«Өмірге салауатты қадам» «Бір жерлері шығып кеткендерге алғашқы медициналық көмек көрсету. ЖЖЕ №8 Қауіпсіздік сабағы№ 28. 8-сынып :«Ата–анамен және сенімді ересектермен қауіпсіздік мәселелерін қалай ашықталқылауға болады»

Күні

,,,,.04.2025

Сынып жетекші:

Сынып: 8

Қатысқандар саны:

Қатыспағандар саны:

Сабақтың тақырыбы:

«Өмірге салауатты қадам»

«Бір жерлері шығып кеткендерге алғашқы медициналық көмек көрсету. Күйген кездегі алғашқы медициналық көмек көрсету» ЖЖЕ №8

Қауіпсіздік сабағы (10 минут)

№ 28-САБАҚ

8- сынып : «Ата – анамен және сенімді ересектермен қауіпсіздік мәселелерін қалай ашық талқылауға болады»

Сабақтың мақсаты:

Оқушыларға салауатты өмір салтының маңыздылығын түсіндіру;

Дұрыс тамақтану, дене белсенділігі, зиянды әдеттерден аулақ болу туралы ақпарат беру;

Оқушылардың өз денсаулығына жауапкершілікпен қарауын дамыту.

Қауіпсіздік сабағының мақсаты

Оқушыларға қауіпсіздік мәселелерін ашық талқылаудың маңыздылығын түсіндіру;

Ата-анамен және сенімді ересектермен дұрыс қарым-қатынас орнату жолдарын үйрету;

Өзін қорғау және көмек сұрау дағдыларын дамыту

Құндылықтарды дарыту

Денсаулық пен жауапкершілік – өз денсаулығына күтім жасауға үйрету.

Еңбекқорлық пен табандылық – салауатты өмір салтын ұстануда тұрақтылық қалыптастыру.

Дәйексөз

Еңбек – қуаныш, жалқаулық – айырылмас азап. (Абай)

Сабақтың барысы

Сабақ кезеңі/

Уақыты

Педагогтің іс-әрекеті

Оқушының іс-әрекеті

Ресурстар

Сабақтың басы

Сәлемдесу, сынып сағатының тақырыбын таныстыру.

Оқушыларға «Салауатты өмір салты дегеніміз не?» деген сұрақ қояды.

«Миға шабуыл» әдісі арқылы оқушылардың ойларын тыңдайды.

Мұғалімді тыңдайды.

Өз ойларын ортаға салып, сұраққа жауап береді.

Интерактивті тақта, слайд-презентация

Жаңа сабақ

Салауатты өмір салты – бұл адамның күнделікті өмірде денсаулығын нығайтуға бағытталған әдеттері мен іс-әрекеттері. Ол дұрыс тамақтану, физикалық белсенділік, зиянды әдеттерден аулақ болу және психологиялық тұрақтылықты сақтауды қамтиды.

Ақпаратты тыңдайды

Интерактивті тақта, слайд-презентация

Сабақтың ортасы

Оқушыларды 3 топқа бөледі. Әр топқа тапсырма береді:

1-топ: «Дұрыс тамақтану»

2-топ: «Дене белсенділігі»

3-топ: «Зиянды әдеттердің алдын алу»

Әр топқа постер немесе шағын презентация дайындауға уақыт береді.

Әр топтың жұмысын тыңдап, қосымша мәлімет береді.

Топтарға бөлініп, өз тақырыптары бойынша жұмыс жасайды. Ақпарат жинап, талқылайды.

Постер немесе презентация дайындап, қорғайды.

Маркерлер, А3 қағазы, бейнематериал

дар, үлестірме қағаздар

ЖЖЕ №8 тақырыбы: «Бір жерлері шығып кеткендерге алғашқы медициналық көмек көрсету. Күйген кездегі алғашқы медициналық көмек көрсету»

ЖЖЕ мақсаты: Оқушыларға буын шығу және күйік алған жағдайда алғашқы медициналық көмек көрсетудің негізгі қағидаларын түсіндіру;

Төтенше жағдайларда дұрыс әрекет ету дағдыларын қалыптастыру;

Өзін-өзі және өзгелерді қорғау жауапкершілігін арттыру

Кез келген жарақат алған жағдайда, дер кезінде көрсетілген алғашқы медициналық көмек ауыр асқынулардың алдын алады. Буын шығу – сүйек буындарының орнынан жылжып кетуі, ол қатты ауырсыну мен ісінуге әкеледі. Күйік алу – терінің және жұмсақ тіндердің жоғары температура, химиялық заттар немесе электр тогы әсерінен зақымдануы. Дұрыс көрсетілген алғашқы көмек – зардап шеккен адамның жағдайын жеңілдетіп, тезірек сауығуына көмектеседі.

Тақырыбы мен мақсатын таныса отырып, ЖЖЕ тақырыбына сай ақпараттармен танысады

Бинт, таңғыш, медициналық макеттер, бейнематериал

дар

Қауіпсіз

дік сабағы

(10 минут)

Қауіпсіздік – әр адамның негізгі құқығы. Өмірде кейбір жағымсыз немесе қауіпті жағдайлар болуы мүмкін, сондықтан оларды ата-анамен немесе сенімді ересектермен талқылау өте маңызды. Ашық әңгімелесу – көмектің бірінші қадамы. Егер бала өз уайымдарын айтып, дұрыс кеңес ала алса, ол өзін сенімді және қорғалған сезінеді.

– Қауіпті жағдайларды қалай анықтауға болады? – Кімдер сенімді ересектер болып саналады? – Қауіпсіздік мәселелерін қалай дұрыс талқылау керек?

«Егер сен...» ситуациялық тапсырмаларын ұсынады. (Мысалы, «Егер сені біреу мазаласа, сен не істер едің?»)

Оқушылардың жауаптарын талқылап, қорытындылайды.

Оқушыларға ата-анамен немесе сенімді ересектермен ашық сөйлесу үшін пайдалы кеңестер береді.

Мұғалімнің ақпаратын тыңдайды.

Сұрақтарға жауап береді, өз ойларын ортаға салады

Ситуациялық тапсырмаларға жауап береді.

Қауіпсіздік туралы жеке қорытындыларын жасайды.

Интерактивті тақта, слайд-презентация

Кері байланыс парақтары, инфографика (қосымша)

Сабақтың соңы

«Салауатты өмір – өз қолыңда» атты шағын талқылау ұйымдастырады.

Әр оқушыға «Менің салауатты өмірге қосар үлесім» деген сұрақ қойып, жауаптарын тыңдайды.

Сабақты қорытындылап, оқушылардың белсенділігіне баға береді.

Сұраққа жауап беріп, өз ойларын білдіреді.

Сабақтан алған әсерлерімен бөліседі.

Кері байланыс парақтары, бейнеролик (қосымша)