Абылай Әлімбетов атындағы жалпы білім беретін мектебі

Дефектолог маман

Нурахова Ақмарал Мухамедқызы

Эссе

Oқyшылapдың шығapмaшылық қaбiлeттepiн дaмытy

  Шығармашылық – адамның ең басты қабілеттерінің бірі. Қазіргі заманда білім беру жүйесінің негізгі мақсаты – тек білімді азамат тәрбиелеу ғана емес, сонымен қатар, шығармашылық қабілеті дамыған, өз ойын еркін жеткізе алатын тұлға қалыптастыру. Бұл үдерісте мектеп маңызды рөл атқарады. Әсіресе, оқушылардың ой-өрісін дамытатын жаттығулар балалардың шығармашылық ойлауын дамытуға зор мүмкіндік береді.

Шығармашылық қабілетті дамыту мектеп қабырғасынан басталады. Сабақ барысында оқушылардың өз бетімен ойлауына, идеяларын жүзеге асыруына жағдай жасау өте маңызды. Бұл процесс оқушының тек зияткерлік дамуын ғана емес, сондай-ақ, оның эмоционалдық және әлеуметтік қабілеттерін де қалыптастырады.
Білім беру жүйесіндегі жаңашылдық оқушылардың шығармашылық қабілеттерді дамытуда ерекше орын алады. Бұл жүйе арқылы оқушылар өз қиялын іске асырып, өнер әлемімен танысады. Мысалы, қолөнер, сурет салу, мүсін жасау, қимыл-қозғалыстарды дамытатын түрлі жаттығулар практикалық тапсырмалар арқылы балалардың өнерге қызығушылығы артады. Олар жұмыс барысында тек дағдыларды меңгеріп қана қоймай, өз идеяларын жаңа, ерекше түрде жүзеге асырады.

Сонымен қатар, шығармашылық қабілеттерді дамыту үшін заманауи әдістерді қолдану өте маңызды. Жобалық әдіс оқушылардың топтық жұмыс істеу дағдыларын дамытып, шығармашылық тұрғыдан бірлесіп жұмыс істеуге үйретеді. Шеберлік сабақтары, арт-терапия және басқа да интерактивті әдістер оқушылардың шығармашылық әлеуетін арттыруға ықпал етеді.
Шығармашылық қабілеттерін дамытқан оқушы тек мектеп қабырғасында ғана емес, болашақта да үлкен жетістіктерге жете алады. Шығармашылық – бұл адамды шыңдайтын және дамытатын ерекше қасиет. Сондықтан мектепте осы қабілеттерді дамытуға ерекше көңіл бөлу қажет. Бұл тек жеке тұлғаның емес, бүкіл қоғамның алға жылжуына ықпал етеді.

В. Крутецский өзінің математикалық қабілеттіліктің құрылымын зерттеген еңбегінде: «Егер қабілеттіліктер деген ұғымды жеке психикалық қасиеттер деп түсінсек, онда дарындылық дегенді адамның ерекше қабілетінің жиынтығының бірлігі деуге болады»,— деп тұжырымдайды. Дарындылық ұғымымен қатар шығармашылық, талант, данышпандық ұғымдары да жарысы қолданылады. Шығармашылық — өзінің жаңашылдығымен, өзгешелігімен ерекшеленуге мүмкіндік жасайтын, жеке тұлға бойындағы қабілеттіліктің, білім мен біліктіліктің ұштасуы.

(274 сөз)