Күні: 12.01.2018

Сынып: 1

Қатысқандар саны:

Қатыспағандар саны:

Сабақтың тақырыбы

Табиғатқа саяхат. Ө дыбысы мен әрпі.

Осы сабақта қол жеткізілетін оқу мақсаттары (оқу бағдарламасына сілтеме)

1.2.9.1.Әріпті тану,ажырату және оны дыбыспен сәйкестендіру

1.2.1.2. оқудың түрлерін қолдана алу(буындап оқу, тұтас оқу)

1.1.4.1 мәтіннің мазмұнын тақырыбы немесе оның иллюстрациясы бойынша болжау

Сабақтың мақсаттары

Барлығы: «ө»әрпін таниды,дыбысты ажыратады

Көбі: Тақырыпты түсініп, тыңдап, жетекші сұрақтар арқылы талқылайды.

Кейбірі: сөздерден сөйлем құрай алады,мәтінді оқи алады,өз ойын еркін айта алады.

Бағалау критерийі (табыс критерийі)

Әріпті таниды , ажыратады және оны дыбыспен сәйкестендіре алады

Денсаулық және техника қауіпсіздігінің сақталуы

Денсаулық сақтау технологиялары,сынып қауіпсіздігі,күн тәртібін сақтау,сергіту сәті,шаттық шеңбері,белсенді оку әрекеттер

Құндылықтарды дарыту

Мәңгілік Ел, бұл – Жалпыға Ортақ Еңбек Қоғамы.

Пәнаралық байланыс

Өнер, дүниетану,жаратылыстану,музыка,орыс тілі

АКТ қолдану дағдылары

Таныстырылым ,бейнежазба,интербелсенді тақта,слайд

Сөздік қор

Өрік- абрикос-apricots, Өшіргіш – ластик – rabber ,

Өзен – река – river ,Өрмекші-паук-spider сөздерді үш тілде айта алады

Алдыңғы меңгерілген білім

Ө дыбысы мен әрпін біледі

Сабақ барысы

Сабақтың жоспарланған кезеңдері

Сабақтағы жоспарланған іс-әрекет

Ресурстар

Сабақтың басы

Ынтымақтастық атмосферасын қалыптастыру

– Балалар, шаңырақтың уықтары мықты болу үшін бірлесе жұмыс жасаған дұрыс болар.Олай болса топқа бөлінейік:

Дөңгелене тұрайық,

Киіз үйді құрайық,

Керегеге киіліп,

Уық болып иіліп,

Бір шыңырақ құрайық.

-енді, мына жердегі суреттерден өздеріңе сурет таңдап алыңдаршы?

(өрік, өрмекші,өзен, суреттерін таңдау, сол бойынша топқа бөліну)

Сабақ мақсатын(табыс критерийін) таныстыру

-балалар, сендер қандай сурет алдыңдар?

-олар қандай әріптен басталып тұр?

-қалай ойлайсыңдар, неге ол әріптен басталатын сөздерді алдық?

-бәріміз даустап айтып көрейікші?

-ол дыбыс дауысты ма әлде дауыссыз ба?

Ендеше, балалар, біз бүгін сабағымызда «Ө» әрпіне байланысты сөздерді оқып,дыбыстық талдау жасап үйренеміз.

Сөздік қор: Жұптық жұмыс

Өрік- абрикос-apricots, Өшіргіш – ластик – rabber, Өзен – река – river , Өрмекші-паук-spider сөздерді үш тілде айтқызу, жұптарға суреттері мен сөздерін беріп сәйкестендіру.

«Шаңырақ» әдісі

Суреттер

Табыс критерийі

суреттер,

стикерлер

Сабақтың ортасы

«Ой шақыру» Жұмбақ жасыру.
Шөлде бар,
Суда жоқ.
Көлде бар,
Буда жоқ.(«Ө»)
Белсенді оқу әдісі.«Кім жылдам?» ойыны

(Үш топқа ермексаз, түрлі- түсті қағаз,моншақ, сурет үлестіріп беру)

- Балалар алдындағы ресурстар арқылы «ө» дыбысын жасайды.

