Қазақстан Республикасының Білім және ғылым министрлігі

«М.О. Әуезов атындағы педагогикалық колледжі» ҚМҚК

«Бекітемін»___________

Колледжс әдіскері: Кабимолдина А.К.

«Келісемін» ___________

Сынып жетекшісі: Батырханова.Г.А

ТӘРБИЕ САҒАТЫНЫҢ ЖОСПАР

Тақырыбы: «Өнерлі бала-өрге жүзер»

Өтетін орыны: №3 «ЖОББМК» КММ

Сынып: 3 «А»

Мерзімі: 11.05.2020

Тобы: 201

Машықкер: Қарифолла Аңсар

Баға: «___»__________________

Баға: «___»__________________

Семей 2020 жыл

Тәрбие сағатының мақсаты: «Өнер» ұғымының құндылық ретіндегі мәнін ашу. Өнердің адам өміріндегі маңыздылығын түсіндіру. Оқушылардың өнерге қызығушылықтарын, сүйіспеншіліктерін арттыру.

Тәрбие сағатының міндеттер: Өнердің қандай пайдасы бар екенін түсіндіру; өнер туралы ой өрістерін дамыту; өнерге деген қызығушылықтарын арттыру; өнерлі болуға ақыл ойын дамыту.

Білімділік: Сүйіспеншілік, қызығушылық ;

Тәрбиелік: өнерді қастерлеуге , әсемдікке тәрбиелеу;

Дамытушылық: баланы өнерге баулу, Ақыл-ойын дамыту;
Түрі, формасы: ұжымдық .

Әдіс - тәсілдері: Түсіндіру, сұрақ-жауап, әңгімелесу.

Тәрбие түрі /бағыты/: Ақыл-ой тәрбие.

Көрнекілік: суреттер.

Техникалық құралдар: компьютер , телефон.

Жабдықталуы: ақ бет, маркер, қолөнер бұйымдар .

ТӘРБИЕ САҒАТЫНЫҢ ҚҰРЫЛЫМЫ:

1. Ұйымдастыру кезеңі 2 минут

-«тазалыққа көңіл бөл » жаттығуы 3 минут

2. Техникалық қауіпсіздік ережесі 5 минут

3. Ақпарат беру 4 минут

4. «кім жылдам» ойыны 3 минут

5. Видео материал 5 минут

6. Сиқырлы сөздер 3 минут

7. Мақал- мәтел жалғастыру 5 минут

8. өнер көрсету 5 минут

9. өлеңді жалғастыр 5 минут

10. Рефлексия 3 минут

11. Қорытынды 2 минут

ТӘРБИЕ САҒАТЫНЫҢ БАРЫСЫ:

1.Ұйымдастыру кезеңі:

а) Сәлемдесу;

ә)Түгелдеу;

б)Көңіл-күйлерін сұрау;

в)Зейінін сабаққа аудару;

«Тазалыққа көңіл бөл» - жаттығуы:

Оқушылар біз сабақты бастамас бұрын, қолымызды тазалап жуайық және тамақ ішер алдында қолымызды сабындап жуып отырайық, жеміс-жидек жеген кезде

тазалыққа барынша мән берейік .

https://youtu.be/xtMTBJbEdQU

2.Техникалық қауіпсіздік ережесі:

- қолды тазалап жуу.

- жеке тазалықты сақтау.

- тамақ ішер немесе жеміс жер алдында тазалыққа мән беру.

- сыртқа шықпау егер шығу керек болса маска, қолғап киіп шығу.

- ойыншықтарды немесе керекті жабдықтарды таза ұстау.

- экран алдында ұзақ отырғанда көз жаттығуын жасау.

- ішкі және сыртқы тазалыққа мән беру.

- тісті тазалап екі немесе үш уақыт жуып тұру.

- тәңертең тұрған соң дене қимыл жаттығуын жасау.

- тұмауратып ауырып қалудан сақтану.

- отқа және суға ата-анасының рұқсатымен жасау.

- сыртқа шыққанда басқа балаларға жақындамау және маска тағып шығу.

- қол ұстасып амандаспау және құшақтаспа.

- үйдегі тоқ көздеріне өз еркімен жоламау.

- терезе алдына бармау, сынық заттардан барынша абай болу.

