"Ө" әріпі мен дыбысы

Сабақтың тақырыбы: Ө әріпі мен дыбысы

Сабақтың мақсаты: Ө дыбысы мен әрпімен таныстыру. Құрамында Ө дыбысы бар сөздерге талдау жасауға үйрету. Ө дыбысын дұрыс дыбыстатып, оның таңбасын- әрпін таныту. Буыннан сөз, сөзден сөйлем құратуға дағдыландыру. Балалардың ойлау, есте сақтау қабілеттерін дамыту.

Әдіс-тәсілдер: Түсіндіру, сұрақ-жауап, көрнекіліктер, сөзжұмбақ.

Көрнекілік құралдар: Текшелер, суреттер, сөзжұмбақ, үлестірмелі материалдар, асықтар.

Шаттық шеңбері: Аппақ болып таң атты

Түтін түзу шығады

Қарлығаштар қанатын

Самғап биік ұшады

Топ топ басайық

Жалаудан күн жасайық

Жаса, жаса алтын күн

Жаса, жаса жарқын күн

Алдымен өткен сабақты бір қайталап алайық. Өткен сабақта «Й» және «И» әрпімен танысқан болатынбыз. «Й» дауыссыз дыбыс, «Й» дыбысынан келетін сөздер: айна, қалай, айша, қайда.

«И» дауысты дыбыс.

и-не, и-не-лік, и-кем.

Екі әріптің бір-бірінен айырмашылығын айту.

1. Сөзжұмбақ шешу: өрмекші, радио, нан, етік, кітап.

-Осы сөз қандай дыбыстан басталып отыр?

-Дұрыс айтасыңдар Ө дыбысынан. Бүгінгі біздің жаңа дыбысымыз «Ө» дыбысы және әрпі екен. Тәрбиеші балаларға «Ө» дыбысының дауысты екенін қызыл текшемен белгіленетінін айтып түсіндіреді және «Ө»дыбысының әріп-таңбасын балаларға көрсетеді.

«Ө» дыбысын ауада және тақтада жазып көрсету.

Өрнек, өшіргіш, өрік, өзен, өрмекші, көбелек, көйлек сөздерінде Ө дыбысының сөздің басында және ортасында келетінін айтып, түсіндіру.

Д.О : Сурет пен әріпті сәйкестендір.

Балалар алдарында тұрған суретке қарап, қай дыбыстан басталатынын табады. Үстіне әріптерді орналастырады.

2. Үш топқа үш түрлі сөз беріледі. Бірінші топ ӨРІК сөзіне дыбыстық талдау жасайды. Екінші топ ӨШІРГІШТІҢ суретін сипаттайды. Үшінші топ КӨБЕЛЕК суретін бояйды.

3. Ө дыбысы мен әріпін жазу жолына қаламмен жаздыру.

4. Асықпен жазу.

Балалар асықпен Ө әріпін құрастырады.

Д.О: Әріп пен текшені сәйкестендіреміз.

Балалар берілген әріптерге тиісті текшені қыстырғыштар арқылы орналастырады.

(қыстырғыштар, қызыл, көк текшелер, суретті әріптер)

5. Құммен жұмыс

Балалар құм арасына жасырылған әріптерден Ө әріпін іздеп табу. Ө дыбысы кездесетін сөздерді айтқызу.

6.

«Бағдаршам әдісі» балалар өздерін бағалайды. Ақ параққа жасыл смайликтің суретін салып не үшін жасыл көзді таңдағанын айтады. Содан кейін балалар ақ парақты умаждап, бір-біріне қар қылып лақтырады.(умаждау әдісі)

Сабақты қорытындылау бағалау есебінде балаларға аққала, шана, шаңғы суреттерін тарату. Табиғат аясына сол құралдарымен шығып, қардан аққала жасайтынымызды айту.

Сабақ аяқталды.