№1 «Еркетай» Алға бөбекжай балабақшасы

(«Балдырған» ересек тобы)

Өткізген: Ж.С.Есеналина

М.Ә.Доскулова

2015 жыл

Шаттық шеңбері:

Армысың, алтын күн!

Армысың,жер ана!

Армысың,туған жер !

Армысың, досым!

Тәрбиеші: Балалар бүгін біз төтенше жағдайларда не істеуіміз керек, қалай сақтануымыз керек екенін біліп,ережелерімен танысамыз, әңгімелейміз.

-Қауіпсіздік тудыратын жағдайларды, біздер төтенше жағдайлар дейміз.

Телефон шырылдайды:

Тәрбиеші: Алло, өрт сөндіру қызметі тыңдап тұр!

Бала: (Айым) Алло, сәлеметсізбе,мен дүкеннен келгенде үйде екі қоян балам шырпымен ойнап , үйім өртеніп жатыр.

Тәрбиеші: Фомилияңызды, мекен жайыңызды айтыңыз.

Бала: (Айым) Бақыт Айым. Уалиханова 14-ші үй, 5 пәтер.

Тәрбиеші: Жарайды.

Тыңдаңыздар! Уалиханова көшесінде 14 үйде 5 пәтерде өрт болып жатыр.

Бір кезде Ана қоян екі баласымен келеді.

Бала: (Айым) Саламатсыздарма балалар?

Тәрбиеші: Саламатсызба! Жағдайларың қалай? Қане біздің балалармен бірге қауіпсіздік ережелерін тыңдап отырыңдар.

Тәрбиеші: Балалар өрт басталған кезде тығылуға болмайды.

Біріншіден 101 нөміріне хабарлап, қоңырау шалып,өз фамилиямызды атап, мекен жайымызды айтып өрт сөндірушілерді шақырамыз.

Екіншіден үйден немесе өрт болып жатқан жерден тез шығып, есікті жауып кетуіміз керек. Көршілерге айтып,көмек сұрау керек.

Үшіншіден жанып жатқан жерде біреу қалып қойса міндетті түрде өрт сөндірушілерге хабар беру керек.

Төртіншіден үйдің ішінде қатты өрт болса, түтін болса онда сулы шүберекті мұрынға басып,сулы шүберекті үстіге жауып есікке қарай еңбектеу керек. Ал есіктің қасында өрт болып жатса. Онда түтіні жоқ бөлмеге барып, таза ауамен демалу керек немесе балконға шығып таза ауамен демалып көмекке шақыруымыз керек.

Балалар мына ережелерді ұмытпаңдар:

1.Үйден шыққанда шамдарды, электр заттарын сөндірп шығу. (үтікті, теледидарды, ғаламторды, компютерді)

2.Сіріңкемен ойнама.

3.Газ плитасына жақындама.

4.Қолдан істелген немесе бұзылып тұрған шам тізбегін пайдаланба. Электор заттарын су қолмен ұстама.

5.Отшашудан сақ бол. (ересектің көмегімен)

6.Табиғатты оттан қорға. (түсіндіріп беру.)

7.Өрт сөндіру техникасымен таныстыру. (көлігі,сатысы,депосы)

8.Өрт сөндіретін құралдар.

Тәрбиеші: Енді біздің балалар төтенше жағдай орын алған кезде қандай номерлерге хабарласу керек екені туралы тақпақтар айтып береді.

Айым: Не күтерін білмейміз біздің алдан?
Кім құтқарар біздерді «тілсіз жаудан»?
«101»-ге қоңырау соғып көмек сұра,
Өрт сөндіруші, жүректі, батыл жаннан.

Айару: «Тілсіз жауды» әп-сәтте ауыздықтап,
Ертедегі батырына, қалады ұқсап.
«101»-дің қызметшілері жүреді ылғи
Азаматтық парызын биік ұстап! 

Фариза: Қай көше , қай қалаға барсаңыз да

Қай ақыл өлшеміне салсаңыз да

Жол жүру ережесі заңты тәртіп

Ол-ортақ! Үлкен-кіші баршамызға.

Тамерлан: Бақылап жол тәртібін,

Өткізетін әр күнін.

Реттеушіні көрдім мен.

Қиылыстан дәл бүгін.

Ала таяқ қолында,

Айтары көп оныңда.

Не істеу керек, тұрса,

Реттеуші жолыңда.

Аллан: Үйде жалғыз қалғанмын,

Есікті біреу ашпақшы,

«102» -ні тердім мен.

Шақырдым кеп сақшыны.

Бес минутта өтпеді.

Ұрыны ұстап үлгерді.

Дінислам: Сырқаттанса анаң егерде,

Уайымдама, жылама.

«103»- ті теріп үлгерсең,

Дәрігер келеді анаңа .

Бірдеңе болса қашанда,

Жедел-жәрдем қасыңда.

Ақерке: Үйді түтін шалса бірақта,

Ұйықтама, зарықпа.

Газ ашық қалса егерде,

Тез арада жабарсың.

Терезені ашарсың,

«104» -ке шалсаң қашанда.

Газ қызметін табарсың.

Мирас: Өртке өзіңнің шамаң жетпес,

Ол әрине балаға арналған іс емес.

Уақыт алмай тез арада,

«101»-ге хабарлас.

Жылдамырақ терсең егерде,

Өртенбейді барлық зат,

«101» өрт сөндіру қызметі,

Ұмытпас мұны адамзат.

Тәрбиеші: Енді балалар мен сендерге жұмбақ жасырғым келіп тұр.

Жердiң әрiн жейдi, 
Жолда кезiккеннiң, 
Аямай бәрiн жейдi. 
Бұл қандай алпауыт? 
Айта ғой, дәл тауып? (Өрт) 

Қимылы оңдырмас, 
Кiшкене қоңырбас. (Сiрiңке) 

Үй үстiнен 
Көкке өрлеп шығады, 
Әуе iшiнен, 
Iз-тұз жоқ боп тынады. (Түтiн) 

Түсi нарттай, 
Тiлiн тартпай. 
Жолға шықса, 
Қоймайды құртпай. (От) 

Дабылға тез жететін, 
Жалынға сүңгіп кететін. 
Қақалса да түтінге, 
Тайсалмайтын батыл кім, 
Жасқанбайтын батыр кім?  (Өрт сөндіруші)

Елу тентек тып-тыныш, 
Бір сарайда жатады. 
Тысқа шықса біреуі, 
Жарқ етіп от шашады.  (Сіріңке) 

Ойын: «Аңдарды оттан тез құтқар»

Шарты: Оттың ішінде қалып қойған (себетте отырған) жануарларды құтқару керек.

Тәрбиеші: Ал енді бізге келген мына екі тентек қояндарға, және де сендерге ескерту болсын қандай өрт қауіпсіздік ережелерін білесіңдер айта қойыңдар.

Тәрбиеші доп лақтыру арқылы қарытынды жасайды.

Осымен балалар төтенше жағдайларға байланысты тәрбие сағатымыз аяқталды, рахмет. Сау болыңыздар, сақ болыңыздар.