Туғаннан құлыным деп аймалаған,

Дүниеде ата-анам қымбат маған.

Жаратқанға мың шүкір, ең алдымен,

Отбасыны маған мұндай сыйлаған.

Бүгінгі қолға қалам ұстатқан тақырыптың өзі неткен киелі де, қастерлі еді. Осы мүмкіншілікті пайдалана отырып, өз отбасым жайлы мақтанышпен және үлкен қаріптермен жазғым келіп отыр. Біз өз отбасымызда айрандай ұйып сегіз жан тату-тәтті өмір сүрудеміз. Бұл өмірдегі менің ең басты құнды байлығым – ол біздерді аялап, әлпештеп өсіріп отырған ата-анам. Оларға мың тағзым. Ата-анамыз бізді жақсылыққа, әділдікке, ешқашан біреуге жаман сөз айтпауға, үлкендердің жолын кеспеуге үйретіп отырады. Менің бауырларым тәртіпті, тәрбиелі. Ата-анамызда бәрісіз де қуантқымыз келеді. Олардың туылған күндеріне тосын сый жасағанды ұнатамыз. Біздің кішкентай ғана сыйлығымызға олардың қуанған жүздерін көріп, біз де қуанамыз. Сабақта әрдайым жақсы баға алуымызға жігерлендіріп отырады. Біздің де осы өмірдегі басты мақсатымыз- ата-ана үмітін ақтау, саналы, ақылды азамат болып өсу. Өйткені ол кісілер әрқашан біз қуанғанда қуанып, мұңайғанда мұңаяды.

Бірақ, бүгінгі таңда елімізде балалар үйі де, қарттар үйі де өте көп. Ананың жылы алақанына, әкенің қамқорлығына зәру сәбилер мен баланың мейіріне зар болған қарияларды көргенде еріксіз көзге жас келеді. Отбасының жылуын сезіне алмай өскен бала қандай болады екен? Отбасы жылулығының аздығы қазіргі кезде маңызды мәселелердің бірі. Өйткені, әке-шешесі бола тұра, таңнан кешке дейін жұмыста болып, балаларына тиісті дәрежеде көңіл бөле алмай жүрген адамдар да бар. Бірақ балаға тек қаржы ғана емес, қамқорлық пен өзіне бөлінетін аз ғана уақыт керектігін ұмытып жатады кейбір жандар. Егер де осы мәселені қолға алып шешетін болсақ, қарттар үйі де, балалар үйі де азаятын еді.

Отбасының тірегі – әлпештеген әке мен аялаған ана. Әкеден ақыл, анадан мейірді бойымызға сіңіреміз. Ал бірлігі бар отбасы – ең бақытты отбасы дер едім. Ақылшым,кәусар бұлағым – анам, қамқоршым – әкем, олар әлемдегі ең асыл жандар. Мен өздеріңізбен мақтанамын. Сіздердей асылдарым барына Аллаға сан мәрте мадақ айтамын.