- ұйықтар алдында терезені ашпау.

- күндіз үйдің ауасын тазартып тұру.

- уақытылы тамақтану.

3.Ақпарат беру:

Өнер — көркем образдар жүйесі арқылы адамның дүниетанымын, ішкі сезімін, жан дүниесіндегі құбылыстарды бейнелейтін қоғамдық сана мен адам танымының формасы.

Өнер өмірде болған оқиғаларды қаз-қалпында алмай, өзгертіп, түрлендіріп, көркем образдарды типтендіру арқылы сомдайтын эстетикалық құбылыс. Оны қоғамдық сананың өзге формаларынан даралайтын белгісі де адамның шындыққа деген эстетикалық қатынасы болып табылады. Өнердің мақсаты – дүниені, адам өмірін, қоршаған ортаны көркемдік-эстетикалық тұрғыдан игеру. Көркем шығарманың бел ортасында нақты бір тарихи жағдайда алынған жеке адам тағдыры, адамдардың қоғамдық қатынастары мен қызметтері тұрады. Олар суреткер қиялы арқылы өңделіп, көркем образдар түрінде беріледі. Шығарманың суреттеу тәсілі, құрылымдық келбеті, көркем бейне жасаудың материялдық арқауы өнер түрлерінің ерекшеліктерін айқындайды. Осыған сай өнердің:

• көркем әдебиет,

• музыка,

• мүсін,

• кескіндеме,

• театр,

• кино,

• би,

• сәулет өнері, т.б. түрлері бар.

Өнердің қызметін, қоғамдық сананың, адам танымының айрықша формасы ретіндегі ерекшелігін айқындайтын белгілі бір анықтама беру немесе оның адам өміріндегі маңызы мен мәнін анықтау жайлы тартыстар бүкіл мәдениет тарихында тоқталған жоқ. Өнер жайлы: “табиғатқа еліктеу”, “Құдайды тану”, “шындықты бейнелеу”, “сезім тілі”, т.б. анықтамалар берілді. Көптеген теорияшылар өнердің күрделілігі мен санқырлылығына сай оның мән-маңызын тек танымдық немесе идеялдық, яки эстетикалық деп біржақты қарастырушылар да болды. Осындай көзқарастарға қанағаттанбай өнертанушылар өнердің бойында таным да, шындықты көре білу де, жасампаздық та, көркем бейне де, рәміз сияқты көптеген мәселелер келісті үйлесімде, тығыз қарым-қатынаста деген тоқтамға келді. Өнер жеке тұлғаның жан-жақты дамып жетілуіне, оның эмоционалды күйіне, интеллектуалды өсуіне ықпал етіп, адамзаттың қордаланған сан ғасырлық мәдени тәжірибесінен, даналығынан сусындауға мүмкіндік береді. Өнер туындысы адам сезіміне қозғау салумен бірге, баяндалған оқиғаны басынан өткізгендей тебіреніске, кейіпкердің қуанышына сүйінген, қайғысына күйінген толғанысқа әкеледі, эстетикалық ләззәтқа бөлейді. Ол ерекше көркем образды рәміздер жүйесі арқылы, айрықша көркем тіл ретінде көрініп, адамдардың санасына жол табады. Адамның көркем шығармашылдық әрекеті сан алуан қалыпта дамып, ол өнердің түрлері, тектері, жанрлары ретінде таратылады.

«Өнер» терминін екі мағынада анықтауға болады. Кең мағынасында өнер адам баласының жасампаздығын білдіреді де, "ендіру", "жасау", "құру" деген негізден өрбиді. Мысалы, көне гректердің өнерді білдіретін ұғымы "poiesis" — адам қолынан шыққан, өндірілген заттар әлемі ретінде табиғи әлем — "physiske" қарама-қарсы қойылған. Tap мағынасында "өнер" деп көркем шығармашылық үдерісін және оның нәтижелерін (бейнелеу, поэзия, әуен, би және т.б.) айтуға болады.

4. «кім жылдам» ойынын ойнайық:

Шарты: әр бала өз отбасымен бірге қолөнер жасайды және ,ол қолөнердің неге пайдасы бар екенін түсіндіреді.

Тек уақыт шектемесі арқылы.

Үлгі етіп көрсететін болсам мына видео роликтан көре аласыздар.

