Прямоугольный треугольник

Тақырыбы: «Ұстаз - халық анасы»

Мақсаты: Оқушыларға ұстазды құрметтеуге, сыйлауға, түсіне білуге тәрбиелеу.

Ұстаз мамандығының қыры мен сырларын түсіндіру. Ұстаз еңбегін қашан да бағалай білуге үйрету.

Көрнекіліктері: мақал-мәтелдер, нақыл сөздер, ұстаз туралы суреттер, гүлдер, шарлар.

Барысы: І.Ұйымдастыру

«Ұстазым» әні орындалып тұрады.Оқушылар басын иеді.Әнұран орындалады.

Мұғалім: Құрметті ұстаз аналар, ұстаз ағалар! Бүгінгі төл мерекелеріңіз баршаңызға құтты болсын. Қиындығы мен қызығы мол мамандықта әрқашан еңбектеріңіз жана берсін! Шәкірттеріңіз ең биік белестерден көріне берсін!

Ұстаз болу - жүректің батырлығы,

Ұстаз болу - сезімнің ақындығы.

Ұстаз болу – мінездің күн шуағы,

Азбайтұғын - адамның алтындығы.

Айша: Сәлем бердік ұстаздар баршаңызға,

Сіздерменен тола берсін ортамызда.

Бүгінгі ел басқарған азаматтар,

Білім алған сіздердің арқаңызда.

Алдияр:Бүгінгі күн құшақтарын гүлге толсын,

Дендеріңнің саулығы мықты болсын.

Білімменен суарған шәкірттерің,

Төл мерекең ұстаздар құтты болсын.

Ислам: Ақырын жүріп, анық бас

Еңбегің кетпес далаға.

Ұстаздық еткен жалықпас,

Үйретуден балаға - деп ұлы Абай атамыз айтуында терең мән- мағына жатыр.Шынында да, ұстаз еңбегі - ұлы да, ұлағатты еңбек емес пе?

Жарқын: Армысыздар, ардақты ұстаздар.Бүгін мұғалімдер күні.Баршамыздың сауатымызды ашып, білім нәрімен сусындатып, өмірге қанат қақтырған ұлағатты ұстаздар, төл мерекелеріңіз құтты болсын!

Ендігі кезекті ұстаз туралы өлеңдерін жолдаушы оқушыларға берейік.

Айқын: Ұстаз болған баршаға,

Ардақты жандар қаншама.

Шәкіртің күнде қуансын,

Шаршама ұстаз шаршама.

Хор: «Ұстазым» әні орындалады.

Эльмира: Ұстаздар ұлттың тірегі,

Ұстаздар мектеп жүрегі.

Ұрпаққа жетер ұстазбен,

Халықтың ұлы тілегі.

Дамир: Ұлы өмірге жетелеп,

Ашып білім есігін.

Құрметте мәпеле,

Ұстаздың есімін.

Бибігүл: Ұстаз деген қасиетті адам бар,

Біле білсең сенің екі анаң бар.

Бірі сенің - туған анаң болса егер,

Екінші анаң - ұстаз деген панаң бар.

Ұстаз аналарға арналған «Анашым» әнін қабыл алыңыздар.

М.Алдияр: Ақыл құйған санама,

Жеткізер ол данаға.

Білім берген біздерге,

Алғыс айтамыз сіздерге.

Барлығы бірге: Ұстаздарға мың алғыс.

Шәкірттерін баптаған

Ұстазыма мақтанам.

Тәрбие берген біздерге,

Көп рахмет сіздерге.

Барлығы бірге: Ұстаздарға мың алғыс.

Тілеймін саған мол бақыт,

Еңбегің болсын жемісті.

Тіліңізді алап әр уақыт,

Тындырамын көп істі.

Ән: Қошақаным: Эльмираның орындауында.

Енді көгілдір экранға назар аударайық.

Құрметті ұстаздар: Ұстаздар баршаңызды төл мерекелеріңізбен құттықтаймыз.Дендеріңіз сау болсын, еңбектеріңіз жемісті болсын.

«Айгөлек» биі

Медет: Мұғалім бәрінен де қымбат, өйткені мұғалім- мектептің жүрегі.

Ы. Алтынсарин.

Ернат: Адамның адамшылығы жақсы ұстаздан болады.

А.Құнанбаев.

Ұлағатты ұстаздар сіздерге құрметпен бас иеміз.

Аружан: Мұғалім зор тұлға. Ол күннің сәулесі іспеттес.Мен ұстаздарымды күннің құдіретті сәулесіне теңеймін.

Барлығы бірге: Құрметті ұстаздар! Оқушылардың дайындаған сый құрметін қабыл алыңыздар.Мұғалімдерге сыйлықтар тапсырылады.

Қорыту: Ендеше құрметті ұстаздар өмірлеріңіз ұзақ, дендеріңіз сау болсын.

Ән: «Ұстазым» Орындайтын: 4 сынып оқушылары

2017-2018 оқу жылы

«Ұстаз-халық анасы»

Өткізген:Мукатаева А.С.

4 сынып