Тексерілді: __________________ Күні: 21.12.2017ж Сынып: 6 «А»

Сабақтың тақырыбы: Өсімдіктер систематикасы туралы түсінік. Өсімдіктер дүниесі.
Сабақтың мақсаты:

Білімділігі: Өсімдіктер туралы жалпы түсінік қалыптастыру.
Дамытушылығы: Баланың дүниетанымын кеңейтіп, рухани өсуіне, жеке тұлға ретінде өзіндік пікірін қалыптастыруға жағдай жасау.
Тәрбиелілігі: Табиғатты сүюге және қорғауға, туған елін жерін сүюге, адамгершілікке, еңбекке, ұқыптылыққа, жан - жануарларды аялап күтуге тәрбиелеу.
Көрнекілігі: Интерактивті тақта, ашық тұқымды өсімдіктер және жабық тұқымды өсімдіктер жинақтамасы, кестелер, суреттер ылғал препараттар балдыр, саңырауқұлақтар жинақтамасы.

Сабақтың барысы:

I.Ұйымдастыру кезең.
а) Оқушыларды түгендеу.
ә) Керекті құралдарын реттеу.
II.Үй тапсырмасы: §30. Өсімдіктердің өсуі мен дамуы.

Сұрақ-жауап:

1.Өсімдіктің жерасты мүшесі?

2.Тамырдың тамыр орналасқан бөлімі?

3. Гүлдің негізгі бөліктерін атаңдар?

4.Құрғақ жемістер дегеніміз не?

5.Жемістердің таралу жолдары?

6.Минералды қоректену дегеніміз ?

7.Өсімдіктер қалай тыныс алады?

8.Ксерофиттер дегеніміз не?

9.Гидрофиттер дегеніміз не?

10.Телу деген не?

11.Телудің түрлері?

12.Өсімдіктердің дамуы дегенді қалай түсінесің?

III.Жаңа сабақ. Жалпы өсімдіктер төменгі сатыдағы және жоғары сатыдағы өсімдіктер болып үлкен екі топқа бөлінеді. Төменгі сатыдағы өсімдіктерге балдырлар, қыналар жатады. Олардың біреулерінің құрылысы қарапайым әрі бір жасушадан тұрады. Басқа біреулері көпжасушалы болғанымен, олардың сабағы мен жапырағы болмайды. Бұлардың спора түзетін спорангий (қалтасы) және жыныс мүшелері бір жасушадан пайда болған.

Жоғары сатыдағы өсімдіктердің тамыры, сабағы, жапырағы болады. Жыныстық мүшелері көпжасушалы. Оларға мүктер, плаундар, қырықбуындар, қырықжапырақтектестер, ашық және жабық тұқымды өсімдіктер жатады. Жоғары сатыдағы өсімдіктердің кейбір топтары, мысалы, мүк, қырықбуын, плаун, қырықжапырақтектестер споралар арқылы көбейеді. Ашық және жабық тұқымды өсімдіктер тұқымдары арқылы көбейеді. Тұқымды өсімдіктерде тұқымның қалың қабығы, ұрығы және қоректік заттардың қоры болады. Сондықтан сыртқы ортаның қолайсыз жағдайына төзімді. Тұқым қолайлы жағдай туғанша, топырақта өнбей жата береді.

Жер бетінде өте кең тараған өсімдіктер тобына жабық тұқымды өсімдіктер жатады. Тұқымының, сабағының, жапырағының және тамырының құрылысына қарай жабық тұқымды өсімдіктер (немесе гүлді өсімдіктер) бөлімі қосжарнақтылар және даражарнақтылар болып екі класқа бөлінеді. Қосжарнақтылар класына жататын өсімдіктердің тұқымында тұқым жарнағы екеу, ал даражарнақтылар класына жататын өсімдіктердің тұқымында тұқым жарнағы біреу болады. Әрбір класс бірнеше қатарды біріктіреді. Әр қатарға бірнеше тұқымдастар жатады. Тұқымдастар туыстар мен түрлерді біріктіреді. Мысалы, кәдімгі картоп – түйнекті алқа түріне, алқа туысына, алқагүлділер тұқымдасына, түтікгүлділер қатарына, қосжарнақтылар класына, жабық тұқымды өсімдіктер бөліміне жататын өкіл.

Өсімдіктерді жүйелеу:

түр

тұқымдас

қатар

класс

бөлім

Дүние

IV. Бекіту:

1-кезең: Оқулықпен жұмыс:

Қозғалғыш споралар. Төменгі сатыдағы өсімдіктер. Жоғарғы сатыдағы өсімдіктер. Зооспоралар.

2-кезең: Постер қорғау:

«Өсімдіктер систематикасы»

V. Қорытынды: Әр топ жаңа тақырып бойынша сұрақтар дайындау.

VI. Кері байланыс: «Табыс сатысы»

VII. Бағалау: Әр оқушы өзін бүгінгі сабаққа қатысу бағасын айтады.

VIII. Үйге тапсырма: §31. Өсімдіктер тіршілігімен танысу және оларды жіктеу.