Өмір бойы оқу - жетістікке жету жолы

Ақтөбе қаласы,
«Бақытты бала» МДҰ тәрбиешісі
Бисембаева Гүлім Дасқалқызы

Өмір бойы оқу - жетістікке жету жолы
Өзіңді оқытып жетілдіру қәзіргі заман талабы. Себебі қазір білімділер мен
сауаттылардың уақыты. Сондықтан алға ұмтылып талпыну керексің, іздену
керексің. Жан-жақты, білімді болсаң өзіңе жақсы, кез келген жағдайда өзіңді
тығырықтан алып шыға аласың. Білімді болу үшін еңбекқор болу керек. Қандай
маман болмасын еңбекті қажет етеді, жауапкершілікті қажет етеді. Білгеніңді
қасыңдағылармен бөлісу, ол бір мәртебе деп ойлаймын. Тек өзің ғана біліп қоймай
өзгелерге де үйретсең, ол адам өмір бойы сені есіне алып айтып жүреді,есінде
қалады. Жақсылық жасасаң,  өзіңе еселеп келеді дегенге сенемін. Мысалға алсам,
қандайда бір өнерің болсын, оны көрсете білу керексің , тұншықтырмай. Мейлі ән
айт, биле не тігінші бол, дәмді тағамдар жаса, олда еңбекке, пайдалы істерге
жатады. Оны бірі білсе, бірі білмейді. Әр істі бастау үшін еңбек етіп, әрекет ету
керек. Сол кезде ол істің берекеті болады. Кейін үйреніп кәсіпкер , не оқытушы
болуың мүмкін, сол кезде бар білгеніңмен басқаларға үйретсең қаншама адамдар
сізден үлгі алады, өз істерін бастауға себепкер боласың.
Өзіме келетін болсам, балабақшада тәрбиешімін. Балаларға білім, тәрбие беріп,
білгеніммен бөлісемін. Мерекелерде түрлі іс-шаралар өткізіп, көтеріңкі көңіл-күй
сыйлаймын. Әрдайым ізденісте жүремін. Балалардың қуанышын көріп, керемет
сезімде боласың. Тәрбиеші мамандығы қызықты да қиын мамандық. Әр балаға
көңіл бөліп, жауапкершілікпен қарайсың.  Қазір ғаламтордың дамыған заманы,
 қандай да бір дерек, мағлұмат керек болса, іздеп оқуыңа болады. Алға ұмтылсаң
бәрі ретімен болады, үйренуге асығу керексің.
Басқаны емес, өзің отбасы құрсаң, балаларыңа үйрететін нәрселерің көп болу
керек. Бала өз ата-анасының айтқанын тыңдайды, көреді, үйренеді. Бала алдында
сен, яғни ата-ана бірінші ұстазсың . “Бала ұяда не көрсе, ұшқанда соны іледі ”
дейді, сондықтан бала тәрбиесіне көп көңіл бөлу керек. Тәрбиесіне, дұрыс
тамақтануына, сабағына, денсаулығына уақтылы қадағалау керексің. Барыңды
салып оқытып тәрбиелесең, өскенде балаңның ақылды , білімді болып өскеніне бір
мақтанасың, марқаясың. Ата-ана бала үшін барын салады, аямайды. Сондықтан
барымызды салып, білгенімізді бөлісіп, үйретіп жетістікке жете берейік дегім
келеді.