Ойын техникасы

Мектеп

Мұғалімнің аты-жөні

Сынып

9 «А»

9 «Ә»

9 «Б»

9 «В»

9 «Г»

Күні

Қатысушылар саны:

Қатыспағандар саны:

Бөлім

2-бөлім. Спорт ойындары арқылы бірлескен жұмыс

Сабақ тақырыбы

Ойын техникасы

Оқу мақсаттары

9.1.1.1. Үлкен ауқымдағы арнайы спорттық қимыл әрекеттерінің дәлдігін бақылауды және үйлесімділікті дамытуға арналған қимыл-қозғалысты салыстыру;

Сабақ мақсаттары

Барлығы: Білім алушылар арнайы спорттық қимыл әрекеттерінің дәлдігін бақылауды және үйлесімдікті дамытуға арналған қимыл-қозғалыс дағдыларын түсінеді;

Көбі: Білім алушылар арнайы спорттық қимыл әрекеттерінің дәлдігін бақылауды және үйлесімдікті дамытуға арналған қимыл-қозғалыс дағдыларын түсіне отырып жаттығу кезінде қолдана алады. Өзінің және әріптестерінің осал мықты жақтарын ажыратады талдайды.

Кейбірі: Білім алушылар арнайы спорттық қимыл әрекеттерінің дәлдігін бақылауды және үйлесімдікті дамытуға арналған қимыл-қозғалыс дағдыларын түсіне отырып жаттығу кезінде қолдана алады. Өзінің және әріптестерінің осал мықты жақтарын ажыратады, талдайды. Қимыл қозғалыс әрекеттерінің бақылайды, үйлесімділігін сақтайды және салыстырады.

Бағалау критерийі

Дене жаттығуларының орындалуын анықтайды.

Тілдік мақсаттар

Оқушылар: командалық спорттық ойындарындағы біріккен іс-әрекет арқылы негізгі білімдері мен түсініктерін көрсетеді және талқылайды

Мыналарды қамтиды:

- қабылдау, допты ойынға қосу

- соққы, дәлдік, пас, жалғау

- шабуыл, қорғаныс

- тактика, техника, стратегия, шешім

- қауіпсіздік, ойын ережесі

- қорғаушы, шабуылдаушы, ойыншы, жалғастыру

- ойын комбинациясы

Талқылауға арналған сұрақтар:

- Берілген тапсырма үшін қандай стратегияны жасақтау қажет?

- Ойын тактикасын қалай әлдеқайда тиімді етуге болады?

- Ойынды бастаушы ойыншы қандай қасиеттерге ие болуы керек?

- Шабуылдан соң қорғаныс әрекетін кім бірінші болып жасақтайды?

- Командалық ойын қалай жақсартылуы мүмкін?

- Көшбасшы қандай қасиеттерге ие болуы керек?

- Көшбасшылық қасиетті дамыту үшін сіз қандай стратегия мен тактиканы

Құндылықтарды дарыту

Ынтымақтастық: өзара жақсы қарым-қатынас орнатады, ынтымақтастық дағдыларын қалыптастырады, бір-біріне көмек көрсетеді.

Академиялық әділдік: бір-бірін әділ бағалайды, идеялары мен ой-пікірлеріне құрметпен қарайды.

Өмір бойы оқу: алған білімін өмірмен байланыстырады, кері байланыс орнатады, білім алуға деген сүйіспеншілікті қалыптастырады.

Патриотизм және азаматтық борыш: отанға деген сүйіспеншілікті, адалдықты, өз іс-әрекеттерімен дәлелдейді.

Өзіне және өзгеге құрмет: топтық жұмыс, жұптық жұмыс кезінде жүзеге асырады.

Еңбек пен шығармашылық: альтернатив ойынды ұйымдастырады, ойын барысында жеңіске талпынады.

Пәнаралық байланыстар

Биология, физика, математика, қазақ тілі, өзін-өзі тану, музыка

АКТ қолдану дағдылары

Ұялы телефон, планшет, ноутбук

Бастапқы білім

Жүгіру эстафетасын меңгерді.