Өнерлі қыз: https://youtu.be/Y82igZfvd6g

5.Бейнеролик:

«өнерлі өрге жүзер» деген бейне ролик көрсетіледі. Оқушылармен ой бөлісіп, талқыға салмыз.

Сұрақтар:

1. балалар видео роликтан не байқап тұрсыздар?

2. Өнер туралы ойларыңызды айта кетіңіздер?

3. Өнер адамға не үшін керек екенін түсіндіріңіз?

4. Адамға жетпіс өнердің өзі кем деп не үшін айтады?

5. Өнерлі өрге жүзер дегенді қалай түсінесіздер?

https://youtu.be/uNzC_fMfiOs

6. Сиқырлы сөздер:

Оқушылар мына өлеңнің ішіндегі сиқырлы сөздерді тауып, көрсетіңдер.

Өнер

Жігіттер өнер үйрен заманында,
Теңшілдік түгелімен өз қолында.
Түрлендір шаруаңды, түс жарысқа,
Талабың алға басып тұрғаныңда.

Қарсы тұр жан аямай тап жауына,
Алданба залымдардың арбауына,
Танысып күнделікпен, өнер үйрен,
Тез тырыс ұлы еңбектен қалмауыңа.

7. Мақал- мәтелді жалғастыру:

Ата өнері -< >мұра. (Балаға )

Өнерліге -< > ашық.( Есік )

Киім пішсең кең піш,( Тарылтуың оңай.)

Темір кессең қысқа кес,( Ұзартуың оңай.)

Жігіт адамға жетпіс-< > де аз , (өнер )

Жақсы жер — жан тынысы. -< >(Жақсы өнер — жігіт ырысы.)

Жұмыс қылып бой түзе. -< >(Өнер қуып ой түзе.)

8. өнер көрсету:

Оқушылар сіздер мына суреттерге қарап қолөнер жасап үйренесіздер:

Қыздар: гүл жасайсыздар тек уақытпен.

Ұлдар : қайық жасайсыздар тек уақытпен.

9. Өлеңді жалғастыр:

Өнер

Жігіттер өнер үйрен заманында,
Теңшілдік түгелімен өз қолында.
Түрлендір шаруаңды, түс жарысқа,
Талабың алға басып тұрғаныңда.

--------------------------------------

--------------------------------------

10.рефлексия :

Кері байланыс ойды аяқта:

Оқушылар сабақ аяқталды енді кері байланысқа шығамыз, не білдіңіздер, не білгілеріңіз келеді, қандай қиындық туындады………ойларыңызды жазыңыздар.

11.Қорытынды:

Оқушылар енді сабағымызды қортындылайық : Әрбір адамның жүрек түкпірінде бір сиқыр бар секілді. Бұл ғажайып сырға толы сандықта неше түрлі армандар, мақсаттар бар десеңші! Ал бұл сандықтың ең түбінде немесе кейде жарық жұлдыздай алға шоқ етіп шығатын бір нәрсе бар. Бұл не деп ойлайсыздар?

Бұл тамаша нәрсенің аты- өнер. Өнер – әр адамның бойындағы белгілі бір құдірет күші секілді. Кейде өмірден түңілген кездерде немесе көңіл-күй түсіңкі болған жағдайларда, қолыңа гитара алып, бір шерткеннің өзі, сол басыңнан өткен көптеген ауыр кезеңдерді титтей болса да ұмытуға мүмкіндік береді. Ал оның өзі қандай керемет дүние. Адамның бойындағы дарын, талант деген осы ғой, шіркін.... Бірақ өнер ол теке қана белгілі бір аспапты игере білу дегенге шектеліп қалмау керек, өнер – жан- жақты болады. Адамгершілік қасиетті сақтап жүру, адамдармен жақсы қарым-қатынаста болудың өзі, тіпті ауыр хабарды біле тұра, өзге жанға жеткізудің өзі – өнер. Сондықтан да өнер – менің өмірімнің үлкен бір бөлігі деп білемін. Өнерлі адам- өрге жүзеді, - демекші, өнердің құдіреттері арқылы әрқашанда биік шыңдарды бағындыратынымызға еш күмән жоқ екенін ұмытпаңыздар!

Көрнекіліктер :

Қыздар:

Ұлдар: