Қазақ тілі пәнінен сабақ жоспары

№17ЖББОМ қазақ тілі мен әдебиеті мұғалімі

Мусатаева Салтанат Тұрсынқызы

Сабақтың лексикалық тақырыбы: «Отаншылдық-ұлы қасиет».

Грамматикалық тақырыбы: « Сөйлем мүшелерін қайталау».

Сабақтың мақсаты: Отан, отаншыл, отаншылдық сөздерінің ара жігін жан-жақты сараптай отыра, оқушылардың отансүйгіштік ,отаншылдық қасиеттер туралы білімдерін кеңейтейту және олардың ауызекі сөйлеу қабілеттерін арттыру.

Сөйлемнің тұрлаулы және тұрлаусыз мүшелерін ажырата білуге дағдыландыру.

Сабақтың міндеттері:

-тiл мәдениетiн қалыптастыру, ауызекi сөйлеу, жазу, тыңдау мәдениетiн жетiлдiру;

- жаңа тақырыптың маңызы мен ерекшелiктерiн ажырата бiлуiне қажеттi iскерлiк-дағдыларын қалыптастыру;

-оқушылардың логикалық ойлауын, қабылдау, түйсiну -әрекеттерiн жетiлдiру, шығармашылық қабiлеттерiн арттыру;

-жаңа тақырып арқылы оқушының рухани дүниесiн жетiлдiру, адамгершiлiкке, ұлтжандылыққа тәрбиелеу;

-қазақ тiлi сабағындағы пәнаралық байланыс арқылы Отан,туған өлке туралы адамзат жинап қорытқан бiлiм негiздерiмен қаруландыру.

Сабақтың түрі: аралас сабақ.

Қолданылатын көрнекі құралдар: Интерактивті тақта, үлестірмелі кесте мен мәтін.

Сабақтың проблемасы: Отаншыл адам қанда болады?

Сабақ барысы:

1.Қызығушылын ояту.

1. Психологиялық

Бүгінгі сабақтың лексикалық тақырыбы:

“Отаншылдық- ұлы қасиет”.

Грамматикалық тақырыбы:

“Сөйлем мүшелерін қайталау”.

Сабақтың мақсаты: Отан, отаншыл, отаншылдық сөздерінің мағыналарын аша отыра, оқушылардың отансүйгіштік ,отаншылдық қасиеттер туралы білімдерін кеңейте отырып, коммуникативтік қабілеттерін арттыру.

Сөйлемнің тұрлаулы және тұрлаусыз мүшелерін ажырата білуге дағдыландыру.

2.Оқушыларды сабаққа бағыттау.Оқушылардың назарын сабаққа бағыттау. Сабаққа қандай көңіл күймен келдіңдер?

3. Мұғалімінің кіріспе сөзі:

Отан – от басынан басталады, демек өз бесігің , өз үйің.

Бауыржан Момышұлы

*Түсінік беру

«Отан» араб тілінен «Ватан», яғни қазақ тілінде « Өлке» деген сөзінен шыққан.

4.Жаңа сабақ

1. Сөздікпен жұмыс

а) Жаңа сөздерді мәнерлеп оқу

ә)Жаңа сөздерден сөз тіркестерін құрастыру

б) Отан, отансүйгіш сөздерінің синонимдерін атап айту.

2. Мағына таныту.

*Жаңа тақырыпты меңгерту және бекіту үшін кластер стратегиясын қолдану.

* Жұптық ,топтық жұмыстар.

*«INSERT» стратегиясы.

*Бағалау.

3.Ой толғаныс.

* «Еркін жазу» стратегиясы.

1.Мәтін бойынша жұмыс

Оқушылар топқа бөліп, орындалатын тапсырманы түсіндіру;

1-топ мәтін бойынша мәтіннің 1,2- бөлшегін,2 -топ 3,4 –бөлшектерін мәнерлеп оқып, негізгі ойды анықтайды;

Әр топ бір-біріне берілген бөлшектерден 3 сұрақтан дайындайды.

2. Ой толғау

Отан, отаншыл, отаншылдық сөздеріне түсінік беріңіздер!

