Сабақ тақырыбы: Өсімдіктер түрлері

Сабақтың мақсаты:

Білімділік мақсаты: Өсімдіктердің түрлілігі жайлы тақырыпты түсіндіру, өсімдіктер тіршілігі туралы мәліметтер беру;

Дамытушылық мақсаты: Оқушылардың сөздік қорын молайтып, дүниетанымын кеңейту, есте сақтау қабілетін дамыту;

Тәрбиелік мақсаты: Өсімдіктерге тірі жан ретінде қарауға, оларға қамқор болуға, өсімдіктерді дұрыс күтуге тәрбиелеу;

Көрнекіліктер: өсімдіктер суреттері, ActivStudio бағдарламасы бойынша жаттығулар.

Сабақтың барысы:

Ұйымдастыру кезеңі: - Сәлеметсіңдер ме, балалар?!

- Көңіл-күйлерің қалай?

- Бүгін ауа-райы қалай?

- Жарайсыңдар!

Бүгін сыныпта кім кезекші?

- Бүгін сыныпта кім жоқ?

Ал, енді балалар біз бүгінгі сабағымызды бастамас бұрын, мына өлең жолдарын оқып жіберейік.

Психологиялық дайындық.

Қайырлы күн – табиғат

Жайқалып өссін – өсімдік

Жайнай берсін – орманымыз

Биік болсын – тауларымыз

Сәтті болсын – сабағымыз.

-Жарайсыңдар балалар.

- Ендеше сабағымызды бастайық.

Үй тапсырмасын тексеру.

Ал енді балалар үй тапсырмасын тексеріп болсақ, жаңа сабақты бастайық.

Өсімдіктердің жер бетінде өспейтін жері жоқ. Өсімдіктерді мұхит түбінен де, орманды даладан да, шөл мен шөлейт жерлерден де, таудан да, тіпті суық полярлы аймақтан да кездестіруге болады. Қазақстанда өсімдіктердің 15 мыңдай түрі бар. Оның 2 мыңннан астамы балдырлар, 5 мыңдайы саңырауқұлақтар, 600-ге жуығы қыналар, 500-ге жуығы мүк тәрізділер және 6 мыңнан астамы жоғары сатыдағы түтікті өсімдіктер. Өсімдіктер алуан түрлі болып келеді.

Мынау не?(бөлме өсімдігі) сыныптағы бөлме гүлін көрсетіп, балалардан сұрау.

Гүлдің мүшелерін тани аласың ба? (гүлі,сабағы,жапырағы,тамыры)

Өсімдіктің тамыры қайда орналасқан? (топырақта)

Өсімдік қандай ағза? (тірі ағза)

Өсімдік түрлері.

Өсімдіктің негізгі топтарына тоқталайық:

Ағаштар.

Бұталар.

Шөптер.

Ағаш пен бұтаның ерекшелігі?