Білім беру саласы: Денсаулық
Ұйымдастырылған оқу қызметі: Дене шынықтыру.
Тақырыбы: Ормандағы жаттығу.
Мақсаты: Балаларға доға астынан еңбектеп өту, орнынан ұзындыққа секіруді үйрету. Балалардың денсаулығын нығайтуға арналған жаттығу элементерін қолдану арқылы балалардың бойын түзеп жүруін, икемділігін ой-өрісін дамыту. Балаларды ептілікке, ұқыптылыққа тәрбиелеу.
Кіріспе бөлім:
Балалар маршпен залға кіреді.Қатарға тұрады.
Нұсқаушы:-Сәлеметсіңдер ме балалар?

Балалар:Сәлеметсізбе?

Нұсқаушы:-Балалалар біз бүгін сендермен бірге, орманға саяхатқа барамыз. Дайынсыңдар ма?

Балалар:Дайынбыз.
-Олай болса алдымен орман ережесімен таныстырайын:
Орманды жалғыз аралауға болмайды,
Ол үшін бір – бірлеріңнен қалмауларың қажет.
Жарайды естеріңе сақтадыңдар ма? Ендеше сапқа тұрамыз! Алға адымда!
Біз бір – бірінің артынан жүреміз
Орман ішімен жүреміз
Күнге қол созамыз
Аяқ ұшына тұрамыз (аяқ ұшымен жүру)
Енді өкшемен жүреміз
Қаздар ұқсап жүреміз (аяқтың ішімен жүру)
Аюға ұқсап маймаңдаймыз (аяқтың сыртымен жүру)
Аяқты көтеріп жүреміз (зат аттап жүру)
Жолда мұқият боламыз!
Жүгіреміз, жәй жүреміз
Негізгі бөлім: Осы жерде біраз отырайық, орманды біз бірге бақылаймыз. Жаттығу жасауға ыңғайлы жерді тауып алайық.
Осы кезде алдымыздан қоян кездеседі. Қоян бізге хат берді.Хатты кім беріп жібергенін қарайын.Бұл хатты бізге Мыстан кемпір беріп жіберіпті. Ендеше хатты ашып оқиын. Бізге қандай тапсырмалар берген екен. Менің бүгін туған күнім. Мен сендерді қонаққа шақырғым келеді, бірақ менің үйшігім құлап қалды. Мен оны жинай алмаймын, көмекшілерім жоқ, не істерімді білмеймін, мүмкін сендер көмектесерсіңдер? Балалар мыстан кемпірге көмектесейік пе бірге.

Балалар- Иә көмектесейік.

Алдымен балалар біздер жалпы дамыту жаттығуларын осы орманда, таза ауада орындайық. Жаттығуларымызды орындап болған соң, Мыстан кемпірдің тапсырмасын орындаймыз. Ендеше жаттығуды бастайық.

1.Басқа арналған жаттығу

Басымызды оңға,солға,алға,артқа қозғаймыз. (4 рет)

2.Иыққа арналған жаттығу

Қолымызды иыққа қойып, алға,артқа айналдыру. (4рет)

3.Белге арналған жаттығу.

Қолымызды белге қойып,оңға,солға иілеміз. (4 рет)

4. Қолға арналған жаттығу.

Қолымызды жанымызға созып, алға, артқа айналдыру. (4рет)

5. Аяққа арналған жаттығу.

Қолымызды белге қойып, аяқтың ұшымен тұрамыз. (4рет)

Әрі қарай негізгі қимыл қозғалыс ойын арқылы мыстан кемпірге көмектесейік.
1. Доға астынан еңбектеп өту.
2. Орнынан ұзындыққа секіру.
- Алақай, Біз Мыстанның үйшігін таптық. Осы жерден тоқтайық.
- Біздің үйшігімізге бір нәрсе жетіспейтін секілді?
- Балалар бізге айналамызды көру үшін не керек? (көз)
-Дұрыс айтасыңдар. Мына үйшікте не жетіспейді? Балалар біз үйшікті сиқырлап орнына келтіру үшін көзімізбен сиқырлаймыз, үйшігімізді орнына келтірейік.
Көзге арналған жаттығу.
Жоғары, төмен, солға, оңға айналдырамыз, ашып – жұмамыз.

Енді көзді жұмамыз, олар бізге сиқырласын. Санаймыз 1, 2, 3, 4, 5... көзімізді ашамыз.
Балалар көзін жұмып отырғанда, Мыстан кемпір келеді.
Мыстан кемпір:
- Ой балалар жарайсындар, менің үйшігімді жөндеп, орнына келтіріпсіңдер. Мені қуанттыңдар. Сол үшін сендерді орманда қалдырамын, маған осындай көмекшілер қажет.
- Сендер себетке не жинадыңдар? Ой, менің сүйікті саңырауқұлақтарым ба? Не деген саңырауқұлақтар. Мен будан көп дәрілер жасап бере аламын.
-Балалар сендермен ойын ойнағым келеді, олай болса, шеңбер болып тұрайық.

Қимылды ойын: «Орамал тастамақ»
Ойын шарты: Балалар шеңбер болып еденде отырады. Нұсқаушы балаларға қолындағы орамалды көрсетіп, сосын көздерін жұмып отыратынын айтып,содан кейін орамалды бір баланың артына жаймен қоятынын айтады. Балалар енді көздеріңді жаймен ашасыңдар, орамал кімнің артына жасырылды. Балалар жан-жағына қарайды, табады. Әрі қарай ойын осылай жалғасады.
Мыстан кемпір:
-Ой балалар мен шаршап қалдым, белімді ауырды. Ой сендермен әбден шаршатып жібердіңдер, жарайды, сендерді орманда қалдырмаймын. Қазір сиқырлап сендерді өз балабақшаларыңа алып барамын. Бірақ алдымен жатып, дем алып алайын, ал сендер неге тұрсыңдар? Қане менімен бірге жатыңдар! Жұлдыздарға қарайық, армандайық.

Тыныс алу жаттығуы
Қане жұлдыздарға жақындайық, әуе шар болайық. Шар ол сендердің іштерің болады. Қолдарыңды іштеріңе қойындар, сендердің шарларың дұрыс үрленіп жатқанын білу үшін, демді ішке тартып шар үрлейміз, демді шығарамыз, желін шығарамыз. Міне біз өзіміздің балабақшаға да келдік . Мыстанға көп рахмет, ол бізге ертерек келуімізге көмектесті. Сендерге саяхат ұнады ма? Біздер саяхатта қандай жаңа жаттығу жасадық? Қандай кедергілерден өттік? Ой балалар мына себетте не бар екенін көрейікші, ой бұл Мыстаның бізге берген сиқырлы сыйлықтары? Тез топқа барып сыйлықтарды бөлісіңдер.Балалар қане сапқа тұрамыз! Сау болыңыздар.

Бекітемін

МОББТАбББ

«Ақбота» бөбекжайының жедел

басқару құқығындағы МКҚК

әдіскері____________

Р.К.Басжанова

Ашық оқу қызметі

(қашықтықтан)

Тақырыбы: «Ормандағы жаттығу»

Дене шынықтыру нұсқаушысы

А.Е.Ермекбаева

2021 жыл