Топ оқушылары 1-3 минут аралығында берілген сөздерге ауызша түсінік береді.Оқушылардың жауаптарынан соң, мұғалім берілген сөздердің дұрыс мағынасын ұсынады.

3. «Еркін жазу» стратегиясы. Топ оқушысы бір-бірімен «Отаншылдық-ұлы қасиет» тақырыбында пікір алмасады.

Үлгісі:

Евгений: Отаншылдық қасиет- әрбір азаматқа керекті қасиет.Отаншыл адам әрқашан өз елін ,өз жерін қорғайды.Елі мен туған жері үшін өмір сүреді. Отаны ,халқы үшін қызмет етеді.

Мейір:Адам отаншыл болуы керек, себебі Отаны мен халқын сүймеген адам ата-анасын да, туған жерін де сүйе алмайды. Сондықтан отаншыл адам ең бірінші туған жері мен елін сүйеді, құрметтейді.

Мәдина:Отансүйгіш адам -рухы биік, жігері мықты, елі мен жерін құрметтейтін, намыс туын биік ұстайтын ер жігіт.

Наташа:Отаншыл азамат- туған елін , туған жерін , сыйлап қадірлейтін-адам.Жүрегі -Отан деп соғатын азамат.Отаншыл азамат туған жердің тасын да, тауын да құрметтейді. Отаншыл азамат-ұлтжанды және елі мен Отаны үшін жаралады.

Андрей: Отаншылдық өз отбасынан ,өз үйінен басталады.Кімде-кім ата-анасын ардақтаса,бірге туған бауырларымен тату болса,өзінің өскен ауыл, қаласын, туған ұлтын сыйлап қадірлессе, сол адам отаншыл болады.

Максим:Отанын сүйген адам оны толық біледі,саясатын іске асуруға тырысады

Дарья: Отаншыл адам халқына, туған жеріне опасыздық жасамайды. Опасыздық жасағандармен күреседі. Ол әрқашан ақиқат жолын қалайды.

Карина: Отаншыл адам халқы туралы білу үшін, алдымен оның тілін, тарихын, ұлы адамдарын танып біледі. Ұлы адамдардың өмірі мен ерлік істерінен өнеге алады, соларға ұқсауға тырысады.

Костя: Адамның бақытты болуы –оның Отанға деген сүйіспеншілігіне байланысты.

Ілияс:Адамның жақсы , бақытты өмір сүруі көп жағдайда Отанға деген сүйіспеншілігіне байланысты.Отанын сүйетін адам алдына қойған барлық мақсаттарына қол жеткізе алады.

Анастасия:Отаныңды сүйе білсек ,атақ та, жұмыс та, құрме те болады.

Сабина: Отанын сүйе білмеген адам ғана, Отанына опасыздық жасап, елі мен жерінің бүтіндігі мен тыныштығын бұзады.Олар өз Отанының құны мен қадірін білмегендер.

7.Сөйлем мүшелерін қайталау

Сөйлем мүшелері дегеніміз не?

Сөйлем мүшелері құрамына қарай қандай топтарға бөлінеді?

Тұрлаулы мүшелерге сөйлемнің қай мұшелері жатады?

Тұрлаусыз мүшелерге сөйлемнің қай мұшелері жатады?

8.Жазбаша жұмыс

Берілген сөйлемдерге грамматикалық талдау жасаңдар!

1.Біз отаншыл болуымыз керек.

2.Отаншылдық өз отбасынан басталады.

3.Ол әке-шешесін құрметтейді.

4.Әке-шешесін сыйлаған балада намыс болады.

5.Мен Отаныма көп пайда келтіремін.

9. Сабақты қорытындылау

Түйін сөз :

Отаншылдық қасиет адамға не үшін қажет және адам Отансыз өмір сүре ала ма?

Әр адам Отаны үшін өмір сүреді, Отаны үшін қызмет етеді, әр адам ата-анасы мен туысқандарын құрметтейді, туып-өскен жерін ұмытпайды, демек ол нағыз отаншыл адам.

10.Бағалау.

12.Үйге тапсырма : «Мен отаншылмын» тақырыбында шағын шығарма жазып келу.