Білім беру саласы: Коммуникация
Ұымдастырылған оқу қызметі: Көркем әдебиет.
Тақырыбы: « Отбасындағы сыйластық»

Мақсаты: Балаларға өз отбасы мүшелері туралы айтып, олардың қамқорлықтары туралы білім беріп, тілдік қорларын дамыту. Отбасы мүшелерін сыйлауға, құрметтеуге үйрету.

Көрнекілігі: слайд, отбасы суреттері.

Қостілдік компонент: отбасы-семья Ата – дедушка – grandfather ,Апа – бабушка – grandmather, Әке – отец – father ,Ана – мама –mather ,Аға – брат – brother
Әпке – сестра – sister

Интеграция: таным, Шығармашылық.

Әдіс-тәсілдер: Түсіндіру, әңгімелеу.
Мотивациялық қозғаушысы.
Сәлемдесу – тәрбиенің басы,- деп қонақ апайлармен үш тілде амандасу.
Шаттық шеңбер.(дөңгелек шеңберге тұру)

Отбасы-ол бақыт,
Отбасы-ол ата-ана,
Отбасы-туыстарымыз,
Отбасы-ол шаңырақ.
Балалар бүгін сендер өте әдемі, көңілді, қуаныштысыңдар. Өйткені сендер бақыттысыңдар. Әрбіріміздің өз отбасымыз бар. Олай болса осы сөзімізді анықтау үшін мына өлең шумақтары арқылы жеткізейік.

Бақыт біздің сйқырлы шеңберіміз,

Бақыт біздің күлімдеп жүргеніміз.

Бақыт біздің жарқын болашағымыз,

Бақыт біздің тату-тәтті отбасымыз.

Іздену-ұйымдастырушылық

Суреттермен жұмыс.
-Балалар бүгінгі біздің оқу қызметіміз отбасы туралы болмақ.

-Адамға ең қымбат отбасымыз екен.

Отбасы дегеніміз бір үйде тұратын бізге ең жақын адамдар. Олар ата, әже, әке, ана, аға, апа, іні, қарындас бір отбасында тұрады. Біздерге үлкендердің көмегі және сүйіспеншілігі қажет. Ата мен әжелер демалыспен тыныштықты ұнатады.
Ғажайып сәт: Балалар бізге дауыстық хабарлама келіп түсті, ашып яғни тыңдап көремізбе? (Әженің дауысы арқылы жұмбақтар келеді)

Әже: -Балалар Мен сендердің әжелеріңмін, ұзақ жолдан келе жатырмын. Мен шаршап келе жатырмын, егер менің жұмбақтарымды шешсеңдер, тез арада жандарыңа барамын!

-Балалар, әже бізге тезірек келу үшін жұмбақтарды шешейік.

(әженің дауысы, аудио тыңдалады)

1.Айтары мол ғұлама,

Көп жасаған бұл адам.

Әкесі ол әкеңнің

Білер оны сұраған. Ол кім? (Ата)

2.Ол өте мейірімді, ақ шашты, дәмді тағамдар, тәтті бауырсақ пісіреді, бізге жылы қолғап, шұлық тоқиды, ұйықтар алдында ән немесе ертегі айтып береді. Бұл кім? (Әже)

3.Сендердің кірлеріңді жуып, дәмді тағамдар, тәтті нандар пісіреді, сендерге жылы қабақ танытады. Бұл кім? (Ана

4.Сендерді арқасына салып ойнататын, көтеріп жүретін адам кім? (Әке)

Ғажайып сәт: Әже кіреді

Әже: Сәлеметсіңдер ме? Балаларым! Сендер менің жұмбағымның жауабын тез және дұрыс таптыңдар. Бүгін осы балабақшада отбасы туралы оқу қызметі болып жатыр дегенді есітіп менде оқу қызметіне қатысуға келдім. .Мен сендерге құр қол келген жоқпын «Отбасы сыйластығы» деген аңыз әңгімені алып келдім.

Әңгіме: «Отбасы сыйластығы»

Әже: Ал, балалар мен сендердің өз отбасыларың туралы білгім келеді.

Отбасы мүшелерімен таныстыру.

Жеке балалармен жұмыс: Отбасы суреттері бойынша әңгіме құрайды.
- Мынау менің атам, Атамның аты Қанат,
Мынау менің әжем, Әжемнің аты Жамал,
Мынау менің әкем, Әкемнің аты Қайрат,
Мынау менің анам, анамның аты Баян,
Мынау мен өзім Інжу! Біз бір отбасында бес адам тұрамыз.

Балалар: отбасы туралы тақпақтар айту.

Әже: -Жарайсыңдар балалар, өздерің ақылды, зерек екенсіңдер. Енді менің қайтатын уақытым болып қалды, немерелерім тосып отыр.

-Әже шаршаған боларсыз бізбен бірге бой сергітіп алыңыз.

Сергіту сәті.

Менде бар жанұя,

Сенде бар жанұя.

Үлкенде, кішіде,

Жанұя бар әрбір кісіде.

Жанұяда шуақ қой,

Қуаныш пен қуат қой.

Әже балалармен қоштасып, алғысын білдіреді.

Ойын: «Шаңырақ көтеру»

Шарты: Музыка әуенімен билеп жүріп әуен тоқтағанда шаңырақты жоғары көтеріп балалар жылдам уықтарын көтереді.

Бір шаңырақ астында

Тату тәтті тұрамыз

Бірге ішеміз астыда,

Бірге сайран саламыз.

Қостілділік: Ата-дедушка-grandfather, Әже-бабушка-grandmather , Әке-отец-father, Ана-мама-mather , Аға-брат-brother, Әпке-сестра-sister,

Рефлексивті
Коррекциялаушы
Балалар біздер бүгін кімдермен таныстық?
- Отбасы мүшелерімен.
Отбасы мүшелеріне кімдер жатады екен?
- Ата, әже, әке, ана, аға, апа, іні, қарындас жатады.
Біз қандай отбасымыз?
- Біз бақытты отбасымыз
Өте жақсы, балалар отбасы туралы білеміз.

Бүгінгі оқу қызметімізге өте жақсы қатыстыңыздар. Сіздерге көп-көп рахмет.сау болыңыздар.

Күтілетін нәтиже:

Біледі: отбасы мүшелері туралы әңгімелеуді, отбасындағы адамдарды сыйлауды, құрметтеуді;

Меңгереді: отбасы мүшелерін сыйлауды, құрметтеуді, отбасы мүшелерін үш тілде атауды меңгереді.