Сабақтың тақырыбы.Ойнайық та, ойлайық!

Дәстүрден тыс,ойын сабақ.

Мақсаты:1.Өткен материалға шолу,қайталап,бекіту.Балалардың білімдерін тиянақтап ,

байланыстыра сөйлеуге үйрету.

2.Тілдерін дамыту ,сөздік қорларын молайту.

3.Отанын ,елін сүюге тәрбиелеу .Ойын арқылы қазақ тіліне қызығушылықтарын арттыру.

Әдіс-тәсілдер: Ойын, сұрақ-жауап ,түсіндіру.

Көрнекіліктер: Суреттер ,ойыншықтар ,киіз үй, ойын автоматтарының макеттері , қоржын. т.б

Сабақ барысы :

1 Ұйыдастыру бөлімі:

Т:-Балалар ,қарандаршы ,бізге көп қонақтар келіпті.Кәне,бәріміз амандасайық.

-Сәлеметсіз бе?

Т:-Ал, енді сендерді шаттық шеңберге шақырамын .

Қуан шаттан

Алақай!

Қуанатын күн келді .

Қайырлы таң ,

Қайырлы күн,

Күліп шықты күн бүгін!

2 Негізгі бөлім.

Т:-Балалар ,біз бүгін ойнай отырып, ойланамыз.Қазір біз балабақшамыздағы ойын салонына барамыз.

(Осы жерде жүгіріп Еркетай кіріп келеді)

-Ой,мында балалар қандай көп.Ал мен өзім жалғыз ойнайтын ешкім жоқ , ішім пысып , кіммен ойнарымды білмей жүр едім.Жақсы болды ғой ,балалар,келіндер ойнайық !

Т:-Қарағым тұра тұр.Сен кімсің?

Е:-А, танысып қойайық . Менің атым Еркетай:Ал сенің атың кім? (балалардан бір-бірлеп сұрап шығады.)

Б:Менің атым Ваня,Данилл,Владик...

Е:-Танысқаныма қуаныштымын,жүріңдер тез, ойнайық.

Т:Еркетай ,сен аптықпа , біздің балалар ойнай алмайды,өйткені оларда сабақ .

Е:-Сабақ ол қандай сабақ?

Б:-Қазақ тілі сабағы:

Е:-Ой,енді тағы да өзім жалғыз ойнаймын ба?Ішім пысып тұр.

Т:-Еркетай , сен бізбен бірге жүр .Біз ойнай отырып ,оқимыз,ойланамыз,үйренеміз.

(Барлығы ойын салонына келіп,автоматтарға жақындайды.)

Т:-Балалар ,мына тұрған құрылғылар «Ойын автоматтары» деп аталады.

-Ойын ойнау үшін, ең алдымен ақы төлеу керек.

1.Ойын «Сйқырлы қоржын»(Дидактикалық ойын)

(Жемістер мен көкеністерді қайталауға)

«Алма»

Алма кетті домалап,

Көше бойын аралап.

Кім алманы табады,

Сол ойыннан шығады.

-Жарайсыңдар, келесі автоматқа жақындайық, қандай ойын екен?

-Мыналар нелер?

-Құстар.

Қане, ең алдымен ақысын төлейік!

«Торғай»

Торғай,торғай,торғайсың,

Жақын келіп қонбайсың

Жем шашайын тойып ал,

Сонда, торғай тоңбайсы.

2 Ойын «Ұшты-ұшты»

(Тәрбиелік –құстар біздің досымыз)

-Жарайсыңдар, бұл ойынды да тамаша ойнадыңдар.Келесі қандай ойын екен?

2 Автомат ойыны: «Балық аулау»

Үй жануарлары.

«Мысық»

Пеш алдында мысық отыр

Екі көзін қысып отыр

Тышқан етін жегісі кеп,

Тісі оның қышып отыр.

Т: Бүгінгі балық аулауымыз сәтті боды.Қараңдаршы, қаншама балық ұстадық. Бірақ біз ол балықтарды көлге жіберейік,жақсы ма?

Т:Балалар, біраз бой сергітіп, демалып алайық .

Сергіту сәті: Доп, доп,

Топ, топ,

Доп жоғалды,

Доп, жоқ

Қап,қап!

Тап,тап!

Т: Жарайсыңдар.Ойынды одан әрі жалғастырып, ойлана жүрейік!

4. Ойын: «Не артық»

Жабайы аңдар.

«Қоян»

Ұзын құлақ сұр қоян,

Естіп қалып сыбдырды.

Ойлы- қырлы жерлермен,

Ытқып-ытқып жүгірді.

Қарап еді артына,

Қиығын сап көзінің

Келе жатқан томпандап

Көжегі екен өзінің.

Т: Жарайсыңдар:Енді үйге қайтатын уақыт болды.Балалар, бізді үйде кім тосып отыр?

5 Ойын «Үйде кім бар?»

(Отбасын қайталауға)

«Әже»

Әжем менің, ақ әжем,

Ұл мен қыздың бағы әжем.

Ертегі айтып бер десең,

Айтып берер тағы әжем

Т: Жарайсыңдар:Бүгінгі күніміз өте көңілді, пайдалы өтті.

Көдің бе,Еректай, біздің балалар қалай ойнайды, ойлана да біледі.

Өйткені бұлар Тәуелсіз Қазақстанның болашақ азаматтары,

Е: Қазақстан, азамат, ол не тағы?

Т: Еркетай, Сен қай мемлекетте тұратыныңды білесің бе өзің?

Е: Жоқ , мен әйтеуір атамның үйінде тұрамын.

Т: Еркетай; ендеше біздің балаларды тыңдап көр:

Қорытынды бөлім:

-Балалар, біздің Отанымыз қай ел?

-Қазақстан.

-Сендер қай қалада тұрасыңдар?

-Семей қаласында тұрамыз.

-Кім Қазақстан туралы өлең оқып береді.

«Қазақстан»

Т: Көрдің бе, Еркетай? Сен, біз, Қазақстан атты үлкен елде тұрамыз.

Е: Рахмет, балалар.Сендермен ойын ойнап, көп нәрсені үйрендім. Өздерің қандай ақылдысыңдар. Білгенімді, көгенімді тез атама айтайын, сау болыңдар!

-Сау бол, Еркетай!

Ал балалар, сендерде сау болыңдар