Отбасы күніне орай ұйымдастырылған « Отбасы -тәрбиенің алтын бесігі» атты кездесу кеші.

Мақсаты:

• Отбасы, мейірім, қамқорлық ұғымдарының мәнін түсіндіру

• Жасөспірімдердің бойында сенім, үміт, жауапкершілік сезімін дамыту

• Жылы ортада ашық пікірлесуге, шығармашылыққа баулу

• Эмоциялық қолдау көрсету, психологиялық ахуалды жақсарту

Қатысушылар:

Жасөспірімдер үйінің тәрбиеленушілері, тәрбиешілер, психологтар, әлеуметтік педагогтар, қонақтар,

⏰ Ұзақтығы:

60–75 минут

Жүргізуші

Қайырлы кеш, қадірлі тәрбиешілер мен жас достар!
Бүгін біз ерекше, жүрекке жақын тақырыпта бас қосып отырмыз. Бұл – Отбасы күніне арналған "Отбасы – жүрек жылуы" атты кешімізді бастамас бұрын келген қонақтарымызбен таныстырып алайық.Отбасы – бұл тек ата-ана емес, бұл — сүйеніш, махаббат, сенім мен жылу мекені.Бүгін Жамбыл облысына белгілі облыстың намысын қорғап жүрген өнер майталмандары Жаңабаевтар халықтық атағы бар ансамбілі қонақта.Үлгілі жанұя үлкен қазына. Қазақ халқында   «Ұяда не көрсең ұшқанда соны ілесің» деген даналық сөз бар. Қазіргі таңда, отбасылық құндылықты сақтап,ұлы мен қызына,немерелеріне өз өнерін дәріптеп,ұрпақтан ұрпаққа жеткізіп, өнерлі отбасынан мерейлі отбасылық ансамбілін құраған ақ жаулықты Күлімбала анамыз отыр. Сіздерге қошемет,ортамызға қош келдңіздер!

Жүргізуші:
Ал енді жүректен шыққан ашық әңгімеге кезек берейік.
Сұрақтар арқылы пікір бөлісеміз: Келген қонақтарға тәрбиеленушілер сұрақтар қояды. Қонақтар өз өнерлерін көрсетеді.

• "Сіз үшін отбасы деген не?"

• "Сізге бала күніңізде не жетіспеді?"

• "Кім сізге шынайы қамқор болды?"

• "Өз отбасыңызды қалай елестетесіз болашақта?"

• Болашақ отбасына берер ақылдарыңыз болса? т, б сұрақтар

4-бөлім: "Мейірімді жүрек" тренингі (10 мин)

(Қатысушылар шеңберге тұрады)

Жүргізуші

Отбасы – тұлға тәрбиелеудің және оны қоғамның сан қырлы жақтарын игеруіне мүмкіндік туғызатын ең алғашқы әлеуметтік орта. Отбасы шағын мемлекет. Оның тірегі әке мен ана. қарым-қатынас жасау дағдыларын, өмірлік ұстанымдарын қалыптастырады, өзін-өзі ұстаудың нормалары мен мінез-құлқын реттеудің өлшемдерін меңгереді. Демек, отбасы – адам баласының алтын діңгегі, оның адамзат ұрпағына деген ықпалын өмірдегі басқа еш нәрсенің күшімен салыстыруға болмайды.Отбасы – сыйластық, жарастық орнаған орта. Адамның жеке басының алғашқы қалыптасуы отбасыдан басталады. Оның ер жетіп өсуі, бойындағы алғашқы адамгершілік белгілер отбасында қалыптасады, сондықтан да туған үйдің жылуы – оның көкірегінде көп жылдар бойы сақталып, мәңгі есінде жүреді. Отбасының әрбір мүшесі өзара сыйластықты сақтауға тиіс. Сонда ғана бірлік, татулық болады.

Сөз, Жасөспірімдер үйінің директорының орынбасары Ляззат Құралбековнаға беріледі.(Алғыс сөз)

Сөз соңы

Отбасы татулы­ғы мен үйлесімділігі ата-ана мен бала және ерлі зайыптылардың арасындағы сүйіспеншілік сезімімен тығыз байланысты. Ата-ана мен бала және ерлі-зайып­тылар қатынасында өзара түсіністік, сыйластық, көмек тек қана отбасы мүшеле­рінің арасында сүйіспеншілік сезімі болғанда ғана бақытты жандардан тұратын отбасына айналады. Тұлға отбасында өмірдің мәнін, оның мақсаты мен міндеттерін, құндылықтарын игереді. Біз бүгін осы отбасының шағын мемлекет болып қалыптасқанының куәсі болып отырмыз.Өйткені Анамыз қобызда ойнаса,отбасының әрбір мүшесі қазақтың ұлттық аспаптарын қолға алып куйді күмбірлете түсуде.
Біз бәріміз де сүйіспеншілік пен мейірімділікке лайықпыз. Осы кеште сол жылулықты бірге сезінейік.