Практикант студентке мінездеме

Алматы Инновациялық колледжінің

«01140100-Бастауышты оқытудың

педагогикасы және әдістемесі»

мамандығының 3 курс студенті

Тұрсын Аяулым Бахытқызына

МІНЕЗДЕМЕ

Тұрсын Аяулым Бахытқызы 2023-2024 оқу жылының 01 сәуірінен - 26 сәуір аралығында Талғар ауданы, Қарабұлақ ауылы №22 жалпы орта білім беретін мектебінде педагогикалық практикадан өтті.

Тұрсын Аяулым Бахытқызы тәжірибенің алғашқы күнінен бастап педагогикалық ұжыммен және оқушылармен жақсы қарым-қатынас орната білді. Тәжірибе кезеңінде студент өзіне бекітілген 2 «А» сыныбында өткен сабақтарға және сынып жетекші өткізген сынып сағаттарына қатысып, сыныптың құрамын, оқушылардың жас және жеке ерекшеліктерін және сыныптағы қарым-қатынас сипатын зерттеді. Сонымен қатар тәжірибе барысында студент тәлімгерімен бірлесіп, сыныппен және жеке оқушылармен тәрбие жұмысын ұйымдастырудың әдіс-тәсілдерімен танысты. Педагогикалық практика барысында студент-практикант сынып жетекшісі рөлін атқаруды үйреніп, сыныптағы тәрбие сағаттарын, сабақтарды өткізуге машықтанды. Сонымен қатар сынып оқушыларына психологиялық мінездеме түзуді меңгеру, сыныптағы психологиялық климатты анықтау, оқушылармен қарым-қатынас түзуге дағдыланды.

Тәжірибеден өту кезінде студент 2 «А» сыныбының жылдық жоспарына сәйкес 8 сәуір күні “12 – сәуір Ғылым күні” тақырыбында тәрбиелік шараны, 15 сәуірде “Табиғат тамашалары” атты тәрбие сағатын және басқа да сабақтарды өз бетімен дайындап, өткізді. Сабақтардың қысқамерзімді жоспарлары дұрыс құрастырылған, сабақтар мақсатына жетті. Оларды өткізу барысында студент оқушылардың іс-әрекетін ұйымдастырудың әртүрлі формаларын қолданды, әсіресе топтық жұмыстарды жақсы ұйымдастыра білетіні байқалды. Тұрсын Аяулым жұмысқа және еңбек тәртібіне жауапкершілікпен қарап, барлық тапсырмаларды уақытылы орындап отырды және жаңа технологияларды пайдалана білді. Өз дағдыларын жетілдіруге белсенді түрде ұмтылады, тәлімгердің әдістемелік көмегін қабылдай алады. Аяулым балалар ұжымындағы қарым-қатынасты сенім, сыйластық, талапшылдық және әділдік негізінде құруға көмектесіп, балалардың жан-жақты дамуына, халқымыздың салт-дәстүрін дәріптеуге саналы түрде бағыттай білді. Алған теориялық білімін практика жүзінде толықтай қолдана білді, мінезі ашық, өз жұмысына тиянақты. Студент Тұрсын Аяулым Бахытқызының педагогикалық практикасын мектеп әкімшілігі «өте жақсы» деген бағаға лайық деп санайды.

Мектеп директоры: Ж. М. Молдабекова

Сынып жетекші: Ж.Ө. Хұрман