Орыс сыныптарында қазақ тілі сабағындағы топтық жұмыстың тиімділігі.

Орыс сыныптарында қазақ тілі сабағындағы

топтық жұмыстың тиімділігі.

Оқытудың қандай жолын қолданылса да, «оқытудың тиімділігі» ұғымына қатысты қарастырылатын екі көзқарасты басты назарда ұстау: біріншісі, оқушының жеке тұлға және әлеуметтік нысан ретіндегі келешегі, екіншіден, оқытудың оқушы мен мұғалім арасындағы қарым қатынас нәтижесі ретінде қарастыруы керек екенін естен шығармау қажеттілігін негізге ұстай отырып иұғалімдердің бойынан: [Мұғалімге арналған нұсқаулық 11- бет]

Біріншіден, Құзырлы мұғалімге тән белгілерден «Кәсиби түсінігі» мол;

Екіншіден, Оқытудың тәжірибелік дағдыларын меңгерген;

Үшіншіден, Кәсіби адамгершілік тұтастығы қалыптасқан мұғалім сапалы оқыту білім алуға мүмкіндік беретін нақты жағдайларды жасай алумен қатар, оқушыларға, ортаға және ресурстарға лайықтап нақты кезеңде қолдануға тиімді оқыту элементтерін реттеп отыруы керек.

Төртіншіден, міндетті түрде орта білім беру туралы стандартты оқулықтарды пайдалануы керек, пәні бойынша ақпараттарды біліп отыруға тиіс, педагогика саласындағы өзгерістер мен жаңалықтарды біле отырып, өз тәжірибесінде қолданып зерттеу жүргізуі керек. Мұғалім өзі білім беруші емес, білімді өз бетінше оқып үйренуге оқушыны бағыттауға міндетті. Бағыттаушы ретінде оқушының жан-жақты дамуына білім алуына ықпал етуге көмектесе алады.

Бесіншіден, мұғалім ұйымдастырушылық, бейімділік сараптама жасай білуімен қатар педагогикалық жағдайларды талдай білуге бейім болуы күрделі жағдайлардан шешім тауып шыға білетін, оның себептерін анықтай отырып дұрыс жолын табатын дәрежеге жету арқылы оқу үрдісіне өзгеріс енгізуі қажет.

Алтыншыдан, мұғалімнің ұлттық рухы жоғары болуы, саяси ұстанымы нақты, осы ұстанымды бала тәрбиесінде негізге алуы баланы бірлескен оқуға дағдылардыру арқылы ынтымақтастықта қызмет ететін тұлғаға айналдыруы керек.

Оқушылардың білім алуға деген қызығушылығын ояту үшін олардың бойынан шығармашылын дамыту мен өздігінен білім алуға үйрету қажет.осы жолдарды қалыптастырудың бірден-бір жолы топтық жұмыстың дұрыс ұйымдастырылуында.Топтық жұмыста жолдастарының жауабын толықтыруға , пікір таласта талқылауға, топпен бірігіп ортақ шешім қабылдауға, топта орындалған жұмысты қорытындылап бағалауға қатысады.Топтағы жұмыстық әрі тиімді, әрі оқушыны қызықтыру үшін мына ерекшеліктерге баса назар аударамын:

• Топтағы оқушылардың бір-бірімен еркін пікір алмасуын қадағалау.

• Жаңа ақпарат алуына мүмкіндік беретін ресурстармен қамтамасыз ету.

• Топтың әр мүшесінің өз ойын айтуға ықпал жасау.

• Топтағы оқушыларды эмоцияналдық ынталандыру арқылы бағыт-бағдар беру.

• Сабақтың барлық өн бойында уақытты тиімді пайдалануға басты назар аудару.

• Әр топтағы оқушылардың пікірінің тыңдалып талқылануын басты назарда ұстау.

• Жетекші сұрақтар қою арқылы қателерін топ мүшелерінің өздеріне анықтап табуына мүмкіндік туғызу.

Топқа берілген тапсырма нақты түрі мен орындалу тәртібін оқушылардың білуі бұл сапалы жұмыстың басты кепілі, сондықтан сабақта оқушылар нені жасау керектігін және сабақтың мақсаты неде екендігін оқушыларға ұғындыра отырып өздеріне анықтатуға дағдыландыру.