Өткізу күні:

Тобы: Кіші жас «Дарын»

Дағдыдылар: «Таным және зияткерлік дағдылары»  «Шығармашылық дағдыларын зерттеу, іс-әрекетінің дамуы» 

Ұйымдастырылған қызмет: Сенсорика, сурет салу
Тақырыбы: «Орманға саяхат».

Мақсаттары: Балалардың танымдық және сөйлеуді дамыту туралы білімдерін кеңейту
1.Оқыту : Үлкен және кіші заттарды ажырату, олардың көлемін атау
2.Дамытушылық: Қолдың қимыл қозғалысын, ойлау қабілеттерін дамыту
 3.Тәрбиелік:қамқорлыққа тәрбиелеу
Педагогикалық технологиялар: ойын түрінде
Көрнекі құралдар/материалы: Жұмсақ Қоян, Аю, сәбіз, геометриялық пішіндер, гуашь, сулы майлықтар
Билингвалдық компонент: Қоян-заяц, Аю-медведь, сәбіз-морковь

1.Ұйымдастырушылық  кезеңі/Организационный момент:

Тәрбиеші: Сәлеметсіңдер ме! Балалар

Балалар: Сәлеметсіз бе!

Балалар біз ояндық! Енді денемізді оятып алайық.

Қане, көзім сен тұр, ояна ғой. Балалар көздерін сыйпайды.

Бастарын сыйпайды.

Қолым сен тұр, ояна ғой деп қолдарын сыйпайды.

Құлағын сыйпайды.

Аяқтарын сыйпайды. Балалар бәріміз денемізді оятып алдық.

2. Негізгі бөлімі:

Енді мына шарды үрлеп шардың, жібінен ұстап орманға саяхатқа барамыз.

Балалар, қараңдаршы қоянға анасы тапсырма беріпті.

Сәбіздерді екі себетке бөліп салу керек екен. Үлкен және кіші сәбіздерді екі себетке бөліп салады. Түсін және пішінін айтады тәрбиеші. Балалар қоянға біз сенімен ойын ойнағымыз келіп тұр дейді. «Қояндар» биі.

Қоян болып секіреді.

Қоян: Рақмет! Сау болыңдар балалар!

Балалар енді біз аюға барайық. Паравоз болып жүріп, аюдың үйіне барады. Аю ұйықтап жатады. Аюды оятады.

Аю, аю тұршы,

Бетіңді жушы,

Шашыңды тарашы,

Айнаға қарашы.

Аю айтады, балалар маған сендердің көмектерің керек деп.

Мен үйімді құлатып алдым, құрастырып бересіңдер ме деп сұрайды.

Балалар иә деп келіседі.

Балалар геометриялық пішіндерден аюдың үйін құрастырады.

Балалар аюмен қоштасып топқа қайтады.

Дидактикалық ойын

«Ұқсас затты тап!» ойыны.

Ойынның тәрбиелік мәні. Үшбұрыш, төртбұрыш, дөңгелекке ұқсас заттарды тауып, атын атай білуге үйрету. Баланың түстерді, пішінді ажыратудағы ой-қиялын дамыту. Ойынға басшылық. Тәрбиеші үш түрлі - ▲●■ пішіндерді көрсетіп, аттарын сұрайды. Оларды атаған соң, түстерін сұрайды. Бұдан кейін балаларға тапсырма береді. Тәрбиеші: - таратып берілген суреттерге қарандар, мен үшбұрышты көрсетем, соған ұқсас сурет тауып көрсетіндер (төртбұрышты көрсетеді, дөңгелекті көрсетеді). Балалар өздеріндегі ұқсас затты көрсеткенде, олардан не екенің, түр-түсін сипаттап айтуды талап етеді.

3 Рефлексия-Қорытынды:

Балалар бүгінгі орманға саяхатымыз ұнады ма?

Біз орманда кімдерге көмек көрсеттік?

Біз қандай пішіндерді білдік

Балаларды мадақтау