теңіздің түбіне немесе айдың арғы жағына жасырсақ қалай болар екен?- депті басқалары.

Сонда жаратушылардың ең үлкені үндемей тек тыңдап отырған айтыпты: «Жоқ, ақиқатты адамның жүрегіне жасырайық. Ол әлемді шарлап ақиқатты іздеп жүріп, ақиқаттың өз жүрегінде екенін білмейді де». Ар-ұждан дауысын ести білетін адам ғана өз жүрегіндегі ақиқатты тани алады – деп, сөзін аяқтапты

- Неге адамдарға байлық, маңсап, атақ емес ақиқатты жіберді?

- Жүрексіз ақиқат – өтірік дегенді қалай түсінесіз?

-Ақиқат дегеніміз не?

Шығармашылық жұмыс, топтық жұмыс.

Үш топқа түстер арқылы бөлінеді.

Төмендегі тірек сөздерді пайдаланып «Ниетім – өмірімнің айнасы» тақырыбында шағын әңгіме құрастырып, қорғау.

Тірек сөздер: ниет, тағдыр, бақыт, сәттілік, пиғыл, өмір, аялау, ойлану, ой, пейіл, жауапкершілік, өз бойынан ақиқат іздеу, тек жақсы және қажет заттарды ғана айту, мәңгілікті уақытшадан, шындықты жалғаннан ажырата білу, білім іздеу, өз өзіне есеп беру, барлық дінге құрмет көрсету.

Үй тапсырмасы.№6 сабақ 23 бет «Адам қалай ойлайды?» Д.Аллен(Оқып келу)

Топпен ән айту. «Қайырымдылық жолымен» («Дорога добра» Ю.Энтин)

Ғажап әсем өмірде, жақсы нұрлы көңілге

Шексіз бейбіт әлемнің, ақ жолын біз таңдаймыз

Күнді бірге айналып, қуаныш пен жайқалып

Өркендеп биіктерге бірге әркез самғаймыз

Қиындықты женуге, қайта көкке өрлеуге

Бақыт құсы саған қол ұшын әркез созады

Достарыңды ұмытпа, көмектен сен жалықпа

Әрдайым дайын бол жақсылық тағы жасауға

Жолыңда сенің түрлі қиындықтар кезігер

Өмір ойын еместігін есіңнен шығарма

Қиындықтан мұғайма, жену керек мұндайда

Әрдайым дайын бол жақсылық тағы жасауға

Сабақ соңындағы тыныштық сәті. (1 мин)

Көзімізді жүмып бүгінгі сабақтан алған әсерлеріңізді жүректеріңізге түйіп алыңыздар. Әр уақытта өз іс-әрекеттерімізге талдау жасап, жақсылық жасайық.

Рахмет! Көздеріңді ашуға болады.