1-топ: -Шөл, көл сөздеріне дыбыстық талдау жасап өту.

2-топ: осы сөздермен сөйлем құру.

3-топ: «Шөл», «көл» Сөздерін тақтаға көркем жазу.

Шөл Көл

- Жарайсыңдар, балалар! Ендеше, «ө» әрпінің баспа және жазба түрлерімен танысайық.
Ө әрпі қай әріпке ұқсайды? (О)

Ұжымдық жұмыс: Оқулықпен жұмыс:

-суреттегі қандай жәндік?

-оны қай мезгілде көреміз?

-қазір қай мезгіл?

-балалар қайда бара жатыр?

-буынға бөлейік, дыбыстық талдау жасайық.

Дыбыстық талдау жасау

№1 Тыңдалым

-Мерей, табиғат деген не?

-Сұрақтың жауабын төмендегі суреттерден табуға болады?

-Табиғатқа тағы не жатады?

Табиғаттың суреттерінің ішінде Ө-дыбысы мен әрпі келетін суреттерді атау.

«Өрмекші торы» ойыны.

Оқушыларды шеңберге тұрғызу, «-Табиғатқа тағы не жатады?» деп сұрау арқылы әр жауап берген сайын оқушының қолына жіпті орау.оқушылар жауап бергенде өрмекші торы пайда болады.

Дескриптор :

Тыңдалған мәтінге өз көзқарасын жай сөйлеммен білдіреді.

Білім алушы - сөздерді дұрыс айтады;

Берілген сурет бойынша шағын әңгіме құрастырып айта алады.

Ө дыбысына дыбыстық талдау жасай алады

Таныстырылым,

Ермексаз, түрлі- түсті қағаз,моншақ

Суретпен жұмыс

слайд

Оқушы белсенділігі артады.

Оқулық

Ұжымдық жұмыс

Мәтін желісі бойынша оқулықта берілген сұрақтарға оқушылардан жауап алуды ұйымдастырамын. Мәтін бойынша сұрақ қоя білу және жауап бере білу білігін бағалаймын

Сергіту сәті

Сергіту сәті

Бейнебаян

Қызықты тапсырма

Аяқталуы

Сабақтың соңы

Оқылым

Шөл төл өрнек көрік көрме

Көл сөл өрмек өрмекші Көркем

Жазылым

Ө дыбысының жазылу ережесімен таныстыру.

Дәптермен жұмыс: Өө әрпін таңбалау.

Өр, шөл, өрмекші, өрік сөздерін жазу.

Саралау «Өз орнын тап» ойыны

Өр, төр, көл, шөл, өрнек, өрік, көрме,Көркем,

Көкөніс, көгершін,өрмекші,көлеңке сөздерін 1буынды, 2буынды,3буынды себеттерге тауып орналастыру

Дескриптор :

-сөздерде қанша буын екенін айыра біледі

-Буындарды ажырата алады

Кері байланыс: «Табыс критерийі» арқылы мақсатқа жетуді анықтау.

-Балалар бүгінгі сабақ ұнады ма?

-Қай ойын ұнады?

Бүгінгі сабақтан сөз қоржындарыңа қандай сөз салдыңдар?

Бүгін біз не үйрендік?

Ия біз бүгін басқа дыбыстардан ерекшелігін Ө дыбысының оқылуын ,жазылуын және сөздік қорымызды толықтырдық.Бүгінгі сабағымыздың мақсаты осы.

«Менің сөзім» ойыны.

Сыныпта бір оқушы сабақта не үйренгенін айтады да, келесі оқушының атын айтады.сол оқушы жалғастырып айтады. Осылайша оқушылар не үйренгендерін айтып рефлексия жасайды.

Оқулықпен жұмыс

Дәптермен жұмыс

Смайликтер жапсыру арқылы бағалау

Сөздер жазылған қима қағаздар, себеттер суреттері

«Өз орнын тап» ойыны

Топтық жұмыс

«Баспалдақ» әдісі бойынша өздерін бағалау.

Рефлексия.