Сабақтың тақырыбы: «Жылы жүрек – жақсы қасиет»

Оқыту мен тәрбиелеудің міндеттері:

Адамның жүрегі жылы болу үшін, адам бойындағы жақсы-жаман мінез-құлықтарды ажырату.

Балалардың жүрегіне жылылық ұялату үшін жақсы мінез түрлерін дамыту.

Баланың өзіне деген сенімділігін арттыру.

Мақсаты: Адам бойындағы жүрек жылылығын қалыптастыру үшін мінездің де жақсы болуына түсінік беру.

1.Шаттық шеңбері  (слайдта тақпақ оқу)

Жан-жағына нұр шашып

Арайлап жарқын таң атса,

Жер бетінде жайқалып,

Көгеріп өссе көк майса,

Жүрегім жыли бастайды.

Оралғанда сапардан

Алдымнан жақын жан шықса,

Кездескенде достарым

Жүрегім жыли бастайды.

Жылы жүрек шеңберін құрайық. Әрбіріміз қасымызда отырған достарымызға олардың жақсы қасиеттерін жылы сөздермен, көтеріңкі көңілмен, күлімдеген көзбен бір - біріне жеткізіңдер

2.     Әңгімелесу  

Қызығушылықты ояту.

Оқушыларға сұрақтар қойылады.

-         Үлкендер еркелеткенде қандай күйде боласыңдар?

-         Жақсы көретін адамдарға қандай тілек айтқың келеді?

-         Басқаларға жақсылық жасаған кездерің болды ма?

-. Жүрек жылулығы дегеніміз не?

2. Адамның мінезі қалай қалыптасады?

3. Адамдардың қарым-қатынас кезіндегі ерекшелігі?

4. Адам өз мінезін өзгерте ала ма?Қалай?

Осы әнгімелесуден кейін төмендегідей қортынды жасағым келеді Адамгершіліктің шуағы сөнбесін!
Өмірде жаман адам туылмайды.Егер нәпсісі рухынан жоғары,үстем болса,жақсы іс-әрекеттерді адам бойынан табу қиын.Ал барлық жақсы қасиеттер,яғни шыншыл,мейірімді,кешірімді,еңбекқор, ақылды т.б. адамда ғана болады.Осының бәрі рухтан туындайды.Рух дегеніміз не?Рух- адам бойындағы бір күшті қуат, сезім.

Назарымызды экрандағы дайексөзге аударайык ( балаға оқыту).

Дәйексөз   (слайд)  “Табиғаттағы барлық жылу –күннен,

Өмірдегі барлық жылу - адамнан”.

  Оқушылардың осы дайексөз төнірегіндегі ойларын, мағынасын қалай түсінгендіктерін айтқызу.

Енді адамның мінез-құлқы туралы мақал мәтелдерді еске түсірейік.

Мақал – мәтелдер

1.Қайырымдылық жасасан

Қайырын өзің көресің.

2.Жаман адам кетсе,

Дүние кеңіп қалғандай.

Жақсы адам кетсе

Дүние кеміп қалғандай

3.Өзін ғана сыйлаған

Жамандықтын белгісі

Өзгені де ойлаған

Адамдықтың белгісі.

4.Ақмақ ішкен –жегенін айтады,

Ақылды көрген-білгенін айтады.

5.Жолдасын тастаған – жолда қалар.

6.Жолдасы көптін – олжасы көп

7.Жаман адам өзі бола алмайды

Болғанды көре алмайды.

8.Екі жақсы косылса бірін-бірі қиыспайды.

Екі жаман қосылса – кең дүниеге сыйыспайды.

9.Жақсы адам тауып айтады

Жаман адам итше қауып айтады

10.Адам туа жаман болмайды

Жүре жаман болады

Міне,балалар, өздерін айтып жатқан мақал-мәтелдер жақсы мен жаман касиеттер туралы болды. Ендеше, осы қасиеттер адамның өз жүрегінен шығады екен, сендер соны дәлелдедіңдер.