Өзін-өзі тану белестері

Мақсаты: Балалардың «өзін-өзі тану» құндылығы туралы түсініктерін кеңейту.

Міндеттері:

• 3-сыныпқа арналған «Өзін-өзі тану» пәнінің мазмұнымен таныстыру;

• Өзін, өзгелерді, адамгершілік құндылықтарын танып білуге қызығушылықтарын арттыру;

• Сыйластыққа, кішіпейілділікке, ізгілікке тәрбиелеу;

Сабақтың барысы:

1.Ұйымдастыру кезеңі. Тыныштық сәті. Арқаңызды тік ұстап отырыңыз. Көзіңізді жұмып, терең тыныс алыңыз. Әрбір тыныс алған сайын неғұрлым көбірек босаңсып, сабырлы болуға тырысыңыз. Қазір біз орманға серуенге шығамыз. Өзіңіздің сынып есігіне қарай беттеп, есікті ашқаныңызды, дәлізбен өтіп, далаға шыққаныңызды елестетіңіз. Таза ауаны жұтып, шашыңызды желбіреткен желдің лебін және бетіңізді сәл-пәл қыздырған күн сәулесін сезініңіз. Орманға қарай жүре бастаңыз. Келе жатқанда абай болыңыз, жәндіктерді басып кетпеңіз. Бір минут тоқтап айналаға көз салыңыз. Табиғаттың әсемдігі мен балғындығын сезініңіз. Гүлдердің біріне жақындап, еңкейіп, оның нәзіктігі мен жұқалығына зейін салыңыз. Оны иіскеңіз және хош иісін жұтыңыз. Айналадағы бар нәрсені бақылап, ары қарай жүре беріңіз. Гүлдер, гүлдер мен ағаштардың иісі, құстардың дауысы және жәндіктердің ызыңы. Орманға ендей түсіңіз, қараңызшы, ағаштар биіктей әрі қалыңдай түсті. Жарық пен көлеңкенің ойынын қызықтаңыз, жапырақтардың сыбдырын тыңдаңыз. Біз өзімізді орманда бақытты әрі қауіпсіз сезінеміз. Алаңқайға шығып, осында бірнеше минут демалыңыз. Түбіне барып отырғыңыз келетін ағашты таңдаңыз. Ағашқа жақындаңыз да оны діңінен құшақтаңыз. Оның қуаттылығын сезініңіз, ондағы өмір қуатын сезінуге және ұғынуға тырысыңыз. Енді оның діңіне арқаңызды сүйеп отырыңыз. Көзіңізді жұмыңыз, терең тыныс алыңыз және қоршаған айналаның

жым-жырт тыныштығына көңіл бөліңіз. (Осы жерде мұғалім 1-2 минут үзіліс жасауына болады).

Бізге қалайша жеңіл әрі тыныш және бақытты сезіну қандай. Табиғат неткен ғажап, оны қалайша сүйетінімізді бен қадірлейтінімізді, бірде бір тірі жәндікке зиян тигізбес үшін қамқорлық жасауды түсінеміз. Сіздің өз ағашыңыз бар екенін және кез келген уақытта оған келе алатыныңызды есте ұстаңыз. Ал қазір мектепке қайтуға дайындалыңыз. Орныңыздан тұрып, айналаға тағы бір көз қырын салыңыз. Келген жолыңызбен кері қайтыңыз, жолыңыздағы жәндіктерді басып кетпеңіз. Міне, мектептің алдына да келдік. Айналаңызға тағы бір қараңыз, таза ауаны терең жұтыңыз, есікті ашып, өз орныңызға қайтып келіңіз. Осы жым-жырттық, тыныштық, қанағат сезімін өзіңізде сақтаңыз. Көзіңізді ашып, күлімсіреңіз!

Ресурстар:

Нұрға бөлену

1. Ынтымақтастық атмосферасын орнату

Шаттық шеңбері:

Қолымызды созайық

Күннен жылу алайық.

Күннен алған жылуды,

Жүрекке әкеліп сақтайық.

Топқа біріктіру:Күн,Ай, Жұлдыз

2.Үй тапсырмасын тексеру: «Конверт - сұрақ» әдісін қолдану.

2. 2-сыныпта өзін-өзі танудан не үйрендіндер?

3. Өз- өзіңе, өзге адамдарға, табиғатқа деген көзқарастарың өзгерді ме?

4. Жазғы демалыста қандай қызықты оқиғаларды бастан кешірдіңдер?

Сабақтың барысын талқылау:

3.Әңгімелесу (сұхбат): «Үштік әңгіме» әдісі

М.Төрежановтың «Алтын балық» атты мәтінімен жұмыс.

• Неліктен балық қарияның тілектері орындады?

• Алтын балықтан өздерің қандай тілек тілер едіңдер?

4.Дәйек сөз: «ПОПС» әдісі.

Өзін-өзі тануадамгершілік

құндылықтардың негізі.

С.Алпысқызы

• Өзін-өзі тану адамды қандай жақсылыққа үйретеді?

• Өзін-өзі тану пәнінен не үйрендіңдер?

5.Шығармашылық жұмыс:

Балалардың бірін-біріне деген жылы лебіздерін тыңдау.

6.Топпен ән айту:Әр топ өздері бір шумақ ән орындайды.

7.Үй тапсырмасын беру:

С.Дәуітовтың «Адам болғым келеді» атты өлеңін жаттау.

8.Бағалау: Сабаққа белсене қатысып отырған балаларды мадақтау.