Сабақтың кезеңдері

Оқушының әрекеті

Педагогтің әрекеті

Оқу ресурстары

Сабақтың басы

10 минут

Дайындық бөлімі: Оқушыларды қатарға тұрғызу. Сәлемдесу. Рапорт қабылдау. Оқушылардың спорттық киімдеріне назар аудару. Сабақтың тақырыбымен және мақсатымен таныстыру. Бағалау критерийлерін анықтау. Техника қауіпсіздігін ескерту. Бой жазу жаттығуларын орындау. Тыныс жолдарын қалпына келтіру.

Оқушылардың қатарда түзу тұруың қадағалау. Келмеген оқушылардың себебін анықтау. Оқушылардың сабақтың тақырыбы мен мақсатын мұқият тыңдауын қадағалау. Бой жазу жаттығуларын ережеге сай орындалуын қадағалау.

Волейбол торы, қазықтары, ысқырғыш, доптар.

http://studopedia.ru/10_220274_tehnicheskie-priemi-i-elementi-igri-voleybol.html

https://studbooks.net/673234/turizm/klassifikatsiya_tehniki_igry

Сабақтың ортасы

25 минут

(С, ЖЖ, ҚБ) Оқушылар жұптарға бөлініп допты жоғарыдан беруді жетілдіреді. Торға қарсы қарап тұру қалыптан ойыншылар допты бастан жоғары сәл алға лақтырады, жоғары-артқа сермеуді орындайды, қолдар артқа-жоғары қозғалу үшін артқа шалқайып иықтарын артқа апарады. Бір ойыншы екінші ойыншыға допты бастың деңгейімен береді. Допты беру әртүрлі бұрыштардан және әртүрлі траекториялармен беріледі.

Оқушылардың есіне қауіпсіздік техникасын салу қажет. Техникалық амалдарды игеру алдында бұлшықет пен буындарды қыздыру жаттығуларын орындау. Сұраңыз: Ойынды бастаушы ойыншы қандай қасиеттерге ие болуы керек? Шабуылдан соң қорғаныс әрекетін кім бірінші болып жасақтайды?

(С, ЖЖ, ҚБ) Оқушылар жұптарға бөлінеді, шабуылдау соққысының орындалу үлгісін (имитация) жасайды. Шабуылдау соққысын орындаудың екі тәсілін ажыратады: тура және қапталдан. Шабуыл соққысы секіруден (орыннан және екпін алып жүгіруден), соққыдан және қонудан тұрады. Екпін алып жүгіріп келу секіру бір немесе екі аяқпен итерілуден орындалады, ал орыннан – екі аяқпен итерілуден ғана орындалады.

Назар аударыңыз: Соққы жасаушы қолдың білезік буыны артқа кетпей иықтың үстінде және білек те иықтан жоғары болуы маңызды. Сұраңыз: Тапсырманы орындауда қандай қиындықтар туындады? Қозғалыс әрекеттерін жақсы орындау үшін, бұл тапсырмада сізге қандай дағдылар қажет?

Сабақтың соңы

5 минут

Сабақты қорытындылау:

Мақсаты: Қол жеткен нәтижелер туралы ойлану, өзіндік талдау жүргізуге дағдыландыру. Тақырыпты меңгеру деңгейін анықтау.

Сипаттама: Оқушылар өз беттерінше сабақтың басында қойылған сұраққа жауап береді. Өткен тақырып туралы кері байланыс беру үшін мұғалім сұрақ қояды, оқушылар ауызша жауап береді.

Мұғалім әрекеті: Сұрақ-жауап арқылы кері байланыс жүргізеді. Сабақ басында қойылған сұрағына әр оқушыдан жауап сұрайды. Жақсы нәтижеге қол жеткізген оқушылар мен үздіктерді атайды. Жетілдіру жаттығуларын ұсынады.

Оқушының әрекеті: Қиын болған немесе жүзеге асыра алмаған мәселелер бойынша сұрақ қояды. Үздік нәтиже көрсету үшін өзіндік ойлармен бөліседі. Сабақ басындағы мұғалім сұрағына жауап береді.