І кіші «Болашақ» тобында ұйымдастырылған оқу қызметінің

технологиялық картасы

Күні: 20.11.2019 жыл.

Білім беру саласы: «Таным».

Ұйымдастырылған оқу қызметі: Сенсорика.

Тақырыбы: «Пазлдардан сурет құрастыр».

Мақсаты: екі бөлікті пазлдан заттың бейнесін құрастыруға үйрету. (үтік, ток көзі, бағдаршам)

Білімділік: Геометриялық пішіндерді атауды, оларды салыстырып бекіту.

Дамытушылық:Түстерін атай білу дағдысын дамытуды.

Тәрбиелік: Ұқыптылыққа тәрбиелеу.

Қажетті көрнекі құралдар: Ойыншық қоян, геометриялық пішіндерден құрастырылған суреттер үлгілері: үтік, ток көзі, бағдаршам .

Үлестірмелі материалдар: әр балаға: түрлі түсті фигуралар, екі бөлікке бөлінген суреттер.

Сөздік жұмыс: Төртбұрыш, үшбұрыш, дөңгелек.

Қостілділік компонент: Үшбұрыш-треугольник.

Шаттық шенберге тұру

Қайырлы таң балалар!
Сәлем бердім саған жерім!

Сәлем бердім саған күнім!
Сәлем бердім бәріңізге!

Мотивациялық – қозғаушылық

Ойындық жағдаят.

Есікті қаққан дыбыс шығады. Тәрбиеші есіктің сыртына шығып кетіп кішкентай ойыншық қоян алып келеді.

-Балалар, бізге қонаққа қоян келді. Ол жылап тұр екен. Оған бірдеңе болған сияқты. Кәне, балалар, қояннан оның неге ренжіп тұрғанын сұрайықшы.

- «Қояным, саған не болғанын айтып берші балаларға? Неге сен көңілсізсің?»

Қоян:

-Балалар! Мен сурет салғанды сондай ұнатамын, бірақ менде не қылқалам, не бояу жоқ. Мен не істесем екен?

-Жылама, қоян! Біздің балалардың қолдарынан келмейтіні жоқ. Олар саған осы біздің топта бар фигуралардың көмегімен сурет салуды үйретеді. Балалар, қандай фигуралар біздің топта бар?

-Тақтаға қараңдаршы. Онда пішіндерден құралған суреттер бар. Маған суретте не салынғанын, қандай пішіндерден құрастырылғанын айтып беріңдерші?

Сөздік жұмыс: Төртбұрыш, үшбұрыш, дөңгелек

Балалар үтіктің суретіне қарайды.

«Төртбұрыш», «үшбұрыш», «дөңгелек» сөздерін қайталайды.

Ұйымдастырушылық - ізденістік

-Үтік қандай пішіндерден тұрады? (үшбұрыш, дөңгелек).

Қостілділік компонент: Үшбұрыш-треугольник.

-Бағдаршам қандай пішіндерден құрастырылған.

-Ал үшбұрыштардың барлығы бірдей ме?

-Ал қандай пішін үстелді бейнелейді? (Балалар жауап береді.)

-Балалар, қазір біз «Болады, болмайды» ойынын ойнайтын боламыз.

Ал қоян сендердің жауаптарына қарап отырады.

(Балаларға әртүрлі суреттер көрсетіледі, балалар дұрысын таңдау қажет)

Рефлексиялық-түзетушілік

-Балалар,өте жақсы жауап бердіңдер!

-Ал, қоян, саған біздің балалардың жұмыстары ұнады ма? Сен фигуралардың көмегімен қалай суретті салу керектігін үйрендің бе? Міне, саған қалташадағы пішіндер, сен оларды өзіңмен бірге үйге алып кет және өзің де сурет салуға тырысып көр.

-Рақмет, балалар! Сау болыңдар,-деп қоян кетіп қалады.

Балалар қоянмен қоштасады. (Сау бол, қоян!)

Күтілетін нәтижелер:

Нені біледі: Геометриялық пішіндерден бағдаршам, үтік, ток көзін құрастырады;

Қандай түсініктерді игереді: Бірнеше бөліктен тұратын зат пішінін көрнекті талдау жән жинақтауды;

Меңгерген дағдылары мен іскерліктері: Геометриялық пішіндерді атауды, оларды салыстыруды, түстерін атауды.