Оқырман қаламынан... (Ғабит Мүсіреповтің "Ұлпан" романын оқығаннан кейін)

Оқырман қаламынан...

Қазақ ұлттық әдебиетінің «Алтын қорынан» өзіндік ерекше орын алатынбелгілі шығармалардың бірі – жазушы Ғабит Мүсіреповтың «Ұлпан» романы. Мен үшін ең керемет шығармалардың бірі екені сөзсіз. Өзім оқыған қазақ әдебиеті прозаларының ішінен бірден-бір ұнаған шығарма осы. Романды оқып отырғанда да өзімді он тоғызыншы ғасырда жүргендей сезіндім. Бұл шығармада тек Ұлпан туралы жазылмаған. Автор бұл шығармада бірнеше тақырыпты қозғаған. Өзінің ойын анық жеткізе білген. Ғасыр бойындағы қазақи тіршілік, оның тұрмысы, салт-дәстүрі, өзіне тәнәдет-ғұрпы тамаша бейнеленген.

Шығарманың басты кейіпкері Ұлпан. «Ұлпан» деп айтқанда сіздердің көздеріңізге қандай адам елестейді? Ұлпан – егде жастағы әйел емес, жас қыз болған. Басқа қыздарға ұқсамайтын өзіндік өзіне ғана тән қасиеті бар ерекше қыз. Автор бүкіл қазақ қызына тән қасиеттердің бәрін бір ғана Ұлпанның бойына жинап берген. Есеней Ұлпанның сұлулығына емес, байсалды, биязы мінезіне ғашық болады. Жас алшақтығына қарамай екеуі бірін-бірі жақсы көреді. Ұлпан Есенейдің тірі кезінде-ақ онымен бірге ел басқару ісіне қатысқан. Ұлпанның мейірімділігініңарқасында, халықтың әлауқаты жақсарған. Есеней шешім қабылдар алдында әрдайым Ұлпанмен кеңесіп отырған. Халық оны «Есенейдің Есенейі» деп атап кеткен. Ұлпан – аяулы ана, мейірімді әйел, адал жар, халықтың қамқоршысы. Ұлпан – қазақ қыздарына үлгі болатын бірден-бір белгілі тұлға. Ол өмірден озғанымен, оның есімі халықтың жадында «Ел анасы» деп мәңгі қалады. Қазақ тарихында есімі қалған ерекше тұлға. Кез-келген қазақ баласы осы шығарманы оқуы тиіс деп ойлаймын. Ғабит Мүсіреповтың «Ұлпан» романы әр қазаққа оқуға тұрарлық шығарма.

Орындаған: Алматы облысы, Іле ауданы, Ынтымақ ауылы, №46 орта мектебінің 9 «Ә» сынып оқушысы Болат Аяжан Нұргелдіқызы