Оқыту мен оқу сапасын арттыруда критериалды бағалаудың рөлі

Тақырыбы:

Оқыту мен оқу сапасын арттыруда критериалды бағалаудың рөлі

Сілтеме:

МАН, интернет ресурстары.

Мақсаты:

Критериалды бағалаудың маңызын білу;

бағалау критерийі мен дескриптор жасауды үйрену

Күтілетін нәтиже:

Критериалды бағалауды, критерий мен дескриптор жасауды біледі.

Түйінді идеялар

Бағалау түрлері , табыс критерийлері және дескрипторлар.

Жағымды психологиялық ахуал туғызу

1. Мұғалімдермен амандасу:

Сәлеметсіздер ме, құрметті әріптестер! Бүгінгі « Оқыту мен оқу сапасын арттыруда критериалды бағалаудың рөлі » тақырыбындағы коучингімізге қош келдіңіздер! Өзара әріптестік үдерісіміз сәтті болсын дей отырып, сіздерге шығармашылық табыс тілеймін.

2.«Мадақтау» тренингі арқылы мұғалімдер көңілін көтеру

Тапсырмалар түрлері:

Түрткі сұрақтар

1. Коучингке қандай мақсатпен келдіңіздер?

2. Бағалаудың қандай түрлерін қолданасыз?

3. Оқушыны қай кезде бағалайсыз?

4. Нені үйренгіңіз келеді?

Тапсырма №1

Тапсырма №2

1. Ж. Молдағалиевтың «Мен қазақпын» поэмасынан үзінді беру.

Мақсаты: Поэмадан үзіндіні мәнерлеп оқу және жатқа айту.

Мұғалімдер бағалау критерийі мен дескрипторын жасайды.

Бағалау критерийі

1. Ж. Молдағалиевтың «Мен қазақпын» поэмасынан үзіндіні мәнерлеп оқу және жатқа айту.

Мен – қазақпын мың өліп, мың тірілген.
Жөргегімде таныстым мұң тілімен
Жылағанда жүрегім, күн тұтылып,
Қуанғанда күлкімнен түн түрілген.

Мен – қазақпын, ажалсыз анамын мен,
Құрсағыма сыйдырам даланы мен.
Пәк сәбимін бесікте уілдеген,
Дәуірлермен құрдаспын, данамын мен.

Мен – қара көз сұлумын, сайтан қызбын
Сайрай қалсам, тілімнен бал тамғыздым.
Сүйер болсам, өмірдей өле сүйдім,
Қас батырмен қайрасқам балтам жүзін.

Мен – қазақпын, биікпін, байтақ елмін
Қайта тудым, өмірге қайта келдім.
Мен мың да бір тірілдім мәңгі өлмеске
Айта бергім келеді, айта бергім

Бағалау

Бірін-бірі критериалды бағалайды.

• Сізді қалай бағалады?

• Алған бағаңызбен келісесіз бе?

Сынамалау сұрақтар

1. Бағалау критерийін жасауда қандай кедергіге кездестің?

2. Оқу сапасын арттыруда критериалды бағалаудың маңызы бар ма?

Теориялық бөлім

Бағалау критерий және дескриптор туралы түсінік беру.

(слайдтар тізбегі арқылы )

Кері байланыс

«Білім кемесіне» стикерлерді кемеге жапсыруды тапсырады.

Жасыл кеме- «Барлығын түсіндім»

Сары кеме- «Енді түсініп келемін»

Қызыл кеме- «Түсінбедім»

Мұғалімдер стикерлерге аттарын жазып, кемеге жапсырады.